Mumbai Vadapav Seller : आजकाल प्रत्येक जण नोकरी सोडून छोटा उद्योग करण्याचा विचार करत आहे. भारतातील बहुतांश लोक हे एक लाखाच्या नोकरीऐवजी जास्त कमाई असणाऱ्या व्यवसायाकडे वळत आहेत. मुंबईत रस्स्याच्या कडेला वडापावची गाडी लावणारा एक व्यक्ती वर्षाला 24 लाख कमावत आहे. त्याच्या कमाईचा आकडा वाचल्यानंतर अनेकांना आश्चर्याचा धक्का बसला आहे. (Mumbai Vadapav Seller Video)

एका व्हायरल व्हिडिओद्वारे (Viral Video) या विक्रेत्याची बातमी समोर आली आहे. इन्स्टाग्रामवर शेअर करण्यात आलेल्या या व्हिडिओला 1 कोटीपेक्षा जास्त व्ह्यूज मिळाले आहेत. या वडापाव विक्रेत्याची वर्षाची कमाई 24 लाख आहे. मिळालेल्या माहितीनुसार, हा वडापाव विक्रेता महिन्याला साधारण 2 .8 लाख रुपये कमावतो. या रकमेतील साधारणपणे 80 हजार तो खर्च करतो. त्यानंतर त्याचे साधारणपणे 2 लाख रुपये महिन्याला वाचतात. त्याची कमाई ऐकल्यावर सगळेच आश्चर्यचकित झाले आहेत. या व्हिडिओमुळे स्ट्रीट व्हेंडरच्या कमाईविषयीची माहिती उघड झाली आहे. या व्हिडिओमुळे लोकांना ही जाणीव झाली आहे की, पैसे कमावण्यासाठी ग्लोबल कंपनीतच नोकरी करायला हवी, हे आवश्यक नाही. (Mumbai News)

@sarthaksachdevva या इन्स्टाग्राम अकाऊंटवरुन हा वडापाव विक्रेत्याचा व्हिडिओ शेअर करण्यात आला आहे. सार्थक सचदेव सोशल मीडिया एन्फल्युएन्सरने दिवसभर वडापाव विक्रेत्यासोबत थांबून वडापाव विक्रीचं काम केलं. दिवस संपल्यावर जेव्हा त्याने गल्ल्यात जमा झालेले पैसे मोजले तेव्हा त्यालाही आश्चर्य वाटले. (Instagram Viral Video)


मुंबईसह (Mumbai News)संपूर्ण महाराष्ट्रात वडापावची प्रचंड क्रेझ आहे. लोकांना वडापाव हा पदार्थ खूप आवडतो. व्हिडिओमध्ये वडापाव विक्रेता सांगतोय की, आम्ही सकाळीच साधारणपणे 200 वडापाव विकले आहेत. संध्याकाळपर्यंत ही संख्या 622 वर पोहोचेल. एका वडापावची किंमत 15 रुपये आहे. अशाप्रकारे त्यांचं रोजचं उत्पन्न साधारणपणे 9300 रुपये आहे. महिन्याभरात या वडापाव विक्रेत्याचं उत्पन्न 2.8 लाखपर्यंत पोहोचतं.

या व्हिडिओवर एका युजरने कमेंट केली आहे की, 'मला खरंच अजिबात समजत नाहीये मी जीवनात नक्की काय करतोय ?' आणखी एकाने लिहिलंय की, 'फुड कार्ट सुरु करण्याची आता वेळ आली आहे.' एका युजरने लिहिलंय की, 'हा सगळा लोकेशनचा खेळ आहे. 'रस्त्यावर व्यवसाय करणारे लोक इतकी कमाई करतात, हे समजल्यावर लोक व्यवसाय करण्याची इच्छा व्यक्त करत आहेत.