IPL 2025 player auction list announced: आयपीएल संदर्भातील एक मोठी बातमी समोर येत आहे. बीसीसीआयने शुक्रवारी आयपीलएल मेगा लिलावाचे वेळापत्रक आणि ठिकाण जाहीर केली आहे. एवढेच नाही तर TATA IPL 2025 खेळाडूंची लिलाव यादी जाहीर देखील जाहीर करण्यात आली आहे. आयपीएल 2025 मेगा लिलाव 24 आणि 25 नोव्हेंबर रोजी सौदी अरेबियातील जेद्दाह येथे होणार आहे. रविवारी 24 नोव्हेंबर 2024 रोजी दुपारी 01:00 वाजता आयपीएल 2025 मेगा लिलाव सुरू होईल.


इंडियन प्रीमियर लीग 2025 मेगा लिलावात एकूण 574 खेळाडू सहभागी होणार आहेत. त्यापैकी 366 भारतीय आणि 208 परदेशी खेळाडूंचा समावेश असून यात सहयोगी राष्ट्रांच्या 3 खेळाडूंचा समावेश आहे. आयपीएलच्या या मेगा लिलावात 318 भारतीय अनकॅप्ड खेळाडू आणि 12 परदेशी अनकॅप्ड खेळाडूंचा समावेश असेल. तसेच परदेशातील खेळाडूंसाठी 70 उपलब्ध स्लॉटसह 204 स्लॉट मिळतील.


या लिलावात सर्वोच्च राखीव किंमत 2 कोटी रुपये असून 81 खेळाडूंची या सर्वोच्च ब्रॅकेटमध्ये निवड करण्यात आली आहे. या सर्व खेळाडूंची बोली 2 कोटींपासून सुरू होणार आहे. या लिलावात सुरुवातीला मार्की सेट 1 मध्ये जोस बटलर, श्रेयस अय्यर , ऋषभ पंत, कागिसो रबाडा , अर्शदीप सिंग आणि मिचेल स्टार्क यांच्यासह दोन मार्की प्लेयर सेट असतील, तर युझवेंद्र चहल, लियाम लिव्हिंगस्टोन, डेव्हिड मिलर, केएल राहुल , मोहम्मद शमी आणि मोहम्मद सिराज हे मार्की सेट २ मध्ये असतील.


आयपीएल रिटेन्शन विंडो नुकतीच बंद झाली तेव्हा 10 आयपीएल फ्रँचायझींमध्ये एकूण 46 खेळाडूंना कायम ठेवण्यात आले होते. या रिटेन्शनसाठी 10 संघांनी एकूण 558.5 कोटी रुपयांची गुंतवणूक केली होती. गतविजेत्या कोलकाता नाईट रायडर्स आणि आयपीएल-1 चॅम्पियन राजस्थान रॉयल्सने प्रत्येकी 6 खेळाडूंना रिटेन करण्याचा निर्णय घेतला. तर चेन्नई सुपर किंग्ज , गुजरात टायटन्स , लखनऊ सुपर जायंट्स , मुंबई इंडियन्स आणि सनरायझर्स हैदराबाद या पाच संघांनी प्रत्येकी पाच खेळाडूंना कायम ठेवले आहे.


याशिवाय दिल्ली कॅपिटल्सने चार , रॉयल चॅलेंजर्स बेंगळुरूने तीन आणि पंजाब किंग्जने सर्वात कमी दोन खेळाडूंना रिटेन केले आहे. पंजाब किंग्स सर्वात मोठ्या पर्ससह या ॲक्शन-पॅक मेगा लिलावात एंट्री करणार आहे. पंजाब किंग्जच्या पर्समध्ये सर्वाधिक 110.5 कोटी रुपये आहेत. या महिन्याच्या सुरुवातीला 1574 इच्छुक खेळाडूंनी लिलावासाठी नोंदणी केली होती. या लिलावात एकूण 204 स्लॉट्स उपलब्ध होते. कारण प्रत्येक फ्रँचायझी जास्तीत जास्त 25 खेळाडूंचा संघात समावेश करण्यास सक्षम आहे. नोंदणी केलेल्या खेळाडूंमध्ये 1,165 क्रिकेटपटू भारतातील होते तर 409 विदेशी खेळाडूंचाही यात समावेश होता.