UPI Payment Rule: 1 जानेवारीपासून अनेक नियमांमध्ये बदल होणार आहेत. UPI पेमेंटचे नियमही बदलणार आहेत. RBI ने UPI 123Pay ची व्यवहार मर्यादा बदणार असल्याचे सांगितले आहे. रिझर्व्ह बँकेने ही मर्यादा वाढवण्याचा निर्णय घेतला आहे. आज आम्ही तुम्हाला UPI च्या नवीन नियमांची माहिती देणार आहोत. यात काय नवीन बदल असेल ते जाणून घेऊयात.

आता 10 हजार रुपये ट्रान्सफर करता येणार

1 जानेवारीपासून बदलणाऱ्या नियमांनुसार UPI 123Pay वापरून, वापरकर्ते 5,000 रुपयांऐवजी 10,000 रुपयांचे व्यवहार करू शकणार आहेत. त्यामुळे आता युजर्सना फायदा होणार आहे. मात्र यासाठी ओटीपी सादर करावा लागणार आहे. जर तुम्हाला पेमेंट करायचे असेल तर तुम्हाला OTP वापरावा लागेल. सुरक्षा लक्षात घेऊन हा निर्णय घेण्यात आला आहे.




UPI 123 Pay काय आहे?

UPI 123Pay ही सेवा वापरकर्त्यांना इंटरनेट कनेक्शनशिवाय पेमेंट करण्याचा पर्याय देते. यामुळेच अशा व्यवहारांवर नियंत्रण ठेवण्यासाठी आरबीआय सर्वतोपरी प्रयत्न करते. मात्र आता यातही बदल करण्यात आला आहे. UPI 123Pay मध्ये, वापरकर्त्यांना पेमेंटसाठी जास्तीत जास्त 4 पर्याय दिले जातात. यामध्ये IVR क्रमांक, मिस्ड कॉल्स, OEM-एम्बेडेड ॲप्स आणि ध्वनी आधारित तंत्रज्ञानाचा वापर केला जातो.




UPI कसे काम करते?

UPI भारतात डिजिटल पेमेंट सुलभ करते. वापरकर्ते ॲप डाउनलोड करतात, त्यांचे बँक खाते लिंक करतात आणि व्हर्च्युअल पेमेंट ॲड्रेस (VPA) तयार करतात. ते ॲपमध्ये पैसे पाठवू शकतात, बिले भरू शकतात आणि फोन रिचार्ज करू शकतात. UPI चे व्यवहार सुरक्षित आहेत. आता श्रीलंकेसह अनेक देशांमध्ये UPI सेवा सुरू करण्यात आली आहे.

बँक खात्याच्या तपशीलाची गरज नाही

UPI द्वारे पेमेंट करताना बँक खात्याच्या तपशीलाची गरज नसते. या प्रकारच्या पेमेंटसाठी खाते क्रमांक आणि IFSC कोडची आवश्यकता नसते. त्याच्या जागी व्हर्च्युअल पेमेंट ॲड्रेस (VPA) आणि QR कोडचा वापर केला जातो. त्यामुळे गोपनीयता वाढते आणि चुकीचे तपशील प्रविष्ट करण्याची शक्यता कमी होते. याचा फायदा ग्राहकांना होतो.