தந்தையின் கழுத்தை அறுத்து கொலை செய்த கொடூர மகன்… அதிரடி கைது..!!!
SeithiSolai Tamil April 03, 2025 11:48 PM

மகாராஷ்டிரா மாநிலத்தில் உள்ள தானே மாவட்டத்தில் பட்லாப்பூர் பகுதியை சேர்ந்தவர் அனந்த் கராலே (64). இவரது மகன் கணேஷ் கராலே(34). இவர்கள் இருவரும் சேர்ந்து பெலவாலி பகுதியில் பிரியாணி கடை நடத்தி வந்துள்ளனர். இருவரும் வழக்கம் போல கடந்த புதன்கிழமை அன்று பிரியாணி கடைக்கு சென்று வியாபாரம் செய்து கொண்டிருந்தனர்.

அப்போது கணேஷ் திடீரென தான் மறைத்து வைத்திருந்த கத்தியை எடுத்து தனது தந்தையின் கழுத்தை சரமாரியாக வெட்டி உள்ளார். இதனால் அனந்த் சம்பவ இடத்திலேயே துடிதுடித்து பரிதாபமாக உயிரிழந்தார். இதனை பார்த்த அக்கம் பக்கத்தினர் அதிர்ச்சியில் அருகில் உள்ள காவல் நிலையத்திற்கு தகவல் கொடுத்தனர்.

அந்தத் தகவலின் பேரில் காவல்துறையினர் சம்பவ இடத்திற்கு விரைந்து வந்து அனந்தின் உடலை மீட்டு அருகில் உள்ள அரசு மருத்துவமனைக்கு பிரேத பரிசோதனைக்காக அனுப்பி வைத்தனர். அதன் பின் கணேஷ் கராலேவை கைது செய்து காவல் நிலையத்திற்கு அழைத்துச் சென்று விசாரணை நடத்தி வருகின்றனர். இந்தக் கொலைக்கான காரணம் இதுவரை வெளியாகவில்லை. இச்சம்பவம் அப்பகுதியில் பெரும் பரபரப்பை ஏற்படுத்தி உள்ளது.

© Copyright @2025 LIDEA. All Rights Reserved.