Mohanlal Drishyam 3 Box Office Collection: साऊथ सुपरस्टार मोहनलाल (Mohanlal) सध्या 'दृश्यम 3' (Drishyam 3) या सिनेमामुळे प्रकाशझोतात आहे. सस्पेन्स थ्रिलर या सिनेमानं (Box Office Collection) प्रेक्षकांना खिळवून ठेवलं. अभिनेत्याचे चाहते या चित्रपटाबद्दल खूप उत्सुक आहेत. 'दृश्यम' आणि 'दृश्यम 2' हे दोन्ही भाग प्रचंड गाजले. या दोन्ही भागांना समीक्षकांकडून (Entertainment) भरभरुन दाद मिळाली होती. बहुप्रतिक्षित सस्पेन्स थ्रिलर 'दृश्यम 3' या सिनेमातील मोहनलालच्या अभिनयालाही चांगली दाद मिळत आहे. या कलाकाराने आपल्या अभिनयातून सर्वांना प्रभावित केले आहे. हा सिनेमा बॉक्स ऑफिसवरही उत्तम कामगिरी करत आहे. दरम्यान, विकडेजमध्ये या सिनेमाच्या कमाईत थोडी घट झाली होती. दरम्यान, शनिवारी या सिनेमाच्या कमाईत वाढ झाली असल्याचं पाहायला मिळालं.
जीतू जोसेफ दिग्दर्शित आणि मोहनलाल अभिनीत बहुप्रतिक्षित सस्पेन्स थ्रिलर या सिनेमानं बॉक्स ऑफिसवर आपला जलवा दाखवला आहे. विकेंडनंतर या सिनेमाच्या कमाईत थोडी घट झाली असल्याचं पाहायला मिळालं होतं. तरीही या सिनेमानं कोट्यवधींच्या घरात कमाई केली आहे. पहिल्या दिवसापासून या सिनेमाचा कमाईचा आलेख प्रभावी राहिला आहे.
'दृश्यम 3' या सिनेमानं पहिल्याच दिवशी 15.85 कोटी रुपये कमावले आहे. आता दुसऱ्या शनिवारी या सिनेमाची बॉक्स ऑफिस कमाई समोर आली आहे. सॅकनिल्कच्या ट्रेंडी रिपोर्ट्सनुसार, या सिनेमानं दहाव्या दिवशी 5.05 कोटी रुपयांचे बॉक्स ऑफिस कलेक्शन केले आहे. यामुळे 'दृश्यम 3' या सिनेमाची भारतातील आतापर्यंतची एकूण कमाई 91.30 कोटी (नेट कलेक्शन) झाली आहे. लवकरच हा सिनेमा 100 कोटींचा टप्पा गाठेल, असं बोललं जात आहे.
जीतू जोसेफ दिग्दर्शित 'दृश्यम 3' चा एक चाहतावर्ग निर्माण झाला आहे. सस्पेन्स थ्रिलर हा सिनेमा 21 मे रोजी सिनेमागृहात रिलीज झाला आहे. या बहुचर्चित चित्रपटात मोहनलाल, मीना, अंसिबा हसन, एस्थर अनिल, आशा शरथ, सिद्दीकी आणि इतर कलाकारांच्या महत्त्वाच्या भूमिका आहेत. आशीर्वाद सिनेमाजच्या बॅनरखाली एंटनी पेरुम्बावूर यांनी या चित्रपटाची निर्मिती केली आहे.
महत्त्वाच्या इतर बातम्या:
बॉक्स ऑफिसवर 'देऊळ बंद 2'चा दबदबा; दुसऱ्या शनिवारी घेतली मोठी झेप, कमाई ऐकून थक्क व्हाल
ABP माझाच्या बातम्या LIVE..
