मुंबई : भारत इलेक्ट्रॉनिक्स लिमिटेड (BEL) ने आपल्या भागधारकांसाठी एक खूशखबर दिली आहे. कंपनीने 150% अंतरिम लाभांश जाहीर केला होता. आता या लाभांशाची पेमेंट तारीख देखील आली आहे. लाभांश भागधारकांच्या खात्यावर जमा केला जाणार आहे. इतका देणार लाभांशभारत इलेक्ट्रॉनिक्स लिमिटेडने या महिन्याच्या सुरुवातीला संचालक मंडळाच्या बैठकीत निर्णय घेतला होता की 2024-25 या आर्थिक वर्षासाठी 1 रुपये दर्शनी मूल्य असलेल्या प्रत्येक शेअरवर 1.50 रुपये म्हणजेच 150% अंतरिम लाभांश दिला जाईल. कंपनीने लाभांशासाठी 11 मार्च 2025 ही रेकॉर्ड तारीख ठेवली होती. आता कंपनीने जाहीर केले आहे की लाभांश 27 मार्च 2025 रोजी दिला जाईल. म्हणजे या तारखेला भागधारकांच्या बँक खात्यात लाभांश जमा केला जाईल. लाभांश इतिहासचालू आर्थिक वर्ष 2024-25 साठी भारत इलेक्ट्रॉनिक्स लिमिटेडनेचा हा पहिला अंतरिम लाभांश आहे. यापूर्वी कंपनीने 2024 मध्ये तीनदा लाभांश दिला होता. ऑगस्टमध्ये प्रति शेअर 80 पैसे, मार्चमध्ये प्रति शेअर 70 पैसे, आणि फेब्रुवारीमध्ये प्रति शेअर 70 पैसे लाभांश देण्यात आला होता. बोनस शेअरचेही वाटप2023 मध्ये देखील कंपनीने फेब्रुवारी, मार्च आणि ऑगस्टमध्ये दोन्ही वेळेला 60 पैसे लाभांश दिला होता. तर 2022 मध्ये प्रति शेअर 1.50 रुपयांचा एकूण लाभांश दिला होता. कंपनीने 2:1 बोनस शेअर्स देखील जारी केले होते. म्हणजेच प्रत्येक भागधारकाला 2 शेअर्ससाठी 1 शेअर बोनस दिला होता. दरम्यान, भारत इलेक्ट्रॉनिक्स लिमिटेडचा शेअर्स मंगळवारी 25 मार्च रोजी घसरून 300 रुपयांवर व्यवहार करत आहे.