Madhuri Dixit's husband Dr. Shriram Nene shares tips for a longer life: आपल्यापैकी प्रत्येकाला निरोगी आयुष्य जगायचे असते, पण दैनंदिन आयुष्यातील काही चुकीच्या गोष्टींमुळे ते शक्य होत नाही. त्यामुळे नानाविध आजार जडतात, आणि व्यक्तीचे आयुर्मान कमी होते. त्यामुळे दीर्घकाळ निरोगी राहण्यासाठी आपल्या आरोग्याची काळजी घेणे गरजेचे आहे. तुम्हाला देखील निरोगी आयुष्य जगायचे असेल आणि दीर्घकाळ चिरतरुण राहायचे असेल तर अलीकडेच माधुरी दीक्षितचे पती डॉ. श्रीराम नेने यांनी यासंबंधित काही 6 मार्ग सांगितले आहेत. ज्याचे अनुसरण तुम्ही करू शकतात.

असे बरेच लोक आहेत ज्यांना दीर्घ आणि निरोगी आयुष्य जगायचे असते, आणि यासाठी ते अनेक पद्धतींचा अवलंब करतात. माधुरी दीक्षितचे पती डॉ.श्रीराम नेने यांनी अशा लोकांसाठी त्यांच्या सोशल मीडिया अकाऊंटद्वारे काही टिप्स शेअर केल्या आहेत. त्याबद्दल जाणून घेऊया.

डॉ. श्रीराम नेने यांनी सांगितले दीर्घायुष्य आणि चिरतरुण राहण्याचे सिक्रेटस
डॉक्टर श्रीराम नेने हे हृदय व रक्तवाहिन्यासंबंधी आणि थोरॅसिक सर्जन आहेत आणि त्यांनी वॉशिंग्टन विद्यापीठातून पदवी आणि वैद्यकीय शाळा पूर्ण केली आहे. ते बॉलीवूड अभिनेत्री माधुरी दीक्षितचे पती असून सोशल मिडियावर त्यांची देखील एक वेगळीच प्रसिद्धी आहे. डॉ. नेने आपल्या सोशल मीडिया अकाऊंटद्वारे नियमितरित्या आरोग्यदायी टिप्स लोकांसोबत शेअर करत असतात. अलीकडेच त्यांनी दीर्घ आयुष्य जगण्याचे काही रहस्ये शेअर केली आहेत. जे अगदी सहजपणे फॉलो केले जाऊ शकते.

संतुलित आहार
नेने सांगतात की , आरोग्यदायी पदार्थ खाणे वृद्धत्व दूर करण्यासाठी फायदेशीर ठरू शकते. म्हणून नेहमी पोषक तत्वांनी युक्त संतुलित आहाराचे सेवन करा.

व्यायाम
दररोज व्यायाम केल्यानेदेखील आयुष्य वाढण्यास खूप मदत मिळू शकते. याचे कारण म्हणजे व्यायाम करून किंवा नेहमी सक्रिय राहून त्वचा लवकर वृद्ध होत नाही.

धूम्रपान सोडा
धूम्रपान करण्याचे दुष्परिणाम चेहऱ्यावर दिसून येतात. त्यामुळे त्वचा चीरतरुण ठेवण्यासाठी आणि सुरकुत्या टाळण्यासाठी धूम्रपान सोडणे चांगले होईल

मद्यपान टाळा
यकृत निरोगी ठेवण्यासाठी आणि रोगप्रतिकारक शक्ती मजबूत करण्यासाठी, अल्कोहोल सोडणे किंवा कमी करणे हा एक चांगला पर्याय आहे

त्वचेची काळजी घ्या
दीर्घकाळ तरुण राहण्यासाठी त्वचेची काळजी घेणे देखील गरजेचे आहे. त्यामुळे त्वचेला चमक येण्यासाठी आणि त्वचेची काळजी घेण्यासाठी सनस्क्रीनचा वापरा

तणाव टाळा
दैनंदिन जीवनाचा तसेच कामाचा ताण त्वचा वृद्ध बनवू शकते, त्यामुळे ताणतणाव कमी केल्यास आयुष्य देखील वाढेल आणि त्वचा देखील निरोगी राहण्यास मदत होईल करण्यासाठी उपाय करू नका