Masala Tea Powder Recipe: मसाला चहा चव आणि आरोग्य दोन्हीसाठी फायदेशीर आहे. हा चहा प्यायल्याने सर्दी, खोकला, पडसं यांसारख्या समस्या दूर होतात. त्यामुळे या काळात तुम्हाला मसाला चहा प्यायचा असेल तर, त्या चहासाठी लागणारा मसाला तुम्ही घरीदेखील बनवून ठेवू शकता. आणि त्यापासून चहा बनवून तुम्ही स्वतःला फ्रेश ठेवू शकता.

मसाला चहा केवळ स्वादिष्टच नाही तर आरोग्यासाठी देखील फायदेशीर आहे. त्यामुळे मसाला चहा बनवण्यासाठी त्याचा मसाला घरी कसा तयार करायचा याबद्दल जाणून घ्या.

मसाला चहाचा मसाला बनविण्याची रेसिपी जाणून घ्या
या जगात असे बरेच लोक आहेत जे चहाचे शौकीन आहेत. काही लोक त्यांच्या दिवसाची सुरुवात एक कप चहाने करतात. त्यात जर मसालेदार चहा मिळाला तर शरीराची ऊर्जा एका वेगळ्याच उंचीवर जाऊन पोहोचते. मसाला चहा केवळ चहाची चव दुप्पट करत नाही तर आरोग्याचीही विशेष काळजी घेतो. त्यामुळे अनेकजण बाजारातून मसाला चहाचे पॅकेट घरी आणून ठेवतात. पण मसालेदार चहाचा हा दमदार मसाला तुम्ही घरीही तयार करू शकता. ज्याचा तुम्ही अनेक दिवस उपयोग करू शकता.


मसाला चहाचा मसाला बनविण्यासाठी लागणारे साहित्य
लवंग
वेलची
काळी मिरी
एक चमचे बडीशेप
सुंठ
दालचिनी
कोरडे आले
जायफळ,
तुळशीची पाने

कृती
चहा मसाला बनवण्यासाठी सर्व प्रथम सर्व मसाले जसे की लवंग, वेलची, काळी मिरी, बडीशेप, दालचिनी, सुंठ, जायफळ आणि तुळशीची पाने एका तव्यावर कोरडी भाजून घ्या. नंतर हे मसाले प्लेटमध्ये काढून ठेवा. यानंतर सर्व मसाले थंड झाल्यावर मिक्सरमध्ये किंवा ब्लेंडरमध्ये टाकून बारीक वाटून घ्या. यानंतर त्यात जायफळ पावडर आणि सुंठ घालून मिक्स करून मसाले परत एकदा बारीक करून घ्या. अशाप्रकारे तुमचा चहा मसाला तयार झाला आहे.

मसाला चहा बनविण्याची रेसिपी
आता चहा बनवण्यासाठी एका भांड्यात आवश्यकतेनुसार पाणी घाला. पाणी उकळल्यावर तयार मसाला उकळत्या पाण्यात घाला. आता या मसाल्यासह पाणी किमान पाच मिनिटे उकळवा. नंतर चहाची पाने घालून दोन मिनिटे उकळवा. चहाच्या पानांचा रंग पाण्यासारखा झाला की त्यात दूध आणि साखर घालून थोडा वेळ शिजवा. चहा चमच्याने नीट ढवळून घ्या आणि चहाला पाच ते दहा मिनिटे नीट उकळू द्या. अशाप्रकारे तुमचा कडक मसालेदार चहा तयार होईल.