Simple, Easy and Beautiful Rangoli Ideas for Dhanteras: दिवाळीचा सण अगदी जवळ आला आहे, (Diwali 2024) यंदाची दिवाळी दि. 1 नोव्हेंबरला जरी साजरी होत असली, तरी धनत्रयोदशीपासूनच दिवाळीचा खरा उत्साह सुरू होतो, त्यामुळे येत्या धनत्रयोदशीच्या दिवशी आपले अंगण सजवण्यासाठी आकर्षक रांगोळ्यांचे पर्याय जर तुम्ही शोधत असाल, तर आम्ही तुमच्यासाठी काही नवीन रांगोळीचे डिझाइन्स घेऊन आलो आहोत.

दिवाळीचा सण हा प्रत्येकासाठी खूप खास असतो. या सणाच्या निमित्ताने कुटुंब आणि मित्रमंडळी एकत्र येतात, स्वादिष्ट मेजवानी रंगते, फटाके वाजवले जातात. दिवाळीच्या या उत्साहाला धनत्रयोदशीपासूनच सुरवात होते. त्यामुळे या दिवशी घर सजवण्यासाठी विविध दिवे आणि मातीच्या पणत्या लावल्या जातात. देवी लक्ष्मीला प्रसन्न करण्यासाठी आणि तिचे घरात स्वागत करण्यासाठी आकर्षक रांगोळी काढली जाते. त्यामुळे यंदाच्या धनत्रयोदशीसाठी खास रांगोळी काढण्यासाठी नवनवीन डिझाइन्स तुम्ही शोधत असाल तर आकर्षक दिव्यांच्या रांगोळीपासून ते देवी लक्ष्मीच्या पाऊलांपर्यंत सर्वोत्कृष्ट रांगोळी डिझाइन येथे पहा. या रांगोळी अगदी नवशिक्याही सहज बनवू शकतील अशा आहेत. (simple rangoli for dhanteras)

शुभ लाभ रांगोळी

दिवाळीची सुरेख सुरुवात करण्यासाठी ही रांगोळी एक उत्तम पर्याय आहे. धनत्रयोदशीला अशी रांगोळी काढून तुम्ही चैतन्यमय वातावरण निर्माण करू शकतात.

साधी आणि सोपी रांगोळी

तुम्ही अशाप्रकारे साधी आणि सोपी रांगोळी देखील काढू शकता. ही रांगोळी धानत्रयोदशीसाठी योग्य असून, अगदी नावशिके देखील काही मिनिटात ही रांगोळी काढू शकतील.

पोस्टर रांगोळी

तुमचे अंगण जर मोठे असेल तर तुम्ही अशाप्रकारे पोस्टर साईज धानत्रयोदशीच्या शुभेच्छा देणारी रांगोळी काढू शकतात. आणि त्याच्या भोवती दिवे लावून त्याची सजावट करू शकतात. संध्याकाळी ही रांगोळी दिव्यांमुळे अगदी झगमगून येईल.

लक्ष्मीची पाऊले आणि कलश

लक्ष्मीची पाऊले आणि कलश असलेली ही रांगोळी देखील तुम्ही काढू शकता. ही रांगोळी देवी लक्ष्मीचे वास्तव्य प्रतीत करते.

नाण्यांचा वापर करून रांगोळी

तुम्ही दिवाळी डेकोरेशन साठी अशाप्रकारची रांगोळी तुमच्या घरात काढू शकता. या रांगोळीमध्ये नाण्यांचा वापर करण्यात आला आहे. ही सुरेख रचना तुम्ही देखील करू शकता.

दिव्यांची आरास असलेली छोटी रांगोळी

दिव्यांची आरास असलेली ही छोटी रांगोळी तुम्ही धनत्रयोदशीच्या दिवशी काढू शकता. जर जागा अरुंद असेल तर अशी आडवी रांगोळी उत्तम पर्याय आहे.

रंगीत फुलांची पर्यावरण पूरक रांगोळी

धनत्रयोदशीला घर सजावट करून झाल्यानंतर राहिलेल्या फुलांपासून तुम्ही अशाप्रकारे सुंदर रांगोळी काढू शकता. दिवाळीसाठी ही पर्यावरण पूरक रांगोळी ठरेल.