रत्नागिरी : शिवसेना उद्धव बाळासाहेब ठाकरे पक्षाच्या महिला आघाडीतर्फे आंतरराष्ट्रीय महिलादिनाचे औचित्य साधून विविध क्षेत्रात यशस्वीरीत्या कार्यरत असलेल्या महिलांना स्वर्गीय मीनाताई ठाकरे सन्मान पुरस्काराने गौरवण्यात येणार आहे. हा कार्यक्रम ८ मार्च रोजी सायंकाळी ४ वाजता शहरातील साळवी स्टॉप येथील स्वामी समर्थ मंगल कार्यालयात आहे.

कवठेमहांकाळ : रायवाडी (ता. कवठेमहांकाळ) येथील सरपंच राजेश पडळकर यांना येथील पोलिस कर्मचाऱ्यासह दोघांनी मारहाण केल्याप्रकरणी अखिल भारतीय सरपंच परिषदेने मोर्चा काढून निवेदन दिले. मोर्चामध्ये तालुक्यातील सर्व सरपंचांनी सहभाग नोंदवला होता. मारहाणीच्या निषेधार्थ सरपंच परिषदेने तहसील कार्यालय, पोलिस ठाणे व पंचायत समितीला यांना निवेदन दिले.

मुंबई : ‘सकाळ माध्यम समूहा’ने आयोजित केलेल्या श्रीगुरू पादुका दर्शन उत्सवासाठी वरळीच्या एनएससीआय डोममध्ये ‘भक्तीचा महाकुंभ’ सज्ज झाला आहे. आज (ता. ८) सकाळी १० वाजता मुख्यमंत्री देवेंद्र फडणवीस आणि जीवनविद्या मिशनचे प्रल्हाद वामनराव पै यांच्या प्रमुख उपस्थितीत या सोहळ्याचे उद्घाटन होणार आहे. एकाच ठिकाणी २१ संत आणि श्रीगुरूंच्या पादुकांचे दर्शन घेण्याची संधी मिळणार असून त्यासाठी मोठ्या प्रमाणात भाविकांनी नोंदणी केली आहे.

Latest Marathi Live Updates 8 March 2025 : जगभरात आज महिला दिन साजरा होत आहे. त्यामुळे विविध प्रकारच्या कार्यक्रमांचं आयोजन करण्यात आले आहे. ‘सकाळ माध्यम समूहा’ने आयोजित केलेल्या श्रीगुरू पादुका दर्शन उत्सवासाठी वरळीच्या एनएससीआय डोममध्ये ‘भक्तीचा महाकुंभ’ सज्ज झाला आहे. आज सकाळी १० वाजता मुख्यमंत्री देवेंद्र फडणवीस आणि जीवनविद्या मिशनचे प्रल्हाद वामनराव पै यांच्या प्रमुख उपस्थितीत या सोहळ्याचे उद्घाटन होणार आहे. तसेच अर्थखातेही सांभाळणारे मुख्यमंत्री सिद्धरामय्या यांनी कर्नाटकाच्या इतिहासात पहिल्यांदाच २०२५-२६ चा चार लाख कोटींहून अधिकचा अर्थसंकल्प शुक्रवारी सादर केला. हा त्यांचा विक्रमी सोळावा अर्थसंकल्प ठरला. त्याचबरोबर राज्यात अजूनही काही भागांत थंडी कमी झालेली दिसत नाहीये. यासह देश आणि राज्यातील महत्त्वाच्या घडामोडी तसेच वाहतूक कोंडी, राजकीय घडामोडी, क्रीडा, मनोरंजन, मान्सून या सर्व घडामोडींचे अपडेट जाणून घ्या एका क्लिकवर..