Mumbai News : मुंबईतील NSCI वरळी डोम येथून एक खळबळजनक बातमी समोर आली आहे. यात पुन्हा एकदा लाइव्ह म्युझिक कार्यक्रमादरम्यान (Live Concert in Worli NSCI Dome) एका व्यक्तीचा मृत्यू झाला आहे. सध्या मृत्यूचे नेमकं कारण अद्याप स्पष्ट झालेले नाही. परिणामी या प्रकरणाचा सर्व बाजूंनी तपास सुरू असून, ड्रग्ज सेवनाशी संबंधित कोणता प्रकार यात आहे का, याचाही तपास मुंबई पोलीस करत आहेत. दरम्यान, या कार्यक्रमाला हजारो प्रेक्षक उपस्थित होते. पोलिसांनी मृत्यूचे कारण निश्चित करण्यासाठी वैद्यकीय अहवाल आणि इतर पुरावे तपासण्यास सुरुवात केली आहे. त्यामुळे वैद्यकीय अहवालानंतर या मृत्यूमागचं कारण कळू शकणार आहे. (Live Concert in Worli Death News)
Mumbai News : पोलिसांनी परवानगी नाकारली मात्र वरिष्ठ पातळीवरून परवानगी?
मिळालेल्या माहितीनुसार, याच लाइव्ह म्युझिक काॅन्सेटमध्ये मृत्यू झालेल्या तरुणाने मद्यप्राशन मोठ्या प्रमाणात केले होते, अशी देखील माहिती आहे. त्यांच्यासोबत एक तरुणीलाही अस्वस्थ वाटू लागल्याने तिला रुग्णालयात नेण्यात आले आहे. सध्या मुलींची प्रकृती स्थिर असून मुलांचा रात्री उशिरा मृत्यू झाल्याची माहिती पोलिसांनी दिलीय. दोघांनीही अधिक प्रमाणात मद्यप्राशन केले होते, त्यात गर्दीमुळे दोघांना अस्वस्थ वाटू लागले, अशी देखील माहिती मिळते आहे. यावेळी मुलगा अचानक नाचताना कोसळला, त्याला तात्काळ रुग्णालयात नेण्यात आल्याची माहिती सूत्रांनी दिली आहे. गोरेगाव नेस्को प्रकरणानंतर ताडदेव पोलिसांनी वरळी डोम येथील कार्यक्रमांना परवानगी नाकारली होती. मात्र या कार्यक्रमासाठी वरिष्ठ पातळीवरून परवानगी देण्याच्या सूचना असल्याची माहिती सूत्रांनी दिली आहे.
मित्रांसोबत मोठ्या प्रमाणात मद्यपान, अस्वस्थ वाटू लागल्याने रुग्णालयात दाखल केलं, पण.... (Live Concert in Worli Death News)
मिळालेल्या माहितीनुसार, वृषभ महेंद्र गांगुर्डे असे 28 वर्षीय मृत तरुणाचं नाव आहे. वृषभ हा माहिम परिसरात रहात असून तो त्याच्या -मित्र मैत्रिणींसोबत या इव्हेंटला आला होता. वृषभने मोठ्या प्रमाणात मित्रांसोबत मद्यपान केले होते. इव्हेटमध्ये झालेल्या गर्दीत वृषभ आणि त्यांच्या एका मैत्रिणीला अस्वस्थ वाटू लागले. त्यानंतर दोघांना जवळील रुग्णालयात दाखल करण्यात आले. यात वृषभचा मृत्यू झाला. तर वृषभसोबत असलेल्या त्याच्या मैत्रिणीची प्रकृती स्थिर असल्याची माहिती पोलिसांनी दिली आहे.
Live Concert Death : इथली परिस्थिती भयानक होती, मॅनेजमेंटला दोषी धरले पाहिजे, पोलिसांनी परवानगी दिलीच कशी?
मी NSCI चा मेंबर आहे, काल इथली परिस्थिती भयानक होती. मी कार्यक्रमासाठी इथे आलो होतो. मोठ्या प्रमाणात तरुणाई इथे जमली होती. हा कार्यक्रम झाल्यानंतर यातील अनेक तरुण शुद्धीत नसतात. घडलेल्या या प्रकारासाठी मॅनेजमेंटला दोषी धरले पाहिजे. पोलिसांनी यांना परवानगी दिलीच कशी? असा सवालही उपस्थित होत आहे. अशी प्रतिक्रिया NSCI क्लब मेंबर सुरेंद्र दुग्गल यांनी दिली आहे.
इतर महत्वाच्या बातम्या
