Dhule Live : चाळीसगाव येथे भंगार दुकानाच्या गोदामाला भीषण आग
भंगार दुकानाच्या गोदामाला भीषण आग. धुळे, चाळीसगाव येथे घडली घटना. घटनास्थळी अग्निशमन गाड्या दाखल
Nashik Live : नाशिकमध्ये तापमानाचा पारा चाळीशीपार, आरोग्य यंत्रणा अलर्टवर- नाशिकमध्ये तापमानाचा पारा चाळीशीपार, आरोग्य यंत्रणा अलर्टवर
- आपत्कालीन परिस्थितीसाठी महापालिकेच्या रुग्णालयात स्वतंत्र उष्माघात कक्ष कार्यान्वित
Parbhani Live : सोमनाथ सूर्यवंशी प्रकरणात कोर्टाची राज्य सरकारला नोटिसपरभनीतील सोमनाथ सूर्यवंशी प्रकरणात हायकोर्टाची राज्य सरकारला नोटिस दिली आहे
Akola Live : अकोल्यात आमदार संतोष बांगर खासगी रुग्णालयावर संतापलेअकोल्यात आमदार संतोष बांगर खासगी रुग्णालयावर संतापले. बांगर यांनी रुग्णालय प्रशासनाला झापलंय. रुग्णाला दाखल करून न घेतल्याचा आरोप बांगर यांनी केली आहे.
Pune Live : मनपा ठेकेदाराच्या पोकलेन मशीनच्या काचा फोडल्यायेरवडा लक्ष्मी नगर येथे महापालिकेच्या वतीने ड्रेणेज लाईन टाकण्याचे काम सुरु आहे. या कामासाठी पोकलेन मशीनचा वापर केला जात आहे.
दोन पोकलेन मशीनच्या काचा अज्ञातांनी फोडून दहशत निर्माण केली आहे. याबाबतची तक्रार महापालिकेचे कनिष्ठ अभियंता श्रीकांत फडतरे यांनी येरवडा पोलीस ठाण्यात दिली आहे.
तेवढ्यात कोयता यांची दहशत काही केल्या कमी होताना दिसत नाही. वारंवार असे प्रकार होत असताना रहिवाशी भयभयीत झाले आहेत.
Live : सराफ व्यावसायिकाला महिलेकडून २७ लाख ५६ हजाराचा गंडा; महिला व तिच्या पतीविरुद्ध गुन्हाकेडगाव येथील एका महिलेने सराफ व्यावसायिकाला प्रेमाच्या जाळ्यात ओढून नंतर त्याला अश्लील फोटो व व्हिडिओच्या नावाखाली ब्लॅकमेल करत २७ लाख ५६ हजार ८१४ रुपयांचा गंडा घातल्याचा प्रकार समोर आला आहे. याप्रकरणी उरुळी कांचन, पुणे येथील सराफ व्यावसायिकाने कोतवाली पोलिस ठाण्यात फिर्याद दिली आहे. त्यानुसार फसवणूक करणारी महिला व तिच्या पतीविरुद्ध गुन्हा दाखल करण्यात आला आहे.
Mumbai Live : मुंबईतील मेट्रो स्थानके मनसेच्या रडारवर ; मेट्रो स्थानकाचे फलक मराठीत करण्याची केली मागणीमुंबईमधील मेट्रो 3 मधील दुसरा टप्पा सुरु होण्यापूर्वीच मुंबईतील मेट्रो स्थानकांना मनसेने लक्ष केलं आहे. सिद्धिविनायक मेट्रो स्थानकाच्या बाहेरील फलक इंग्रजीमध्ये असल्याने मनसेकडून इशारा देण्यात आला आहे. मेट्रोला मराठीचा द्वेष आहे का? असा सवाल मनसेच्या पदाधिकाऱ्यांनी केला असून वेळेत बदल नाही केले तर मनसे स्टाईल उत्तर देण्याचा इशारा दिला आहे.
Parner : पारनेर तालुक्यात १९ गावांना पाण्याची टंचाई; जिल्हाधिकाऱ्यांकडे ११ गांवाचे टँकर मंजुरीचे प्रस्तावपारनेर तालुक्यात पिण्याच्या पाण्याची तीव्र पाणीटंचाई जाणवू लागली आहे. सध्या तालुक्यातील १९ गावांना पाण्याची टंचाई भासत आहे, त्यापैकी ११ गावांचे टँकर मंजुरीसाठीचे प्रस्ताव जिल्हाधिकारी कार्यालयाकडे पाठविण्यात आले, तर सात गावांचे टँकर मागणीचे प्रस्ताव नुकतेच प्राप्त झाल्याने तेही प्रस्ताव तपासणीनंतर व त्या गावातील पाण्याची सद्य स्थिती पाहून जिल्हाधिकाऱ्यांकडे मंजुरीसाठी पाठविण्यात येणार आहेत.
