Pune Crime News: पुणे शहरातील वानवडी भागात 6 वर्षांच्या दोन मुलींवर लैंगिक अत्याचाराची घटना ताजी असतानाच आणखी एक घटना समोर आली आहे. कोंढव्यातील बोपदेव परिसरात 21 वर्षीय तरुणीवर तिघांनी केल्याची घटना गुरुवारी (3 ऑक्टोबर) रात्री घडली. शुक्रवारी (4 ऑक्टोबर) पहाटे पाच वाजेच्या सुमारास ही घटना उघडकीस आली. या प्रकरणी कोंढवा पोलिस स्टेशनमध्ये गुन्हा दाखल करण्यात आला आहे. पोलिस आरोपींचा शोध घेत आहेत.

पोलिसांनी दिलेल्या माहितीनुसार , पीडित तरुणी तिच्या मित्रासोबत पुण्याजवळील बोपदेव घाटात फिरायला गेली होती. त्यानंतर तिथे तीन तरुण आले, आम्ही मानवधिकार संघटनेचा कार्यकर्ते असल्याचा दावा त्यांनी केला. नंतर तिन्ही नराधमांनी तरुणीचे अपहरण करून तिला अज्ञात स्थळी नेऊन तिच्यावर आळीपाळीने सामूहिक बलात्कार केला.

धक्कादायक माहिती आली समोर...
कोंढवा पोलिसांनी पीडित तरुणीचा जबाब नोंदवला आहे. तिने पोलिसांना तिची आपबिती सांगितली. मित्रासह फिरण्यासाठी बोपदेव घाटात गेली असता तिथे तिघेजण आले आणि आपण मानवाधिकार संघटनेचे कार्यकर्ते असल्याचे सांगितले.नंतर पीडिता आणि तिच्या मित्रांचे तिघांनी मोबाईलच्या कॅमेऱ्याने फोटो काढले. त्यानंतर तिघांनी पीडितेला आपल्या कारमध्ये बसवून येवले वाडी परिसरातील एका अज्ञातस्थळी घेऊन गेले. तिन्ही नराधमांनी पीडिलेच्या अब्रुचे लचके तोडले. या घटनेमुळे पुणे जिल्ह्यात खळबळ उडाली आहे.

पुणे पोलिसांची 10 पथके आरोपींचा शोध घेण्यासाठी रवाना झाले आहेत. पथकांमध्ये गुन्हे शाखा आणि स्थानिक पोलिसांचा समावेश आहे. दरम्यान, गेल्या काही दिवसांपासून पुण्यात सातत्याने घडणाऱ्या अशा घटनांमुळे नागरिकांमध्ये भीतीचे वातावरण निर्माण झाले आहे. अत्याचार, विनयभंगाच्या घटना वारवारं घडत असताना महिलांच्या सुरक्षिततेचा प्रश्न पुन्हा एकदा ऐरणीवर आला आहे.

राज्यातील महिला असुरक्षित..- सुप्रिया सुळेपुण्यात तरुणीवर सामूहिक बलात्काराच्या घटनेनंतर सर्वत्र संतापाची लाट उसळली आहे. यावरून खासदार सुप्रिया सुळे यांनी सरकारवर निशाणा साधला आहे. सरकार एका बाजूला लाडकी लेक म्हणून अर्थसाह्यय्य करत आहे तर दुसरीकडे महिलांच्या सुरक्षेकडे दुर्लक्ष करत असल्याचा घणाघाती आरोपही सुप्रिया सुळे यांनी केला आहे.

दरम्यान, दोन दिवसांपूर्वी स्कूल बस चालकाने शाळा सुटल्यावर मुलींना घरी सोडण्यापूर्वी बसमध्ये चिमुकलींवर लैंगिक अत्याचार केल्याचा प्रकार घडला होता. आरोपी बस चालकाने दोन मुलींवर लैंगिक अत्याचार केला. या प्रकरणी पुण्यातील वानवडी पोलिसांत आरोपी बस चालकाच्या विरोधात गुन्हा दाखल करण्यात आला आहे.

पुण्यातील नामांकित शाळेतील विद्यार्थीनींसोबत हा प्रकार घडला आहे. आरोपी बस चालकाने मुलींना घरी सोडण्यापूर्वी आपल्या बसच्या केबिनमध्ये बोलावून त्यांच्यावर अत्याचार केला. आरोपी बस चालक हा शाळेतील सहा वर्षांच्या मुलीसोबतच आणखी एका मुलीसोबत अश्लील चाळे अन् लैंगिक अत्याचार करत होता.