POWERGRID Stock In Focus : सार्वजनिक क्षेत्रातील पॉवर ग्रिड कॉर्पोरेशन ऑफ इंडिया लिमिटेड (POWERGRID) च्या संचालक समितीने चालू आर्थिक वर्षात (२०२५-२६) बाँडद्वारे ६,००० कोटी रुपये उभारण्याच्या प्रस्तावाला मान्यता दिली आहे. शुक्रवारी (४ एप्रिल) हा शेअर १.७९ टक्क्यांनी घसरून २९३.८० रुपयांवर बंद झाला. बाँडचा आकारPower Grid Corporation of India ने शेअर बाजाराला दिलेल्या माहितीत म्हटले की, मंजुरीनुसार बाँडचा आकार १,५०० कोटी रुपये असेल. यामध्ये ४,५०० कोटी रुपयांचा 'ग्रीन शू' पर्याय ठेवण्यात आला आहे, म्हणजेच अधिक सबस्क्रिप्शनच्या बाबतीत ४,५०० कोटी रुपयांची अतिरिक्त बोली लावण्याचा पर्याय आहे. बॉंडची लिस्टिंगहे बाँड बॉम्बे स्टॉक एक्सचेंज (BSE) आणि नॅशनल स्टॉक एक्सचेंज (NSE) या दोन्ही ठिकाणी सूचीबद्ध केले जातील, ज्यामुळे गुंतवणूकदारांना बाजारात त्यांची खरेदी आणि विक्री करता येईल. दरवर्षी दिले जाणार व्याजहे बाँड दहा वर्षांच्या कालावधीसाठी असतील आणि परिपक्वतेनंतर समान रकमेत परतफेड करता येतील. व्याज दरवर्षी दिले जाईल. शेअरची उच्चांकावरून २५% घसरण पॉवर ग्रिड शेअरचा ५२ आठवड्यांचा उच्चांक ३६६.२० रुपये आणि नीचांक २४७.५० रुपये आहे. या शेअरची उच्चांकावरून २५ टक्क्यांनी घसरण झाली आहे. ५ वर्षात २३४% परतावाजर आपण पॉवर ग्रिड शेअरच्या कामगिरीवर नजर टाकली तर गेल्या एका महिन्यात त्यात १६ टक्क्यांनी वाढ झाली आहे. तर या वर्षी आतापर्यंत हा शेअर ५ टक्क्यांनी तर गेल्या ६ महिन्यांत १३ टक्क्यांहून अधिक घसरला आहे. तसेच, गेल्या एका वर्षात या शेअरमध्ये ५.८४ टक्क्यांनी वाढ झाली आहे. तसेच, या शेअरने गेल्या २ वर्षात ७४ टक्के आणि ५ वर्षात २३४ टक्क्यांहून अधिक परतावा दिला आहे.