Vidarbha Live: आयपीएलच्या धर्तीवर विदर्भात भरणार प्रो टी-२० स्पर्धाआयपीएलच्या धर्तीवर आता विदर्भ क्रिकेट असोसिएशनने विदर्भ प्रो टी-२० स्पर्धा आयोजित करण्याचा विचार केला आहे.
Yavatmal Live: यवतमाळमधील पाटणमध्ये पाणी टंचाई समस्या गंभीरयवतमाळमधील पाटण येथे भीषण पाणी टंचाई निर्माण झाली आहे. पैनगंगा नदीचे पात्र कोरडे पडले आहे. त्यामुळे पाटणमधील पाणीपुरवठा ठप्प झाला आहे. शेतकऱ्यांच्या सिंचन विहिरींमधील पाण्याची पातळीही खाली गेली आहे.
Mumbai Live: काँग्रेसचे नेते सहदेव बेटकरांचा उद्धव ठाकरे गटाच्या शिवसेनेत पक्षप्रवेशरत्नागिरी जिह्यातील काँग्रेसचे नेते सहदेव बेटकर यांनी उद्धव ठाकरे गटाच्या शिवसेना पक्षात प्रवेश केला आहे. यावेळी मातोश्री निवासस्थानी रत्नागिरी जिह्यातील कार्यकर्ते उपस्थित आहेत.
Live: दुबईचे युवराज शेख हमदान बिन मोहम्मद अल मक्तुम यांचं दोन दिवसांच्या भारत दौऱ्यासाठी नवी दिल्लीत आगमनदुबईचे युवराज शेख हमदान बिन मोहम्मद अल मक्तुम यांचं दोन दिवसांच्या भारत दौऱ्यासाठी नवी दिल्लीत आगमन
Pune Live: पुण्यातील गरवारे कॉलेज समोर झाडं कोसळपुण्यातील गरवारे कॉलेज समोर झाडं कोसळ
Live: भाजप १४ एप्रिल ते २५ एप्रिल दरम्यान देशभरात बाबासाहेब भीमराव आंबेडकर सन्मान अभियान राबवणार- भाजप १४ एप्रिल ते २५ एप्रिल दरम्यान देशभरात बाबासाहेब भीमराव आंबेडकर सन्मान अभियान राबवणार
- राष्ट्रीय अध्यक्ष जेपी नड्डा यांच्या हस्ते दिल्लीतील भाजप मुख्यालयात एका कार्यशाळेचं आयोजन.
Live: MMRDAप्रकल्पाची निधी कामी पडणार नाही -मुख्यमंत्री देवेंद्र फडणवीसMMRDAप्रकल्पाची निधी कामी पडणार नाही- मुख्यमंत्री देवेंद्र फडणवीस
Maharashtra Live: मंत्री कार्यालयातील 145 कर्मचाऱ्यांचे वेतन थकीतमंत्री कार्यालयातील वेतन न मिळण्यामागची नवी माहिती समोर आली आहे. सूत्रांनी दिलेल्या माहितीनुसार, मंत्री कार्यालयातील 145 कर्मचाऱ्यांचे वेतन थकित आहे. यामागचं कारण म्हणजे अंतिम वेतन प्रमाणपत्र सादर न केल्यामुळे वेतन अडकलं आहे.
Mumbai Live: मुंबईत रुग्णवाहिका न मिळाल्याने एकाचा मृत्यूमुंबईत वेळीच रुग्णवाहिका उपलब्ध न झाल्याने एकाला जीव गमवावा लागला आहे.
Pandharpur Live: चैत्र यात्रेचा उत्साह, पंढरपूरमध्ये भक्तीचा महापूरआज चैत्र शुद्ध एकादशीच्या निमित्ताने पंढरपूरमध्ये असंख्य भाविक चैत्र यात्रेच्या उत्साहात सहभागी झाले आहेत.
