South Actress Request To Salman Khan : बॉलिवूडचा (Bollywood) दबंग भाईजान, सलमान खान (Salman Khan). आजही अनेकांच्या गळ्यातील ताईत असलेल्या भाईजानसोबत स्क्रिन शेअर करण्याचं अनेक बॉलिवूड अभिनेत्रींचं स्वप्न असतं. पण, अनेक टॉलिवूडच्या (Tollywood) अभिनेत्रीही सलमानसोबत फिल्म करण्याचं स्वप्न उघड्या डोळ्यांनी पाहत असतात. एक अशीच साऊथची अभिनेत्री (Saouth Actress) जिनं सलमानसोबत काम करण्याचं स्वप्न पाहिलं होतं आणि सलमान खाननं तिचं स्वप्न पूर्णही केलं. आम्ही तुम्हाला सांगत आहोत, साऊथची क्युट अभिनेत्री रश्मिका मंदानाबाबत. म्हणजेच, पुष्पाच्या (Pushpa 2) श्रीवल्लीबाबत... रश्मिका मंदाना (Rashmika Mandanna) सलमान खानची खूप मोठी फॅन आहे. एका मुलाखतीत बोलताना रश्मिकानं सलमानला म्हटलं होतं की, भाईजाननं साऊथ फिल्ममध्येही काम केलं पाहिजे. पण, साऊथच्या अभिनेत्रीवर सलमान एवढा उदार झाला की, त्यानं रश्मिकाला त्याच्या आगामी चित्रपटात थेट हिरोईन बनवलं.
मुलाखतीत बोलताना सलमान खानसोबत रश्मिका मंदाना आणि नीना गुप्ता एकत्र दिसल्या होत्या. सलमानला भेटून रश्मिकाच्या आनंदाला पारावार उरला नव्हता. शेवटी न राहून रश्मिका लाजत लाजत सलमानला विचारते की, सर माझा डेब्यू बॉलिवूडमध्ये झाला आहे. पण, तुम्ही केव्हा साऊथ इंडस्ट्रीमध्ये डेब्यू करणार? यावर नीना गुप्ता रश्मिकाची गंमत करत म्हणतात की, "तुला नेमकं काय म्हणायचंय..? सलमाननं साऊथचा चित्रपट करावा की तुला त्याच्यासोबत चित्रपट करायचा आहे?"
Watch how @iamRashmika Manifested to work with @BeingSalmanKhan. Dreams do come true.
— Salman Khan Fans Club (@SalmanFans2712) November 14, 2024
Can't wait to see them in #SIkandar. pic.twitter.com/nojA68pEpI
सलमान खान पुढे म्हणतो की, हिला बॉलिवूडमध्ये फुल फ्लेज्ड रोल करायचा आहे. त्यानंतर नीना गुप्ता म्हणतात की, मलाही तुमच्यासोबत काम करायचंय. तुमच्या चित्रपटात एखाद्या म्हाताऱ्या बाईचा रोल असेल तर... पण सलमान लगेचच नीना गुप्ता यांना म्हणतो की, तुम्ही... तुम्ही अजिबात म्हाताऱ्या नाही..."
सलमान खान या व्हिडीओमध्ये रश्मिना मंदानाच्या रिक्वेस्टवर सुपरहिट डायलॉग चक्क तमिळमध्ये बोलतो. यामुळे रश्मिका खूप खुश होते. रश्मिकाची सलमानसोबत काम करण्याची इच्छा पूर्ण झाली आहे. कारण, ती सलमान खानसोबत सिकंदर या बॉलिवूड चित्रपटात दिसणार आहे. अॅनिमल या सिनेमातील रश्मिकाच्या कामाची खूप प्रशंता झाली आणि त्यानंतर आता ती सलमान खानसोबत सिकंदरमध्ये झळकणार आहे. तसेच, तिच्याकडे बॉलिवूडमधले इतरही प्रोजेक्ट्स आहेत.
