या महागड्या घड्याळमध्ये गुलाबी, निळा, हिरवा, केशरी आणि पिवळा असे जगातील दुर्मिळ आणि सर्वोत्तम दर्जाचे 110 कॅरेटचे हिरे आहेत. या घड्याळात जगातील सर्वात दुर्मिळ हिरे आहेत आणि ते ज्या धातूपासून बनवले जाते तो धातू जगातील सर्वात महागडा धातू आहे. या घड्याळाची किंमत तुम्हाला नक्कीच आश्चर्यचकित करेल. याची किंमत 55 मिलियन डॉलर म्हणजेच 466 कोटी रुपये असून हे आतापर्यंतचे सर्वात महागडे घड्याळ आहे. आता यात नेमकं काय वारलं आहे, याविषयी जाणून घेऊया.

वेळ ही सर्वात मौल्यवान गोष्ट आहे. कारण, एकदा ती निघून गेली की ती कोणत्याही किंमतीवर परत आणता येत नाही. म्हणूनच त्याला अमूल्य म्हटले जाते. पण तरीही ते मोजण्यासाठी आपण वापरत असलेली घड्याळे पूर्वीपेक्षा महाग होत चालली आहेत.

लक्झरी कार आणि आलिशान घरांप्रमाणेच काही घड्याळांच्या किमतीही इतक्या जास्त असतात की त्या पाहून तुम्हाला वाटेल की घड्याळही इतकं महाग असू शकतं? होय, आज आम्ही तुम्हाला जगातील सर्वात महागड्या आणि दुर्मिळ घड्याळाबद्दल सांगत आहोत, जे लक्झरीमध्ये सर्वोच्च स्थानावर आहे. ग्राफ डायमंड्स वॉच असे या घड्याळाचे नाव आहे.

ग्राफ डायमंड्स वॉचमध्ये गुलाबी, निळा, हिरवा, केशरी आणि पिवळा असे जगातील दुर्मिळ आणि सर्वोत्तम दर्जाचे 110 कॅरेटचे हिरे आहेत.

‘या’ महागड्या घड्याळाची किंमत किती?

या घड्याळाची किंमत तुम्हाला नक्कीच आश्चर्यचकित करेल. याची किंमत 55 मिलियन डॉलर म्हणजेच 466 कोटी रुपये असून हे आतापर्यंतचे सर्वात महागडे घड्याळ आहे. द हॅल्युसिनेशन ही एक उत्कृष्ट कलाकृती आहे जी कला, दागिने आणि वेशभूषा यांचे परिपूर्ण मिश्रण आहे जे वैभवाची पुनर्व्याख्या करते.

हे दुर्मिळ, फॅन्सी रंगाचे हिरे त्यांच्या विलक्षण दुर्मिळतेमुळे आणि मूल्यामुळे मौल्यवान आहेत. तसे, बहुतेक हिऱ्यांच्या घड्याळांमध्ये गोल किंवा बॅग्युएट कापलेले हिरे असतात. पण त्यात हृदय, नाशपाती, पन्ना, मार्क्विस आणि गोल कट यांचे मिश्रण असते.

प्लॅटिनम धातूचा वापर

हिऱ्यांचे डिझाईन आणि त्यांचा रंग या घड्याळाची लक्झरी आणखी वाढवतो. हे घड्याळ बनवण्यासाठी सोने-चांदी नव्हे तर प्लॅटिनम धातूचा वापर करण्यात आला आहे.

आता यावरुन तुम्हाला अंदाज आला असेल की, इतक्याही महागड्या घड्याळ असू शकतात. विशष म्हणजे या घड्याळांची खरेदी देखील होते.