मुंबईचा विचार केला की गर्दी, ट्रॅफिक आणि धावपळीचे जीवन लक्षात येते. मात्र, या गजबजलेल्या शहरातही काही शांत आणि निसर्गरम्य ठिकाणे आहेत, जिथे गेल्यावर मनाला एक वेगळाच आराम मिळतो. हिरवागार निसर्ग, समुद्रकिनारे, टेकड्या आणि शांत वातावरण यामुळे ही ठिकाणे पिकनिक किंवा विश्रांतीसाठी सर्वोत्तम पर्याय बनतात. तुम्हालाही निसर्गात थोडा वेळ घालवायचा असेल तर या सुंदर ठिकाणांना नक्की भेट द्या.
त्वचा काळजी टिप्स: महागडी उत्पादने नाही, पण 'या' सवयींमुळे मिळेल नैसर्गिक चमकणारी त्वचा; शोधा
बोरिवली जवळील गोराई बीच हा शांत आणि सुंदर समुद्रकिनारा म्हणून ओळखला जातो. गर्दीपासून दूर असलेल्या या बीचवर तुम्ही सूर्यास्त पाहण्याचा आनंद घेऊ शकता. येथील थंडगार वारा आणि शांत वातावरण मनाला शांत करते.
सागर विहार हे नवी मुंबईतील कमी ज्ञात पण सुंदर ठिकाण आहे. वाशी स्टेशनपासून हाकेच्या अंतरावर असलेले हे ठिकाण मॉर्निंग वॉक, सायकलिंग आणि शांत वेळ घालवण्यासाठी योग्य मानले जाते.
मुंबईपासून हाकेच्या अंतरावर असलेले कर्नाळा पक्षी अभयारण्य निसर्गप्रेमींसाठी नंदनवन मानले जाते. विविध प्रजातींचे पक्षी येथे पाहायला मिळतात. हे ठिकाण ट्रेकिंग आणि फोटोग्राफीसाठीही प्रसिद्ध आहे. इथे एकदा नक्की जा.
अंधेरीतील गिल्बर्ट हिल हे मुंबईतील एक अनोखे नैसर्गिक ठिकाण आहे. लाखो वर्षांपूर्वी ज्वालामुखीच्या उद्रेकाने तयार झालेली ही टेकडी शहराच्या मध्यभागी असूनही शांततेची भावना देते.
ठाण्याजवळील येऊर हिल्स हिरवाई आणि शांत वातावरणासाठी प्रसिद्ध आहे. हे ठिकाण मॉर्निंग वॉक, सायकलिंग आणि पावसाळी पर्यटनासाठी लोकप्रिय आहे. धकाधकीच्या जीवनातून निवांत विश्रांती घेण्यासाठी येथे अवश्य भेट द्या.
इतिहास आणि निसर्गाचा सुंदर संगम अनुभवायचा असेल तर वसई किल्ला हा एक उत्तम पर्याय आहे. जुन्या वास्तू, हिरवळ आणि समुद्रकिनारी असलेले दृश्य यामुळे अनेक पर्यटक फोटोग्राफीसाठी येथे भेट देतात.
टोमॅटो सॉस रेसिपी: मुलांसाठी होममेड प्रिझर्व्हेटिव्ह-फ्री चविष्ट आणि आरोग्यदायी टोमॅटो सॉस, रेसिपी लक्षात घ्या
