Hrithik Roshan Saba Azad Relationship : बॉलीवूडचा स्टार अभिनेता ऋतिक रोशन हा अभिनेत्री आणि गायिका सबा आझद सोबत रिलेशनशिपमध्ये आहे. ऋतिकने त्याची पहिली पत्नी सुझान खान सोबत घटस्फोट घेतला. त्यानंतर तो सबा सोबत रिलेशनशिपमध्ये आहे. नुकतेच या दोघांनी आपल्या रिलेशनशिपची तिसरी अॅनिव्हर्सरी साजरी केली.

हे दोघे रिलेशनशिपमध्ये आहेत हे काही वर्षापूर्वीच उघड झालं होते. ऋतिक आणि सबाचे रेस्तराँमधून बाहेर पडतानाचे फोटो व्हायरल झाले होते. हे दोघे क्वचितच जाहीरपणे आपल्या रिलेशनशिपबद्दल बोलतात. मात्र आता ते आपल्या या नात्याबद्दल सोशल मीडिया पोस्ट करण्यात मागे पुढे पाहत नाहीयेत. नुकतेच १ ऑक्टोबरला ऋतिक आणि सबाने त्यांच्या नात्याती तिसरी अॅनिव्हर्सरी साजरी केली.  

या दोघांनी चाहत्यांसोबत देखील त्यांच्या अॅनिव्हर्सरीचे फोटो  शेअर केले. हे दोघे इटलीत सुट्टी घालवत होते. ऋतिक आपल्या सोशल मीडिया पोस्टवर लिहितो की, 'हॅप्पी अॅनिव्हर्सरी पार्टनर.' साबाने देखील फोटो शेअर करत हॅप्पी ३ इयर पार्टनर अशी पोस्ट शेअर केली. या दोघांनी आपले व्हेकेशन मधील काही फोटो देखील शेअर केले. 

एखादं नातं तीन वर्ष टिकणं ही त्या नात्यासाठी चांगली गोष्ट असते. मात्र सबा आणि ऋतिकचे नाते अनेक चाहत्यांना फारसे रूचलेले दिसत नाही. अनेक नेटकऱ्यांनी ऋतिक अन् सबाच्या फोटोखाली अनेक कमेंट केल्या आहेत. यात एक युजर ऋतिक तुझी आवड चांगली नाही असं लिहिलं. 

दुसऱ्याने तुझ्यासोबत हे कोणत्या चायनलचं कार्टून आहे अशी आक्षेपार्ह कमेटं केली. अनेक नेटकऱ्यांनी तर सबाची तुलना ही ऋतिकची पहिली पत्नी सुझान खानसोबत केली. अनेकांनी तर तिची तुलना कंगना रनौतसोबत देखील करून टाकली. या नेटकऱ्यांच्या कमेटंचा रोख हा दिसण्यात तरी कंगना ही सबापेक्षा कितीतरी पटीनं चांगली आहे याच्याकडे होता.