शिरपूर : शिरपूर नजीक राष्ट्रीय महामार्गावर गौळखेडा फाट्यावर ऑटो व दुचाकीची समोरासमोर धडक लागल्याने भीषण अपघात झाला.

यामध्ये एक व्यक्ती ठार झाला असून एक जण गंभीर जखमी झाला आहे. ही घटना दिनांक १३ नोव्हेंबर रोजी सायंकाळी साडेसहा वाजता घडली आहे.

प्राप्त माहितीनुसार शिरपूरकडून गौळखेडाकडे प्रवासी घेऊन जाणारा ऑटो क्र. एम.एच ३० पी.५५५८ व किन्ही घोडमोडकडून शिरपूरकडे येत असलेली दुचाकी क्र. एम.एच.३७ एक्स ८८७३ ची समोरासमोर धडक झाल्याची घटना दिनांक १३नोव्हेंबर २०२४ रोजी सायंकाळी ६.३० वाजताच्या सुमारास राष्ट्रीय महामार्ग क्र . ४६१ बी वर शिरपूर पासून १ किमी अंतरावर, गौळखेडा फाट्यावर घडली.

या अपघातामध्ये जोराची धडक बसल्याने दुचाकीस्वार, ऑटोची समोरील काच फुटून ऑटो चालकाच्या अंगावर आदळला यामध्ये ऑटोचालक दिनेश भास्कर चंद्रशेखर राहणार गौरखेडा हा गंभीर जखमी झाला आहे.

दुचाकीस्वार अनिकेत साहेबराव कांबळे रा घोडमोड कीन्ही वय अं. ३५ यांना अकोला येथे रुग्णालयात दाखल केल्यानंतर त्यांचा मृत्यू झाला आहे.

ऑटो चालकास वाशीम येथे उपचारासाठी हलवण्यात आले आहे. ऑटोमधील प्रवासी सुखरूप असून, दोन्ही वाहनाचे नुकसान झाले आहे.