Vidarbha Temperature News :  राज्यातील वातावरणात सातत्याने बदल होत आहे. कुठं उन्हाचा चटका जाणवत आहे तर कुठं ढगाळ वातावरण आहे अद्यापही राज्याच्या अनेक भागात तापमानाचा पारा वाढलेलाच आहे. अनेक ठिकाणी तापमानाचा पारा 40 अंशाच्या पुढे आहे. विशेषत विदर्भात तापमान जास्त आहे. अकोला अमरावती, नागपूर वर्धा या जिल्ह्यात तापमानाचा पारा 45 अंशाच्या पुढे गेल्यानं नागरिकांना मोठा त्रास सहन कारावा लागत आहे. आज विदर्भातील वर्झा जिल्ह्यात सर्वाधिक तापमानाची नोंद झाली. वर्धा जिल्ह्यात 46.8 अंश तापमानाची नोंद झाली आहे. 

विदर्भात कोणत्या जिल्ह्यात किती तापमान?

अकोला – 45.0°C
अमरावती – 45.2°C
 बुलढाणा – 41.2°C
ब्रह्मपुरी – 45.2°C
चंद्रपूर – 45.4°C
गडचिरोली – 45.0°C
 गोंदिया – 46.1°C
नागपूर – 46.4°C
वर्धा – 46.8°C
वाशीम – 44.0°C
यवतमाळ – 44.4°C

विदर्भात उष्णतेची तीव्र लाट आजही कायम असून वर्धा येथे सर्वाधिक 46.8 अंश सेल्सिअस तापमानाची नोंद झाली. नागपूर, गोंदिया 46 अंशाच्या पुढे तर चंद्रपूर, अमरावती आणि ब्रह्मपुरी येथे कमल तापमान 45 अंशांच्या पुढे नोंदवले गेले आहे.

नवातापा 2 जुलै पर्यंत असणार 

विदर्भात मागच्या 15 दिवसापासून सलग उष्णतेची लाट सुरु असताना आजपासून नवतापा सुरु होते आहे. नवतापा म्हणजे उन्हाळ्यातील  सर्वाधिक उष्ण नाऊ दिवस, यावेळेस नवतापा 25 मे पासून 2 जुलै पर्यंत असणार आहे. त्यामुळे विदर्भाचा पारा आणखी वर जाणार का ? याची नागरिकांना भीती आहे.

मागील काही दिवसापासून तापमानात सातत्याने वाढ