मुंबई : लॉजिस्टिक्स क्षेत्रातील कंपनी जीबी लॉजिस्टिक्स कॉमर्स लिमिटेडच्या आयपीओने गुंतवणूकदारांना निराश केले आहे. लिस्टिंगलाच जीबी लॉजिस्टिक्स कॉमर्सच्या शेअर्सने गुंतवणूकदारांना माेठा ताेटा दिला आहे. हा शेअर बीएसई एसएमईवर ८१.६० रुपयांना सूचीबद्ध झाला. तर आयपीओमध्ये प्रती शेअर किंमत १०२ रुपये हाेती. म्हणजे आयपीओ गुंतवणूकदारांना 20 टक्के ताेटा झाला आहे. लिस्टिंग झाल्यानंतर किंमत शेअर्स ५ टक्क्यांनी घसरला आणि ७७.५५ रुपयांच्या लोअर सर्किटवर पोहोचला. आयपीओ १८४.६४ पट सबस्क्राइबजीबी लॉजिस्टिक्स कॉमर्स लिमिटेडचा २५.०७ कोटी रुपयांचा आयपीओ २४ जानेवारी रोजी उघडला आणि २८ जानेवारी रोजी बंद झाला. आयपीओ १८४.६४ पट सबस्क्राइब झाला. पात्र संस्थात्मक खरेदीदारांसाठी राखीव भाग २५.१ पट, बिगर-संस्थात्मक गुंतवणूकदारांसाठी राखीव भाग ५४३.५५ पट आणि किरकोळ गुंतवणूकदारांसाठी राखीव भाग १२१.८८ पट भरण्यात आला. या आयपीओमध्ये फक्त २४.५८ लाख नवीन शेअर्स जारी करण्यात आले. आयपीओपूर्वी जीबी लॉजिस्टिक्स कॉमर्सने अँकर गुंतवणूकदारांकडून ७.१४ कोटी रुपये उभारले. आयपीओचे पैसे कसे वापरणार?जीबी लॉजिस्टिक्स कॉमर्स लिमिटेडचे व्यवस्थापकीय संचालक प्रशांत एन लखानी म्हणतात की, कंपनी या आयपीओमधून मिळणारे उत्पन्न कर्ज फेडण्यासाठी, खेळत्या भांडवलाच्या गरजा पूर्ण करण्यासाठी, ट्रक चेसिस आणि ट्रक बॉडी खरेदी करण्यासाठी आणि कंपनीच्या सामान्य गरजांसाठी वापरेल. आर्थिक स्थितीआर्थिक वर्ष २०२४ मध्ये कंपनीचा एकत्रित महसूल ११५.६२ कोटी रुपये होता. तर निव्वळ नफा ४.८६ कोटी रुपये नोंदवण्यात आला. एप्रिल-सप्टेंबर २०२४ या कालावधीत जीबी लॉजिस्टिक्सचा महसूल ५०.८५ कोटी रुपये आणि निव्वळ नफा २.५३ कोटी रुपये होता.कंपनीवरील कर्ज २०.०७ कोटी रुपये होते.