Athiya Shetty and KL Rahul Expecting First Baby : बॉलिवूड अभिनेत्री अथिया शेट्टी हिने प्रेग्नेंट असल्याची गोड बातमी चाहत्यांसोबत शेअर केली आहे. क्रिकेटर केएल राहुलची पत्नी आणि अभिनेता सुनील शेट्टीची मुलगी अभिनेत्री अथिया शेट्टीने प्रेग्नेंसीची घोषणा केली आहे. अभिनेत्री अथिया शेट्टीने इंस्टाग्राम पोस्टद्वारे प्रेग्नेंसीची गोड बातमी चाहत्यांसोबत शेअर केली आहे. हे कपल लग्नाच्या दीड वर्षानंतर त्यांच्या पहिल्या बाळाचं स्वागत करणार आहे. अलिकड्च्या काळात अनेक सेलिब्रिटींनी त्यांच्या पहिल्या बाळाचं स्वागत केलं आहे. यामध्ये दीपिका पदुकोण-रणवीर सिंह, रिचा चढ्ढा-अली फजल यांसह अनेक सेलिब्रिटी कपल्सचा समावेश आहे. आता आणखी एका सेलिब्रिटी कपलने गूड न्यूज दिल्याने चाहत्यांकडून शुभेच्छांचा वर्षाव होत आहे.
भारतीय क्रिकेटपटू केएल राहुल आणि त्याची पत्नी अभिनेत्री अथिया शेट्टी यांनी गोड बातमी शेअर केली. हे जोडपं लवकरच त्यांच्या पहिल्या बाळाच्या स्वागतासाठी आतुर आहे. अथिया शेट्टी आणि केएल राहुल यांनी सोशल मीडियावर गूड न्यूज शेअर करत आपला आनंद व्यक्त केला आहे. अथिया शेट्टी आणि केएल राहुल यांचं जानेवारी 2023 मध्ये लग्न झालं. आता दीड वर्षाच्या सुखी संसारानंतर दोघेही पहिल्या बाळाचं स्वागत करणार आहेत.
अथिया शेट्टी आणि केएल राहुल यांनी इंस्टाग्रामवर एक पोस्ट शेअर केली आहे. ज्यामध्ये लिहिलंय, "आमचे सुंदर आशीर्वाद लवकरच येत आहेत. 2025". या फोटोमध्ये चिमुकल्या बाळाची पाऊलेही दिसत आहे. या पोस्टद्वारे कपलने प्रेग्नेंसीची घोषणा करत पुढील वर्षी त्यांच्या बाळाच्या आगमन होणार असल्याचा इशाराही दिला आहे. या घोषणेनंतर त्यांच्यावर शुभेच्छांचा वर्षाव होत आहे.
View this post on Instagram
केएल राहुल आणि अथिया शेट्टी यांची प्रेमकहाणी 2019 मध्ये सुरू झाली आणि अनेक वर्षांच्या डेटिंगनंतर त्यांनी 2023 मध्ये लग्न केलं. या कपलने अत्यंत खाजगी समारंभात कुटुंबीय आणि जवळच्या मित्रमंडळींसह मोजक्या पाहुण्यांच्या उपस्थित लग्नगाठ बांधली. अथिया ही बॉलीवूड सुपरस्टार सुनील शेट्टीची मुलगी आहे.
