Best Parenting Tips: अनेकदा मुलं आपल्या आई वडिलांच्या भीतीने त्यांच्यापासून बऱ्याच गोष्टी लपवतात. अशावेळी जर घरात आजी आजोबा असतील तर त्यांना आपल्या मनातल्या इच्छा बोलून दाखवतात. पण आजच्या काळात संयुक्त कुटुंब पद्धतीमुळे बहुतांश मुलं आपल्या मनातल्या गोष्टी विश्वासाने घरातील मोठ्या माणसांसोबत शेअर करत नाही. अशी मुलं मग बाहेर मित्रांना सांगतात किंवा सोशल मिडियावर डेटिंग एपचा आधार घेतात, यादरम्यान चुकीची संगत लागली तर त्याचा परिणाम त्यांच्या एकंदरीत जीवनावर होऊ शकतो. म्हणून एक पालक या नात्याने तुमच्या मुलाला नेमके हवे काय आहे? हे तुमच्या दृष्टिकोनातून नव्हे तर त्याच्या दृष्टीकोनातून पाहणे गरजेचे आहे, आणि यासाठी तुम्ही अधिक वेळ न दवडता आपल्या मुलाला ही काही प्रश्न विचारा. जेणेकरून तुम्ही कुठे कमी पडत आहात, आणि तुमच्याबाबत तुमचे मूल काय विचार करते? हे जाणून घेण्यास तुम्हाला मदत मिळू शकते.

आजकाल अनेक पालक मुलांचे मित्र बनण्याचा प्रयत्न करतात. पण मित्रत्वाची भावना ही एकतर्फी नसावी. त्यामुळे तुमच्या मुलाने देखील तुम्हाला मित्र मानले आहे का? हे तपासणे देखील तितकेच गरजेचे असते. त्यामुळे आज आम्ही या लेखाच्या माध्यमातून आदर्श पालक बनण्यासाठी आणि मुलांचे खास पालक होण्यासाठी काय करायला हवे याबद्दल माहिती घेऊन आलो आहोत. (Do these things to become a favourite to your children)

मुलांना अधिक जाणून घेण्यासाठी हे प्रश्न विचारा
तुम्ही तुमच्या मुलाचे खास मित्र बनला नाही तरी चालेल, पण त्यांच्या तुमच्याकडून काय अपेक्षा आहेत, ज्या तुम्हाला त्यांचे फेव्हरेट बनवू शकतील हे माहीत असणे गरजेचे आहे. त्यामुळे आजच आपल्या मुलांना काही प्रश्न नक्कीच विचारा. जेणेकरून तुमच्यातला गैरसमज दूर होण्यास आणि पालकत्वामध्ये सुधारणा करण्यास तुम्हाला मदत मिळू शकेल.

हे देखील वाचा:

अशी एखादी गोष्ट सांग जी आपण एकत्र मिळून मज्जा केली आहे किंवा करू शकतो?
हा प्रश्न तुमच्या मुलाला कुटुंबाशी जवळीक आणण्याचा प्रयत्न करेल, आपण एक टीम आहोत, आणि एकत्र मिळून काहीतरी चांगली गोष्ट करू शकतो, अशी भावना त्यांच्या मनात येऊ शकते. यावेळी तुमचे मूल एकत्र गेम खेळणे, बाहेर फिरायला जाणे यासारख्या साध्या गोष्टीची अपेक्षा तुमच्याकडून करेल. कौटुंबिक वेळ त्यांच्यासाठी कीती महत्वाची आहे हे तुम्हाला देखील यामुळे समजेल.

तुला कोणत्या गोष्टीची सर्वात जास्त भीती किंवा काळजी वाटते?
हे विचारल्याने तुमच्या मुलाला असुरक्षित वाटणाऱ्या क्षणांबद्दल माहिती मिळेल. हे तुम्हाला त्यांची भीती समजण्यास मदत करते आणि त्यांना खात्री देते की त्यांच्या चिंता तुमच्याशी शेअर करणे ठीक आहे.

तुला स्वतःबद्दल सर्वात जास्त काय आवडते?
आपल्या मुलाला स्वतःमध्ये काय आवडते याचा विचार करण्यास प्रोत्साहित केल्याने त्यांचा आत्मविश्वास वाढण्यास मदत होते. यामुळे मुलांना आत्म-प्रेमाची भावना निर्माण होण्यास मदत मिळते. त्यांच्याकडे अभिमान वाटावा असे अद्वितीय गुण आहेत, याची जाणीव तुम्ही त्यांना करून द्या.

हे देखील वाचा:

पालक म्हणून आम्ही काय करावे अशी तुझी अपेक्षा आहे?
हे तुमच्या मुलाला तुमच्या पालकत्वाबद्दल कसे वाटते हे सांगण्याची संधी देते. त्यांना कदाचित तुमच्यासोबत जास्त वेळ घालवावासा वाटू शकतो, किंवा एखादी गोष्ट हवी असेल आणि त्यासाठी तुमची परवानगी घेण्यास मूल धजावत असेल तर ते देखील स्पष्ट होऊ शकते.

तुला कोणती गोष्ट गोंधळात टाकते?
मुलांना अनेकदा प्रश्न किंवा चिंता असतात ज्या कदाचित ते शेअर करू शकत नाहीत. हे विचारून, तुम्ही त्यांना समजण्यास कठीण वाटणाऱ्या गोष्टींबद्दल बोलण्यासाठी एक सुरक्षित जागा तयार करता, मग ते जीवन, शाळा किंवा मैत्री याविषयी असो.

तुझी आतापर्यंतची सर्वात आनंदी आठवण कोणती आहे?
हा प्रश्न तुमच्या मुलाला त्यांच्या आवडत्या क्षणांवर चिंतन करण्यास संधी देते. जे त्यांना सर्वात जास्त आवडते ते शिकण्यास प्रोत्साहन देते.

मला तुझ्याबद्दल अधिक चांगले समजावे अशी तुझी इच्छा आहे का?
कधीकधी, मुलांना असे वाटते की त्यांचे पालक त्यांना समजून घेत नाही. हा प्रश्न दर्शवितो की तुम्ही त्यांना ऐकण्यास आणि त्यांच्याकडून नवीन गोष्टी शिकण्यास तयार आहात.