इंडियन प्रीमियर लीग २०२५ स्पर्धेतील सहावा सामना राजस्थान रॉयल्स विरुद्ध कोलकाता नाईट रायडर्स संघात खेळवला जात आहे. राजस्थान रॉयल्सचे घरचे मैदान बारसपारा क्रिकेट स्टेडियम, गुवाहाटी येथे हा सामना होत आहे. या सामन्यात राजस्थान रॉयल्सने कोलकाता नाईट रायडर्ससमोर १५२ धावांचे लक्ष्य ठेवले आहे.

या सामन्यात कर्णधार अजिंक्य रहाणने नाणेफेक जिंकून प्रथम गोलंदाजी करण्याचा निर्णय घेतला होता. त्यामुळे राजस्थान रॉयल्स प्रथम फलंदाजीसाठी उतरले. राजस्थानकडून यशस्वी जैस्वाल आणि संजू सॅमसन यांनी डावाची सुरुवात केली. त्यांनी चांगली सुरुवात केली होती. पहिल्या ४ षटकात त्यांनी संघाला ३० धावांचा टप्पा पार करून दिला होता.

पण चौथ्या षटकात वैभव अरोराने १३ धावांवरच त्रिफळाचीत केले. त्यानंतर रियान परागने जैस्वालची साथ देण्याचा प्रयत्न केला. त्याने ३ चांगले षटकारही खेचले. पण त्याचा अडथळा ८ व्या षटकात वरुण चक्रवर्तीने दूर केला. त्याने १५ चेंडूत २५ धावा करत यष्टीरक्षक क्विंटन डी कॉककडे झेल दिला.

पाठोपाठ पुढच्या षटकात यशस्वी जैस्वालला मोईन अलीने फसवलं, त्याचा २९ धावांवर हर्षित राणाने झेल घेतला.