ஊழல் வழக்கில் பாகிஸ்தான் முன்னாள் பிரதமர் இம்ரான் கானுக்கு 14 ஆண்டுகள் சிறைத்தண்டனையும், அவரது மனைவிக்கு 7 ஆண்டுகள் சிறைத்தண்டனையும் பாகிஸ்தான் நீதிமன்றம் விதித்துள்ளது. பாகிஸ்தான் முன்னாள் பிரதமரும், பிடிஐ கட்சியின் நிறுவனருமான இம்ரான் கான் பல்வேறு குற்றவியல் வழக்குகளில் சிறைத்தண்டனை அனுபவித்து வருகிறார்.

பரிசுகளைப் பெற்றதில் மோசடி செய்தல், அரசாங்க ரகசியங்களை வெளியிடுதல் உள்ளிட்ட வழக்குகளில் அவருக்கு சிறைத்தண்டனை விதிக்கப்பட்டுள்ளது. இந்த சூழ்நிலையில், பிரிட்டனில் இருந்து பாகிஸ்தான் அரசாங்கத்திற்கு வர வேண்டிய பணத்தை ஒரு தனியார் அறக்கட்டளைக்கு மாற்றியதாகவும், நூற்றுக்கணக்கான ஏக்கர் நிலத்தை லஞ்சமாகப் பெற்றதாகவும் அவர் மீது குற்றம் சாட்டப்பட்டது. 2023 ஆம் ஆண்டில், ஊழலைத் தடுக்கும் பொறுப்பான அமைப்பான பாகிஸ்தானின் தேசிய பொறுப்புடைமை பணியகம் (NAB) இந்தக் குற்றச்சாட்டை முன்வைத்தது.

இம்ரான் கான், அவரது மனைவி புஷ்ரா பீபி மற்றும் சில தொழிலதிபர்கள் மீது குற்றச்சாட்டு பதிவு செய்யப்பட்டது. அனைத்து தரப்பு வாதங்களும் நிறைவடைந்த பிறகு, தீர்ப்பு தேதி 3 முறை ஒத்திவைக்கப்பட்டது. இந்நிலையில், இன்று நீதிமன்றம் ஒரு வியத்தகு தீர்ப்பை வெளியிட்டு, இம்ரான் கானுக்கு 14 ஆண்டுகள் சிறைத்தண்டனையும், அவரது மனைவிக்கு 7 ஆண்டுகள் சிறைத்தண்டனையும் விதித்துள்ளது. வழக்கில் தொடர்புடைய மற்றவர்கள் அனைவரும் தலைமறைவாகிவிட்டனர். அவர்களை தேடப்படும் குற்றவாளிகளாக நீதிமன்றம் அறிவித்துள்ளது.

!