बॉलिवूड अभिनेत्री कंगना राणौतचा बहुप्रतिक्षित ‘इमर्जन्सी’ या चित्रपटाचा धमाकेदार नवीन ट्रेलर सोमवारी प्रदर्शित झाला. ट्रेलरमध्ये माजी पंतप्रधान इंदिरा गांधी यांचे वर्णन देशातील सर्वात वादग्रस्त नेत्या म्हणून करण्यात आले आहे. अभिनेत्री कंगना रणौतने काही काळापूर्वी चित्रपटाचा नवीन ट्रेलर शेअर केला आहे.
या नवीन ट्रेलरमध्ये 1975 मध्ये आणीबाणीच्या काळात झालेला हिंसाचार आणि राजकीय गोंधळ दाखवण्यात आला आहे. यासोबतच इंदिरा गांधींची घोषणा, इंदिरा ही भारत है ही देखील दाखवण्यात आली आहे. ट्रेलरमध्ये संपूर्ण लक्ष त्यावेळच्या राजकीय नाट्यावर केंद्रित आहे.
इमर्जन्सी चित्रपटाच्या नवीन ट्रेलरमध्ये जयप्रकाश नारायण (अनुपम खेर) यांचा तरुण अटलबिहारी वाजपेयी (श्रेयस तळपदे) यांच्या भाषणाच्या प्रतिभेला तीव्र विरोध दर्शविला आहे. याशिवाय फील्ड मार्शल सॅम माणेकशॉ (मिलिंद सोमण), पुपुल जयकर (महिमा चौधरी) आणि जगजीवन राम (दिवंगत सतीश कौशिक) यांचीही झलक या ट्रेलरमध्ये पाहायला मिळते.
'इमर्जन्सी'चा ट्रेलर रिलीज करताना, अभिनेत्री कंगना रणौतने या चित्रपटाविषयी बोलताना सांगितले की, “आव्हानांनी भरलेल्या दीर्घ प्रवासानंतर, 17 जानेवारीला आमचा 'इमर्जन्सी' चित्रपट मोठ्या पडद्यावर येणार याचा मला आनंद आहे.
ही कथा केवळ एका वादग्रस्त नेत्याची नाही; हे अशा विषयांवर आधारित आहे जे आजही अत्यंत समर्पक आहेत, ज्यामुळे हा प्रवास कठीण आणि महत्त्वाचा आहे. प्रजासत्ताक दिनाच्या एक आठवडा आधी प्रदर्शित होणारा हा चित्रपट आपल्या राज्यघटनेची महानता दाखवतो, असे कंगना रणौत म्हणाली.
