मुंबई : वस्त्रोद्योग क्षेत्रातील कंपनी व्हीटीएम लिमिटेड त्यांच्या भागधारकांना ३:२ च्या प्रमाणात बोनस शेअर्स देण्याची घोषणा केली आहे. याचा अर्थ भागधारकांना त्यांच्याकडे असलेल्या प्रत्येक २ शेअर्सवर बोनस म्हणून ३ नवीन शेअर्स मोफत मिळतील. बोनस शेअर्सची रेकॉर्ड तारीख अद्याप निश्चित झालेली नाही. कंपनी पहिल्यांदाच बोनस शेअर्स देत आहे. मार्केट कॅप बीएसईवर १७ एप्रिल २०२५ रोजी व्हीटीएम लिमिटेडचा शेअर्स २०७.१५ रुपयांवर बंद झाला. १८ एप्रिल रोजी गुड फ्रायडे असल्याने शेअर बाजार बंद होता. कंपनीचे मार्केट कॅप ८३३ कोटी रुपये आहे. डिसेंबर २०२४ अखेरपर्यंत कंपनीत प्रवर्तकांचा ७५ टक्के हिस्सा होता. शेअर्सचा परतावागेल्या एका वर्षात या शेअरमध्ये जवळपास १९० टक्के आणि ६ महिन्यांत जवळपास १८० टक्के वाढ झाली आहे. एका महिन्यात शेअर्स २२ टक्के आणि एका आठवड्यात ८ टक्के वाढला आहे. कंपनीने गेल्या वर्षी डिसेंबरमध्ये २०२५ आर्थिक वर्षासाठी २५ पैसे प्रति शेअर अंतरिम लाभांश जाहीर केला होता. आर्थिक वर्ष २०२४ या साठी कंपनीने २५ पैसे अंतरिम लाभांश आणि ७५ पैसे प्रति शेअर अंतिम लाभांश दिला होता. कंपनीचे शेअर्स २०१२ मध्ये स्प्लिट करण्यात आले. या अंतर्गत १० रुपये दर्शनी मूल्य असलेल्या १ शेअरचे १ रुपये दर्शनी मूल्य असलेल्या १० शेअर्समध्ये विभाजन करण्यात आले. डिसेंबर तिमाही नफा ऑक्टोबर-डिसेंबर २०२४ या तिमाहीत व्हीटीएम लिमिटेडचा स्वतंत्र महसूल १०३.५२ कोटी रुपये होता. तर निव्वळ नफा १८.२० कोटी रुपये आणि प्रति शेअर कमाई ४.५२ कोटी रुपये होती. आर्थिक वर्ष २०२४ मध्ये कंपनीचा स्वतंत्र उत्पन्न सुमारे २०८ कोटी रुपये, निव्वळ नफा १८.२९ कोटी रुपये आणि प्रति शेअर कमाई ४.५५ कोटी रुपये होती.