मुंबई : पॅकेजिंग क्षेत्रातील स्मॉलकॅप कंपनी हुहतामाकी इंडियाने अंतिम लाभांशासाठी रेकॉर्ड तारीख निश्चित केली आहे. कंपनीने फेब्रुवारी २०२५ मध्ये तिमाही निकालांसह हा लाभांश जाहीर केला. आता कंपनीने या लाभांशासाठी पुढील आठवड्यातील रेकॉर्ड तारीख जाहीर केली आहे. हुहतामाकी इंडियाने डिसेंबर तिमाहीच्या निकालांसह प्रति शेअर २ लाभांश देण्याची शिफारस केली होती. रेकॉर्ड तारीख हुहतामाकी इंडियाच्या आगामी ७५ व्या वार्षिक सर्वसाधारण सभेत (एजीएम) लाभांशासाठी भागधारकांकडून मंजुरी मागितली जाईल, असे कंपनीने म्हटले आहे. वार्षिक सर्वसाधारण सभेची तारीख ८ मे २०२५ निश्चित करण्यात आली आहे. शेअर बाजारांना पाठवलेल्या माहितीत कंपनीने म्हटले की अंतिम लाभांशाची रेकॉर्ड तारीख गुरुवार २४ एप्रिल २०२५ ही निश्चित करण्यात आली आहे. म्हणजेच, या तारखेपर्यंत कंपनीचे शेअर्स त्यांच्या डीमॅट खात्यात असलेले गुंतवणूकदार लाभांशासाठी पात्र असतील. लाभांश इतिहासहुहतामाकी इंडियाने यापूर्वी अनेक वेळा त्यांच्या भागधारकांना लाभांश दिला आहे. २०२४ मध्ये या स्मॉलकॅप कंपनीने ५ रुपये लाभांश दिला होता. तर २०२३ मध्ये २ रुपये लाभांश जाहीर करण्यात आला होता. याशिवाय २०१८ ते २०२१ या काळात कंपनीने दरवर्षी त्यांच्या भागधारकांना ३ रुपये लाभांश दिला आहे. शेअर्सचा परतावाहुहतामाकी इंडियाचे शेअर्स गुरुवार १७ एप्रिल रोजी ०.०६७ टक्क्यांनी घसरून १९५.०४ रुपयांवर बंद झाले. या वर्षी आतापर्यंत कंपनीचे शेअर्स २९.१४ टक्क्यांनी घसरले आहेत. गेल्या ६ महिन्यांत कंपनीचे शेअर्स जवळपास ५० टक्क्यांनी घसरले आहेत. गेल्या एका वर्षात शेअर्सची किंमत ४० टक्क्यांनी कमी झाली आहे. या शेअर्सचा ५२ आठवड्यांचा उच्चांक ४५१.८५ रुपये आहे. तर ५२ आठवड्यांची नीचांकी किमत १७०.५६ रुपये आहे. तिमाही निकालहुहतामाकी इंडिया पुढील आठवड्यात २२ एप्रिल रोजी मार्च तिमाहीचे निकाल जाहीर करणार आहे. या दिवशी कंपनीच्या संचालक मंडळाची बैठक बोलावण्यात आली आहे. यामध्ये लेखापरीक्षण न झालेले आर्थिक निकाल विचारात घेतले जातील.