Sunil Pal on Pranit More Stand Up Comedian Row: कॉमेडियन प्रणित मोरेच्या (Pranit More) शोमध्ये प्रेक्षक हिमांशू जांगरा याच्या '370 रुपयांची बिर्याणी' (370 Rupees Biryani) आणि डॉक्टर सेजल पवार या तरुणीचं मृतदेहाच्या प्रायव्हेट पार्ट्सबाबतचं अश्लील वक्तव्यावरून निर्माण झालेला वाद सोशल मीडियावर चर्चेचा विषय बनला आहे. यावर अनेक स्थरावरून आता टीका केली जात आहे. शिवाय आता अनेक कॉमेडियन्सनी या प्रकरणावर टीका केली आहे. अशातच आता ज्येष्ठ कॉमेडियन सुनील पाल (Sunil Pal) यांनीही या प्रकरणात आपले मत मांडले आहे. तीव्र शब्दांतील प्रतिक्रियेत, सुनील यांनी प्रश्न विचारला आहे की वादग्रस्त कॉमेडियन्सना बिग बॉस आणि कौन बनेगा करोडपतीसारखे मुख्य व्यासपीठ का दिले जाते, तसेच त्यांनी कॉमेडी परफॉर्मन्सवर अधिक कठोर नियम लागू करण्याची मागणी केली आहे. (Pranit More Stand Up Comedian Row)
Sunil Pal on Comedian Pranit More: मी अशा लोकांना नेहमीच 'समाजातील दहशतवादी' म्हणतो, कारण...
ऑनलाइन समोर आलेल्या, आता डिलीट केलेल्या एका व्हिडिओमध्ये, सुनील पाल यांनी कॉमेडियन प्रणितवर हल्लाबोल करत त्याला "कॉमेडीचा कलंक" म्हटले आहे. तो म्हणाला, "आजकाल काही तरुण-तरुणी विनोदाच्या नावाखाली हातात माईक घेऊन प्रेक्षकांसमोर अश्लीलता सादर करण्याचा प्रयत्न करतात. यामुळे कदाचित त्यांना आपला उदरनिर्वाह करता येत असेल आणि 'ट्रेंडी' राहण्याची त्यांची इच्छाही पूर्ण होत असेल, पण शेवटी यामुळे आपल्या देशातील तरुणाईची मने दूषित होतात. म्हणूनच मी अशा लोकांना नेहमीच 'समाजातील दहशतवादी' म्हणतो. कारण जी गोष्ट सर्व प्रकारच्या विवेकालाच छेद देते, ती पूर्णपणे अतार्किकच असते."
Sunil Pal : अश्लील प्लॅटफॉर्मवर बंदी घालणारे कठोर नियम लागू केले पाहिजेत
सुनील पालने पुढे बोलताना असा युक्तिवाद केला की, असे कार्यक्रम आयोजित करणाऱ्या ठिकाणी अश्लील प्लॅटफॉर्मवर बंदी घालणारे कठोर नियम लागू केले पाहिजेत. तो म्हणाला की, अनेक कलाकार आपल्या कार्यक्रमांदरम्यान शिवीगाळ आणि अश्लील विनोदाचा वापर करतात, आणि कार्यक्रमस्थळाच्या मालकांनी हे सुनिश्चित केले पाहिजे की त्यांच्या परिसरात अशा कार्यक्रमांना परवानगी दिली जाणार नाही. त्याच्या मते, रंगमंचावर कोणत्याही अश्लील संभाषणांना किंवा अस्वास्थ्यकर विचारांना प्रोत्साहन दिले जाऊ नये. त्याने पुढे असेही म्हटले की, केवळ अशा उपायांद्वारेच हा प्रश्न नियंत्रणात आणला जाऊ शकतो, कारण समाज आणि त्याच्यासारखे विनोदवीर अशा सामग्रीचा प्रेक्षकांवर होणाऱ्या परिणामाबद्दल अधिकाधिक चिंतित आहेत.
Sunil Pal on Samay Raina : अशा लोकांना 'बिग बॉस' किंवा 'केबीसी' सारख्या कार्यक्रमांमध्ये का बोलावले जाते?
दरम्यान, प्रणितवर टीका करताना त्याने समय रैनाला पुढे खेचले आणि म्हणाला, आज, समाज आणि आमच्यासारखे विनोदी कलाकार चिंतित आणि त्रस्त आहेत. "आज समाज आणि आमच्यासारखे विनोदवीर या गोष्टीमुळे चिंतेत आणि अस्वस्थ आहेत. अशा लोकांना 'बिग बॉस' किंवा 'केबीसी' (KBC) सारख्या कार्यक्रमांमध्ये का बोलावले जाते? जे लोक शिवराळ भाषेचा वापर करतात, त्यांनाच व्यासपीठ का दिले जाते आणि त्यांचे उदात्तीकरण का केले जाते? जर चांगल्या लोकांना समोर आणले नाही, तर अशाच प्रकारची बाजारपेठ तयार होईल आणि आपल्या देशात विनोदी क्षेत्राला लागलेला हा 'डाग' अधिकच गडद होत जाईल." असेही सुनील पाल म्हणाला.
View this post on Instagram
नेमका काय आहे 370 रुपयांच्या बिर्याणीचा वाद? (Pranit More Stand Up Comedian Row)
हा वाद प्रणित मोरेच्या शोमधील एका व्हायरल व्हिडीओमुळे सुरू झाला. या व्हिडीओमध्ये हिमांशू जांगडा नावाच्या तरुणाने एका महिलेला डेटवर गेल्याचा अनुभव सांगितला होता. 'चिकन बिर्याणीवर 370 रुपये खर्च केले आता वसूल तर करावे लागतील ना..' असं म्हणत त्याने त्या खर्चाच्या बदल्यात तरुणीकडून शारीरिक जवळीक अपेक्षित असल्याचे सूचित करणारे वक्तव्य केले. या विधानानंतर सोशल मीडियावर संतापाची लाट उसळली. अनेकांनी या वक्तव्याला महिलांविरोधी, अपमानास्पद आणि संमतीच्या संकल्पनेला धक्का देणारे म्हटले. वाद केवळ हिमांशूपुरता मर्यादित राहिला नाही. शोदरम्यान त्या वक्तव्याला विरोध न केल्यामुळे आणि संबंधित क्लिप सोशल मीडियावर शेअर केल्याच्या आरोपांमुळे प्रणित मोरेलाही मोठ्या प्रमाणात टीकेला सामोरे जावे लागले. अशा आक्षेपार्ह वक्तव्यांना 'कॉमेडी'च्या नावाखाली थारा देऊ नये, असंही म्हटलं. सोशल मीडियावर होणाऱ्या या सगळ्या प्रकारामुळे प्रणित मोरेला माफी मागावी लागली. हा वाद तरीही इतका वाढला की त्याने थेट instagram अकाऊंटच बंद करून टाकलं.