Pune Live: आषाढी वारीत पहिल्यांदाच लठ्ठपणाविरोधी आरोग्य अभियानया वर्षी आषाढी वारीत पायी चालत येणाऱ्या लाखो भाविकांसाठी पहिल्यांदाच लठ्ठपणाविरोधी आरोग्य अभियान राबवले जाणार आहे. आरोग्य सल्लागार अर्जुन सुसे पालखी प्रमुखांची भेट घेऊन या उपक्रमासाठी परवानगी मागणार आहेत. या अभियानाअंतर्गत, वारीदरम्यान दररोज पहाटे हरिनामाच्या घोषात वारकरी व्यायाम करताना दिसतील. "समाजसेवा हीच ईश्वरसेवा" या भावनेतून, आषाढी वारीत भाविकांची सेवा करण्याची संधी पालखी प्रमुखांनी द्यावी, अशी मागणी अर्जुन सुसे करणार आहेत.
PM Modi Live Updates: पंतप्रधान मोदींनी आपल्या निवासस्थानी मुद्रा योजनेच्या लाभार्थ्यांचे स्वागत केले"मी आपले सर्वांचे माझ्या निवासस्थानी मनःपूर्वक स्वागत करतो. आपल्या शास्त्रांमध्ये सांगितले आहे की, जेव्हा घरी पाहुणे येतात, तेव्हा ते घर पवित्र होते. त्यामुळे मी आपले हार्दिक स्वागत करतो."- पंतप्रधान
Harshwardhan patil: हर्षवर्धन पाटील चंद्रशेखर बावनकुळेंच्या भेटीला, घरवापसीची होतेय चर्चाराष्ट्रवादी काँघ्रेस शरद पवार पक्षाचे नेते हर्षवर्धन पाटील हे भाजप नेते चंद्रशेखर बावनकुळेंच्या भेटीला गेले आहेत. यााधी भाजपच्या सहकार परिषदेला ते उपस्थित राहिले होते. हर्षवर्धन पाटील यांच्याकडून भाजप नेत्यांच्या भेटीगाठी वाढल्याने त्यांच्या घरवापसीच्या चर्चा रंगल्या आहेत.
Trump Tarrif : ट्रम्प टॅरिफला युरोपियन युनियनचे २७ देश देणार जशास तसं उत्तरअमेरिकेकडून लावण्यात आलेल्या रेसिप्रोकल टॅरिफला प्रत्युत्तर म्हणून २७ देशांनी आता जशास तसं उत्तर देण्याचा निर्णय घेतलाय. अमेरिकेतून आयात होणाऱ्या वस्तूंवर कर लावण्याची तयारी हे देश करत आहेत.
Suresh Patil Suicide Attempt : सांगलीच्या माजी महापौरांचा आत्महत्येचा प्रयत्नसांगलीचे माजी महापौर सुरेश पाटील यांनी निवासस्थानी गळफास घेऊन आत्महत्येचा प्रयत्न केला. त्यांच्यावर रुग्णालयात उपचार सुरू असून प्रकृती स्थिर असल्याची माहिती समजते. जयंत पाटील यांचे कट्टर कार्यकर्ते असलेल्या सुरेश पाटील यांच्या आत्महत्येच्या प्रयत्नामुळे खळबळ उडाली आहे.
Mumbai Live : आमदार निवासमध्ये कार्यकर्त्याच्या वडिलांचा मृत्यूमुंबईतील आकाशवाणी आमदार निवासमध्ये विजय देशमुख यांचे कार्यकर्ते विशाल धोत्रे यांच्या वडिलांचा हृदय विकाराने मृत्यू झाला.
Vashim Live : वाशिममध्ये गॅसचा स्फोट, चिमुकल्याचा मृत्यूवाशिमच्या राजुरामध्ये रात्री गॅसचा स्फोट झाल्याने आजीसह नातू गंभीर जखमी झाला यात नातवाचा मृत्यू झाला असून आजीची प्रकृती चिंताजनक आहे.
Pune Live : क्रिकेटपटू केदार जाधव आज भाजपमध्ये प्रवेश करणारक्रिकेटपटू केदार जाधव आता राजकारणात उतरला असून आज भाजपमध्ये प्रवेश करणार असल्याची माहिती मिळत आहे.
Delhi Fire Service : दिल्लीच्या चाणक्यपुरी परिसरात कारमध्ये आढळला जळालेला मृतदेहदिल्लीतील चाणक्यपुरी परिसरातील बिजवासन रोड फ्लायओव्हरवर काल रात्री १०.३२ वाजता एका कारला आग लागली. अग्निशमन दलाच्या गाड्या घटनास्थळी पोहोचल्या असून आग विझवलीये. जळालेल्या कारची तपासणी केली असता, कारमधून एक जळालेला मृतदेह आढळून आला. पोलिस या प्रकरणाचा तपास करत आहेत.
