Nylon Manja Live Update : देशात नायलॉन मांजामुळे 7 जणांचे बळी

नायलॉन मांजाचा फास अनेकांच्या गळ्याला घट्ट बसत आहे. पतंग उडवण्यासाठी वापरल्या जाणाऱ्या मांजाचा अतिउत्साह 7 जणांच्या जीवावर उठला आहे. नायलॉन मांजामुळे राज्यात तीन, तर देशात एकूण सात जणांचा बळी गेला आहे. नाशिक, नंदुरबार, अकोल्यात प्रत्येकी एकाचा बळी गेला असून 10 जण जखमी झाले आहेत. तर गुजरातमध्ये नायलॉन मांजामुळे चार जणांचा जीव गमवावा लागला असून मुंबईत 19 जणांवर गुन्हे दाखल करण्यात आले आहेत.

Asaram Bapu live Update : स्वयंघोषित आध्यात्मिक गुरू आसाराम बापूला 31 मार्चपर्यंत जामीन मंजूर

स्वयंघोषित आध्यात्मिक गुरू आसाराम बापू याला मंगळवारी सर्वोच्च न्यायालयाने वैद्यकीय कारणास्तव 31 मार्चपर्यंत सशर्त हंगामी जामीन मंजूर केला. दरम्यान 8 दिवसांपूर्वी वैद्यकीय कारणासाठी आसारामला 31 मार्चपर्यंत अंतरिम जामीन मंजूर करण्यात आला होता. या कालावधीत देखरेखीसाठी सुरक्षा कर्मचारी तैनात करावेत, असे निर्देश सर्वोच्च न्यायालयाने दिले होते.

Walmik Karad News : वाल्मिक कराडला आज केज कोर्टात हजर करणार

वाल्मिक कराडवर मंगळवारी (ता.15) 'मकोका'अंतर्गत गुन्हा दाखल केल्यानंतर त्याला आज केज कोर्टात करणार हजर केलं जाणार आहे. सरपंच संतोष देशमुख हत्या प्रकरणाचा कट रचल्याचा ठपका ठेवत त्याच्यावर मकोका अंतर्गत कारवाई करण्यात आली आहे. तर कराडला मकोका लावताच परळीतील वातावरण तापलं असून कराड समर्थक आक्रमक झाले आहेत.

PM Modi Mumbai Visit : PM मोदी घेणार महायुतीच्या आमदारांची बैठक

पंतप्रधान नरेंद्र मोदी नौदलाच्या सोहळ्यानंतर मुंबईतील आंग्रे सभागृहात ते महायुतीच्या आमदारांना मार्गदर्शन करणार आहेत. बैठकीच्या पार्श्वभूमीवर मुंबईत शिवसेना आमदारांची बैठक पार पडली.

PM Modi Mumbai Visit : पंतप्रधान मोदी नौदलाच्या कार्यक्रमासाठी मुंबईत येणार

पंतप्रधान नरेंद्र मोदी आज महाराष्ट्र दौऱ्यावर आहेत. पंतप्रधानांच्या उपस्थितीत आज मुंबईत नौदलाच्या दोन युद्धनौका आणि एक पाणबुडी ताफ्यात सामील होणार आहे. पंतप्रधान मोदी नौदलाच्या कार्यक्रमानंतर नवी मुंबईत खारघर इथे उभारलेल्या इस्कॉन मंदिराचं उदघाटन करणार आहेत. सकाळी पावणे दहाच्या सुमाराला पंतप्रधान मोदी मुंबईत दाखल होतील. नौदलाचा प्रस्तावित कार्यक्रम सकाळी साडेदहा वाजता आहे.