मुंबई : देशातील सर्वात मोठी बँक एसबीआयने एटीएममधून पैसे काढण्याचे आणि शिल्लक तपासण्याचे नियम बदलले आहेत. हे बदल १ फेब्रुवारी २०२५ पासून लागू झाले आहेत. या बदलानुसार, ग्राहकांना आता एसबीआय एटीएममधून दरमहा 5 मोफत व्यवहार आणि इतर बँकांच्या एटीएममधून 10 मोफत व्यवहार करता येणार आहेत. म्हणजेच तुम्ही दरमहा एकूण १५ व्यवहार कोणत्याही शुल्काशिवाय करू शकता. तसेच खात्यात सरासरी १ लाख रुपये किंवा त्याहून अधिक शिल्लक असेल तर तुम्हाला अमर्यादित मोफत व्यवहारांची सुविधा मिळेल.तुम्ही मोफत व्यवहार मर्यादेपेक्षा जास्त पैसे काढले तर तुम्हाला एसबीआय एटीएमवर १५ रुपये + GST आणि इतर बँकेच्या एटीएमवर २१ रुपये + GST भरावे लागतील. मात्र तुम्ही बॅलन्स चेक किंवा मिनी स्टेटमेंटसाठी एसबीआय एटीएम वापरत असाल तर कोणतेही शुल्क आकारले जाणार नाही. पण हे दुसऱ्या बँकेच्या एटीएममध्ये केले तर १० रुपये + जीएसटी भरावा लागेल. किती मोफत व्यवहार मिळतील?- एसबीआय एटीएममधून दरमहा ५ मोफत व्यवहार- इतर बँकांच्या एटीएममधून दरमहा १० मोफत व्यवहार- याचा अर्थ प्रत्येक ग्राहकाला एकूण १५ मोफत व्यवहारांची सुविधा मिळेल.- तुमच्या खात्यात सरासरी मासिक शिल्लक १ लाख रुपयांपेक्षा जास्त असेल तर अमर्यादित मोफत व्यवहार मिळतील.- तुमच्या खात्यात पुरेसे पैसे नसतील आणि व्यवहार अयशस्वी झाला तर एसबीआय २० रुपये + जीएसटी दंड आकारेल. हा नियम आधीच लागू आहे आणि त्यात कोणताही बदल केलेला नाही. आरबीआयचे नवीन नियमआरबीआयचे नवीन नियम १ मे २०२५ पासून लागू होतील. यानंतर, एखाद्या ग्राहकाने मोफत मर्यादेनंतर एटीएममधून पैसे काढले तर त्याला प्रति व्यवहार २३ रुपयांपर्यंत शुल्क भरावे लागू शकते. त्यामुळे ग्राहकांनी मोफत मर्यादा लक्षात ठेवली आणि आवश्यकतेशिवाय वारंवार एटीएमचा वापर न केल्यास ते चांगले होईल. डिजिटल बँकिंगला प्रोत्साहन देण्यासाठी एसबीआयने हा निर्णय घेतला आहे. ग्राहक यूपीआय, इंटरनेट बँकिंग किंवा मोबाईल अॅपद्वारे व्यवहार करत असतील तर त्यांना कोणतेही अतिरिक्त शुल्क भरावे लागणार नाही. यामुळे केवळ पैसेच वाचणार नाहीत तर वेळही वाचेल.