इचलकरंजी : महाराष्ट्र प्रदेश काँग्रेसचे सचिव शशांक बावचकर यांची सिंधुदुर्ग जिल्हा काँग्रेस निरीक्षकपदी नियुक्ती केली आहे. नियुक्तीचे पत्र उपाध्यक्ष अॅड. गणेश पाटील यांनी बावचकर यांना पाठविले आहे. प्रदेशाध्यक्ष हर्षवर्धन सपकाळ यांनी प्रदेशाध्यक्षपदाची सूत्रे हातात घेतल्यानंतर राज्यातील सर्वच जिल्ह्यांचा पक्ष कामाचा आढावा घेत आहेत. त्यांच्या सूचनेनुसार बावचकर यांची नियुक्ती केली आहे. सिंधुदुर्ग जिल्ह्यातील तालुकाध्यक्ष, पदाधिकारी व कार्यकर्त्यांशी चर्चा करून जिल्ह्यामध्ये संघटना बळकटीसाठी नेमके काय करणे आवश्यक आहे, याबाबतचा अहवाल पंधरा दिवसांत देण्याची सूचना बावचकर यांना केली आहे.
Kolhapur News : कोल्हापूर जिल्ह्यात सरपंचपदासाठी आज आरक्षण सोडत, १०२९ ग्रामपंचायतींचा समावेशकोल्हापूर : जिल्ह्यातील सरपंच पदासाठी आज तालुकानिहाय आरक्षण सोडत होणार आहे. यामध्ये १०२९ ग्रामपंचायतींचा समावेश आहे. निवडणूक झालेल्या ग्रामपंचायतींची आणि ज्यांची होणार आहे अशा सर्व ग्रामपंचायतींसाठी ही आरक्षण प्रक्रिया लागू आहे. तालुक्याच्या ठिकाणी आरक्षण सोडत होईल.
Kagal Police LIVE : व्हन्नूर येथील मारामारीप्रकरणी ४६ जणांविरोधात कागल पोलिस ठाण्यात गुन्हा दाखलकागल : जुन्या भांडणाचा राग मनात धरून व्हन्नूर (ता. कागल) येथे दोन गटांत मारामारी झाली. याप्रकरणी कागल पोलिस ठाण्यात परस्परविरोधी फिर्यादी दाखल करण्यात आल्या असून, ४६ जणांविरोधात गुन्हा दाखल करण्यात आला आहे. व्हन्नूर (ता. कागल) येथे शुक्रवारी (ता. ४) जुन्या भांडणाचा राग मनात धरून दोन गटांत वाद झाला होता. या वादात काठी व कोयत्याने हल्ला करण्यात आला. याप्रकरणी संदीप लोंढे याने फिर्याद दाखल केली आहे. याप्रकरणी कागल पोलिसांनी २९ जणांवर मारहाणीचा गुन्हा दाखल केला आहे.
12th Exam Result LIVE : कर्नाटकात बारावी परीक्षेचा निकाल आज होणार जाहीरबंगळूर : शालेय परीक्षा आणि मूल्यांकन मंडळाने घेतलेल्या बारावी (द्वितीय पीयूसी) परीक्षेचा निकाल आज (ता. ८) जाहीर करण्यात येणार आहे. राज्यातील लाखो विद्यार्थी निकालाची आतुरतेने वाट पाहत आहेत. अधिकृत पोर्टल karresults.nic.in आणि kseab.karnataka.gov.in या वेबसाइट्सवर विद्यार्थी त्यांचे निकाल पाहू शकतात. केएसईएबी कर्नाटक बोर्डाच्या बारावीच्या परीक्षेचा निकाल २०२५ अधिकृत वेबसाईटवर प्रसिद्ध केला जाईल. विद्यार्थी आणि पालक केएसईएबीच्या अधिकृत वेबसाइटवर निकाल आणि गुणपत्रिका तपासू शकतात.
Gold Rate LIVE : सोन्याच्या भावात १,५५० रुपयांची घसरणअमेरिकेचे अध्यक्ष डोनाल्ड ट्रम्प यांनी लादलेले आयातशुल्क आणि त्याविरुद्ध चीनने घेतलेल्या आक्रमक भूमिकेमुळे व्यापारयुद्धाची भीती निर्माण झाल्याने आज सोन्याचा भावात मोठी घसरण झाली. नवी दिल्लीत सोन्याचा भाव प्रति १० ग्रॅमसाठी १,५५० रुपयांनी घसरून ९१,४५० रुपयांवर आला, तर ९९.५ टक्के शुद्ध सोन्याचा भाव ९१,००० रुपये झाला, अशी माहिती ऑल इंडिया सराफ असोसिएशनने दिली आहे.
