मुंबई : इन्फो एजने फेब्रुवारीमध्ये १:५ च्या प्रमाणात शेअर्सचे विभाजन म्हणजे स्टाॅक स्प्लिट करण्याची घोषणा केली होती. याचा अर्थ असा की प्रत्येक शेअर ५ शेअर्समध्ये विभागला जाईल.आता कंपनीने स्टॉक स्प्लिटची रेकॉर्ड तारीख जाहीर केली आहे. इन्फो एजने सोमवारी (१४ एप्रिल) एका एक्सचेंज फाइलिंगमध्ये म्हटले आहे की, आज झालेल्या संचालक मंडळाच्या बैठकीत १:५ स्टॉक स्प्लिटसाठी रेकॉर्ड तारीख निश्चित केली आहे.
रेकॉर्ड तारीखइन्फो एजने फाइलिंगमध्ये म्हटले आहे की, स्टॉक स्प्लिटची रेकॉर्ड तारीख ७ मे २०२५ अशी निश्चित करण्यात आली आहे. यामुळे पात्र भागधारकांची पात्रता निश्चित करण्यात मदत होईल. स्टॉक स्प्लिट अंतर्गत १० रुपये दर्शनी मूल्य असलेल्या प्रत्येक शेअरचे २ रुपये दर्शनी मूल्य असलेल्या ५ शेअर्समध्ये विभाजन केले जाईल.
पाच वेळा लाभांश इन्फो एज ने गेल्या तीन वर्षांत पाच वेळा गुंतवणूकदारांना लाभांश दिला आहे. कंपनीने जून २०२२ मध्ये १० रुपये अंतरिम लाभांश, जुलै २०२३ मध्ये ८ रुपये लाभांश, नोव्हेंबर २०२३ मध्ये १० रुपये अंतरिम लाभांश, जुलै २०२४ मध्ये १२ रुपये आणि नोव्हेंबर २०२४ मध्ये १२ रुपये दिला होता. गेल्या तीन वर्षांत कंपनीने तिच्या भागधारकांना प्रति शेअर एकूण ६६ रुपये लाभांश दिला आहे.
स्टॉक स्प्लिटचा फायदा स्टॉक स्प्लिट झाल्यानंतर शेअरची किंमत कमी होते. यामुळे लहान गुंतवणूकदारांना ते खरेदी करणे सोपे होते. जसजसे अधिक शेअर्स बाजारात येतील तसतसे ट्रेडिंग व्हॉल्यूम वाढू शकते, ज्यामुळे शेअर्सची तरलता वाढते. जुन्या गुंतवणूकदारांना अधिक शेअर्स मिळतात. यामुळे त्यांचे होल्डिंग वाढते. मात्र एकूण मूल्यात कोणताही बदल होत नाही.
