Gold Investment: भारतीयांमध्ये नागरिकांमध्ये सोन्याच्या दागिन्यांची एक आवड आहे. केवळ दागिनेच नाही तर करणाऱ्यांची संख्या सुद्धा मोठी आहे. सोन्यातील गुंतवणूक ही सुरक्षित गुंतवणूक मानली जाते आणि त्यामुळेच भारतातील गुंतवणुकदार सोन्यात सुद्धा गुंतवणूक करण्याला प्राधान्य देतात. सणासुदीत आणि लग्नसराईत सोन्याची मागणी प्रचंड वाढते आणि त्यामुळेच दरात सुद्धा झपाट्याने वाढ होते. 2024 या वर्षाच्या सुरुवातीपासूनच दिसून आली. त्याचा एक परिणाम म्हणजे गेल्या 45 वर्षांचा रेकॉर्ड सोन्याने मोडला असून नवा विक्रम रचला आहे.

गेल्या 45 वर्षांत यंदा म्हणजेच 2024 या वर्षात सोन्याने गुंतवणुकदारांना सर्वाधिक परतावा दिला आहे. क्रेडिटा कमॉडिटीच्या रिपोर्टनुसार, सोन्याने यंदाच्या वर्षी गुंतवणुकदारांना सर्वाधिक परतावा दिला आहे. यंदाच्या वर्षी गुंतवणुकदारांना किती परतावा मिळाला आणि गेल्या 45 वर्षांचा पॅटर्न काय सांगतो जाणून घेऊयात...

सर्वाधिक परतावा कधी?1980 पासून 2024 पर्यंत सोन्याने गुंतवणुकदारांना सर्वाधिक परतावा केवळ 2024 मध्ये दिला आहे. 2024 आणि 2007 व्यतिरिक्त इतर कोणत्याही वर्षात गुंतवणुकदारांना 30 टक्क्यांपेक्षा जास्त परतावा मिळालेला नाहीये. केडिया अॅडव्हायझरीच्या आकडेवारीनुसार, यंदाच्या वर्षी सोन्याने गुंतवणुकदारांना तब्बल 31.33 टक्के परतवा दिला आहे. याआधी 2007 मध्ये सर्वाधिक परतावा दिला होता. हा परतावा 31.02 टक्के होता.
2010 मध्ये गुंतवणुकदारांना सोन्यातून 29.61 टक्के परतावा मिळाला होता. सोन्याने 2020 मध्ये 25.09 टक्के, 2002 मध्ये 24.79 टक्के, 2009 मध्ये 24.64 टक्के, 2006 मध्ये 23.54 टक्के, 1986 आणि 1987 मध्ये अनुक्रमे 21.58 टक्के आणि 21.53 टक्के परतावा दिला होता.

कधी झाले नुकसान?1980 पासून आतापर्यंत एकूण 25 वर्षांत सोन्याने सकारात्मक परतावा दिला आहे. एकूण 20 वर्षे असे आहेत जेव्हा सोन्याने गुंतवणुकदारांची निराशा केली. 1981 मध्ये सोन्यात गुंतवणूक करणाऱ्यांना 32.18 टक्के तोटा झाला. 2013 मध्ये सोन्याने 28.04 टक्के, 1984 मध्ये 20.03 टक्क्यांनी सोन्यात घसरण झाली. 1997 मध्ये सोन्यात गुंतवणूक करणाऱ्यांना 19.58 टक्के तोटा सहन करावा लागला.

पुढे काय होणार?सोन्याच्या दरात यंदाच्या वर्षी प्रचंड तेजी दिसून येत आहे. इतकेच नाही तर सोन्याचा दर उच्चांक गाठत आहे. त्यातच आता दिवाळी आणि त्यानंतर लग्नसराई सुरू होत आहे. यामुळे सोन्याची मागणी मोठ्या प्रमाणात होईल आणि सोन्याच्या दरात आणखी वाढ होण्याची दाट शक्यता आहे. इतकेच नाही तर सोन्याचा दर 85 हजारांचा टप्पा गाठण्याची शक्यता वर्तवण्यात येत आहे.