Shubham Shelke LIVE : महाराष्ट्र एकीकरण समितीचे युवा नेते शुभम शेळकेंच्या हद्दपार नोटिसीवर 21 ला सुनावणीबेळगाव : महाराष्ट्र एकीकरण समितीचे युवा नेते शुभम शेळके यांना पाठविण्यात आलेल्या हद्दपार नोटिसीला सोमवारी विशेष दंडाधिकारी कार्यालयात उपस्थित राहून समितीच्या वकिलांनी आक्षेप नोंदविला असून, याबाबतची पुढील सुनावणी २१ एप्रिल रोजी होणार आहे. शुभम शेळके यांच्यावर शहर आणि परिसरात आठ गुन्हे दाखल आहेत.
Prashant Koratkar LIVE : प्रशांत कोरटकरचा मुक्काम तूर्त कळंबा कारागृहातच; जामीन अर्जावर उद्या निकालकोल्हापूर : छत्रपती शिवाजी महाराज आणि छत्रपती संभाजी महाराजांबद्दल अपशब्द काढणाऱ्या प्रशांत कोरटकरचा कळंबा मध्यवर्ती कारागृहातील मुक्काम तूर्त वाढला आहे. त्याच्या जामीन अर्जावर आज येथील जिल्हा व सत्र न्यायाधीश डी. व्ही. कश्यप यांच्या न्यायालयात सुनावणी झाली. यानंतर बुधवारी (ता. ९) याबाबतचा निकाल दिला जाईल, असे त्यांनी जाहीर केले.
Stock Market LIVE : शेअर बाजाराची धूळधाण, तीन टक्क्यांपर्यंत निर्देशांक कोसळले; आशियायी, युरोपीय बाजारांत घसरणLatest Marathi Live Updates 8 April 2025 : अमेरिकेचे अध्यक्ष डोनाल्ड ट्रम्प यांनी आयातशुल्काबाबत राबविलेल्या जशास तसे धोरणामुळे जागतिक अर्थव्यवस्थेला मोठे धक्के बसू लागले असून भारतासह युरोप आणि आशियायी शेअर बाजारामध्ये मोठी पडझड झाल्याचे चित्र पाहायला मिळाले. तसेच सार्वजनिक क्षेत्रातील तेल कंपन्यांकडून घरगुती वापराच्या गॅस सिलिंडर दरात ५० रुपयांची वाढ करण्यात आली आहे. कोल्हापूर जिल्ह्यातील सरपंच पदासाठी आज तालुकानिहाय आरक्षण सोडत होणार आहे. छत्रपती शिवाजी महाराज आणि छत्रपती संभाजी महाराजांबद्दल अपशब्द काढणाऱ्या प्रशांत कोरटकरचा कळंबा मध्यवर्ती कारागृहातील मुक्काम तूर्त वाढला आहे. त्याच्या जामीन अर्जावर काल कोल्हापूर जिल्हा व सत्र न्यायाधीश डी. व्ही. कश्यप यांच्या न्यायालयात सुनावणी झाली. यानंतर बुधवारी (ता. ९) याबाबतचा निकाल दिला जाईल, असे त्यांनी जाहीर केले. कर्नाटक शालेय परीक्षा आणि मूल्यांकन मंडळाने घेतलेल्या बारावी (द्वितीय पीयूसी) परीक्षेचा निकाल आज (ता. ८) जाहीर करण्यात येणार आहे. महाराष्ट्र एकीकरण समितीचे युवा नेते शुभम शेळके यांना पाठविण्यात आलेल्या हद्दपार नोटिसीला सोमवारी विशेष दंडाधिकारी कार्यालयात उपस्थित राहून समितीच्या वकिलांनी आक्षेप नोंदविला असून, याबाबतची पुढील सुनावणी २१ एप्रिल रोजी होणार आहे. त्याचबरोबर राज्यातील वातावरणात बदल पहायला मिळत असून काही भागांत पाऊस पडत असून पिकांचे नुकसान होत आहे. यासह देश आणि राज्यातील महत्त्वाच्या घडामोडी तसेच वाहतूक कोंडी, राजकीय घडामोडी, क्रीडा, मनोरंजन, मान्सून या सर्व घडामोडींचे अपडेट जाणून घ्या एका क्लिकवर..
