तेजश्री प्रधान आणि सुबोध भावेंच्या सध्या तुफान गाजत असलेल्या 'वीण दोघांतली ही तुटेना' मालिकेत एक आगळावेगळा एपिसोड टेलिकास्ट केला जाणार आहे. या एपिसोडची खासियत म्हणजे, यामध्ये एकही डायलॉग असणार नाही. कलाकार एकमेकांशी संवाद साधणार नाहीत, तर फक्त खाणाखुणा करूनच आपलं म्हणणं एकमेकांना सांगणार आहेत. त्यामुळे आता प्रेक्षकांनाही या एपिसोडची उत्सुकता लागली आहे. अनेकजण सोशल मीडियावर पोस्ट करुन हा एपिसोड कधी टेलिकास्ट होणार? याबाबत विचारणा करत आहेत.
View this post on Instagram
तेजश्री प्रधानचं गृहिणींना खास आवाहन (Tejashri Pradhan On Dialogue Free Episode)
'वीण दोघांतली ही तुटेना' मालिकेत मुख्य भूमिकेत झळकणारी अभिनेत्री तेजश्री प्रधान म्हणाली की, "हा माझ्यासाठी आनंदाचा दिवस... माईक न लावता सेटवर काम करायला मिळालं, या भागात आम्ही मूकअभिनय केलाय. त्यामुळे प्रेक्षकांना एक आगळावेगळा एपिसोड पहायला मिळणार आहे. फक्त गृहिणींना एक सांगायचं होतं की, नेहमी गृहिणी जेवण बनवतानासुद्धा सिरिअल पाहतात. काम करताना त्या सिरियलमधील फक्त डायलॉग ऐकत असतात. पण, हा भाग संवाद विरहित असल्यानं गृहिणींना कामं आटपून पहावा लागेल... त्यामुळे मी सुद्धा हे सीन पाहण्यासाठी उत्सुक आहे..."
पुढे बोलताना तेजश्री प्रधान म्हणाली की, "आम्हाला हा भाग करताना फार मज्जा आली. मालिकेतील सगळ्याच कलाकारांनी अनेक चांगली कामं केलीत. त्यामुळे हा ऐपिसोड करण्यासाठी कोणला वेगळी तयारी करावी लागली नाही. यामध्ये फक्त एकमेकांकडून बघून केलेले एक्स्प्रेशन्स आहेत. आम्हाला हे सीन करताना जशी मजा आली, तशीच तुम्हाला सुद्धा हा भाग पाहताना येईल..."
