Jahnavi Killekar Visit Suraj Chavan's Village : बिग बॉस मराठीचं यंदाचं पाचवं पर्व खूपच मनोरंजक ठरलं. यंदाचा बिग बॉस मराठीचा सीझन हिट ठरला. प्रेक्षकांनी या शोला आणि त्यातील सदस्यांना भरभरुन प्रेम दिलं. महाराष्ट्रातील जनतेनं सूरज चव्हाणला भरपूर प्रेम करत आणि व्होट देत बिग बॉस मराठी सीझन 5 चा विजेता बनवलं. बिग बॉस संपल्यानंतर सूरज चव्हाण बारामतीमध्ये त्याच्या घरी पोहोचला आहे. सूरज चव्हाणला आता टीव्हीवर पाहता येत नसलं तरी, तो सोशल मीडियाच्या माध्यमातून चाहत्यांशी जोडलेला आहे. सूरज सोशल मीडियावर त्याचे फोटो आणि व्हिडीओ शेअर करत असतो. सूरजने नुकताच जान्हवीसोबत व्हिडीओ शेअर केला आहे.
बिग बॉस मराठी 5 मधील सदस्यांचं एकमेकांशी फार घट्ट नातं जमलं आहे. हे नातं बिग बॉस मराठीच्या घराबाहेर पडल्यानंतरही कायम असल्याचं दिसून येत आहे. बिग बॉसचे स्पर्धक एकमेकांसोबतचे फोटो आणि व्हिडीओ शेअर करत असतात. नुकताच सूरज चव्हाणने जान्हवी किल्लेकरसोबतला व्हिडीओ शेअर केला आहे. या व्हिडीओमध्ये जान्हवी सूरजच्या गावी रमताना दिसत आहे. जान्हवी किल्लेकर सूरज चव्हाणच्या गावी पोहोचली होती. यावेळी भावा-बहिणीने धमाल केल्याचं व्हिडीओमध्ये दिसत आहे. सूरजने जान्हवीला त्याचं गाव दाखवत फुल्ल धमाल केली.
सूरज चव्हाणने जान्हवी किल्लेकरसोबतचा एक व्हिडीओ शेअर केला आहे. या व्हिडीओमध्ये जान्हवी सूरजच्या गावी फिरताना, त्याच्या शेताता रमताना दिसत आहे. सूरजच्या गावी शेतात गेल्यावर जान्हवी किल्लेकरने चक्क ट्रॅक्टरही चालवला. बिग बॉसच्या घरात जान्हवी आणि सूरज यांच भाऊ-बहिणीचं नातं जुळलं, ते नातं बिग बॉसच्या घराबाहेर पडल्यानंतरही दघं जपताना दिसत आहेत.
सूरज आणि जान्हवीच्या या व्हिडीओवर नेटकऱ्यांनी लाईक्स आणि कमेंट्सचा पाऊस पाडला आहे. नेटकरी जान्हवी आणि सूरजचं कौतुक करताना थकत नाहीत. एका नेटकऱ्यांने कमेंटमध्ये लिहिलंय, "खरंच जान्हवी खूप प्रेमळ आहे". दुसऱ्याने लिहिलंय, "कसा आहे भाऊ-बहिणीचा व्हिडीओ?" आणखी एकाने लिहिलंय, "नाईस जोडी".
View this post on Instagram
