उदय सामंत यांच्या पत्नी नीलम शिर्के यांच्यावर सुषमा अंधारे : एकीकडे विधानपरिषद निवडणुकांची (Legislative Council Election) रणधुमाळी सुरू असतानाच दुसरीकडे चित्रपट महामंडळाच्या निवडणुकांचं (Film Corporation Elections) रणशिंग फुंकण्यात आलंय. चित्रपट (Film) महामंडळाच्या निवडणुकीत मोठी चुरस निर्माण झाल्याचं पाहायला मिळत आहे. यंदा या निवडणुकीत अभिनेते विजय पाटकर (Vijay Patkar) विरुद्ध मेघराज भोसले (Meghraj Bhosle) अशी लढत दिसून येणार असल्याची चर्चा होती. पण, यावेळी मला निवडणुकीत उमेदवारी अर्ज भरू दिला नसल्याचा आरोप अभिनेते विजय पाटकर यांनी केला आहे. तर, विजय पाटकर हा इंडस्ट्रीजला कलंक, अभिनयामध्ये कच्चा आहे पण लबाडी मध्ये एक नंबर आहे, असा पलटवार मेघराज भोसले यांनी केला आहे. अशातच आता चित्रपट महामंडळाच्या निवडणुकीत आणखी एक ट्वीस्ट आलाय. शिवसेना उद्धव बाळासाहेब ठाकरे पक्षाच्या (Shiv Sena (Uddhav Balasaheb Thackeray) Party) उपनेत्या सुषमा अंधारे (Sushma Andhare) यांनी सोशल मीडियावर पोस्ट करत खळबळजनक आरोप केला आहे. एकीकडे अभिनेते विजय पाटकर (Actor Vijay Patkar) आणि मेघराज भोसले यांच्यातील वाकयुद्ध विकोपाला पोहोचलं असतानाच आता सुषमा अंधारे यांनी केलेल्या आरोपांमुळे चित्रपट महामंडळाच्या निवडणुकीला नवं वळण मिळण्याची शक्यता आहे.

सुषमा अंधारे यांचा मुलगा म्हनल्या? (नीलम शिर्क यांच्यावर सुषमा अंधारे)

शिवसेना उद्धव बाळासाहेब ठाकरे पक्षाच्या उपनेत्या सुषमा अंधारे यांनी इन्स्टाग्राम हँडलवर एक पोस्ट करत चित्रपट महामंडळाच्या निवडणुकीबाबत मोठं वक्तव्य केलं आहे. सुषमा अंधारे यांनी उदय सामंत यांचं आणि त्यांच्या पत्नी नीलम उदय सामंत यांचं नाव घेत अत्यंत खळबळजनक आरोप केला आहे. त्यामुळे आता चित्रपट महामंडळाच्या निवडणुकीच्या रणधुमाळीत खळबळ माजली आहे.

सुषमा अंधारे म्हणाल्या की, “मराठी चित्रपट महामंडळाच्या निवडणुकीमध्ये मंत्री उदय सामंत यांच्या पत्नी नीलम उदय सामंत यांची निवड व्हावी यासाठी संपूर्ण सरकारी यंत्रणा कामाला लागली. विजय पाटकर यांच्यासारख्या अत्यंत ज्येष्ठ अभिनेत्याला सुद्धा अर्ज भरण्यापासून रोखण्यात आल्याची माहिती मिळते जे अतिशय गंभीर आहे. नेते अभिनेत्यांसारखे वावरतात तिथपर्यंत ठीक आहे पण नेते अभिनेत्यांचे हक्काचे कलाक्षेत्र ही बळकावत असतील तर मात्र दुर्दैवी आहे…”

मराठी चित्रपट महामंडळाच्या निवडणुकीत आरोप-प्रत्यारोपाचं सत्र रंगलं आहे. गेल्या 10 वर्षांत मेघराज भोसले यांनी चित्रपट महामंडळाचं अक्षरश: थडग केलंय, 7 महिने कर्मचाऱ्यांचा पगार दिला नाही. तसेच, मी फॉर्म भरू नये म्हणून राजकीय दबाव आणल्याचा आरोप अभिनेते विजय पाटकर यांनी केला आहे. तर, अभिनेते विजय पाटकर यांनी लोकांना फसवलंय, ते अभिनयात कच्चे आहेत. कुठला मंत्री आणि कोणत्या ओएसडीनं  फॉर्म भरू दिला नाही, त्यांची नावं जाहीर करावी, असं म्हणत अखिल भारतीय मराठी चित्रपट महामंडळाचे अध्यक्ष मेघराज भोसले यांनी पलटवार केला आहे.

विजय पाटकर यांचा आरोप नेमका काय? (Vijay Patkar On Meghraj Bhosle)

“माझा आक्षेप मेघराज राजेभोसले वर आहे. त्याला लाज वाटायला पाहिजे मागील 10 वर्ष काय केलं. महामंडळाच अक्षरशः थडग केलं याने. 7 महिने कर्मचाऱ्यांचा पगार देखील दिला नाही. उलट मला फोन करतोय आणि म्हणतोय माझा पॅनल मधून उभे रहा. याला लाज कशी वाटत नाही. मी काय माती खाल्ली आहे का? याच्या पॅनलमधून उभा राहायला…”, असं विजय पाटकर म्हणाले आहेत.

मेघराज भोसले यांचं नेमकं म्हणणं काय? (मेघराज भोसले चालू विजय पाटकर)

“विजय पाटकर हा इंडस्ट्रीजला कलंक, अभिनयामध्ये कच्चा आहे पण लबाडीमध्ये एक नंबर आहे… एका वर्षाच्या कारकिर्दीमध्ये विजय पाटकर यांनी लोकांना फसवलं… अनुदान देतो म्हणून अनेकांना फसवलं ते आज लोक माझ्याकडे येतात… जनरल बॉडीमधून पळकुटा अध्यक्ष म्हणून विजय पाटकर प्रसिद्ध झाला… 40 विरोधी पक्षातल्या लोकांनी अर्ज भरला, कुठला मंत्री आणि कुठला ओएसडी होता ज्याने तुला फॉर्म भरू दिला नाही?”, असं मेघराज भोसले म्हणाले आहेत.

महत्त्वाच्या इतर बातम्या :

अभिनेता म्हणून हा माणूस चांगला, पण माणूस म्हणून किती खालच्या पातळीचा; विजय पाटकरांवर राजेभोसलेंचा पलटवार

ABP माझाच्या बातम्या LIVE…

आणखी वाचा