Success Story : असे म्हणतात की, तुमची इच्छाशक्ती मजबूत असली तर तुम्हाला यशाच्या शिखरावर नक्कीच पोहचता येते. अशीच गोष्ट आहे अमित भडाना या यशस्वी उद्योजकाची! तुम्हाला ऐकूण आश्चर्य वाटेल की, अमित हे आपल्या ५० लाखाच्या ऑडी कारमधून आपल्या ग्राहकांना दुधाचे वितरण करतात. उद्योगाच्या या वेगळ्या शैलीमुळे ते बातम्यांमध्ये चर्चेत आहेत.मोहताबाद गावातील रहिवासी अमित हे फरिदाबादच्या (हरियाना) वसाहतींमध्ये दररोज १२० लिटर दूध पोहोचवतात. यासाठी ते सुमारे ६० किलोमीटर गाडी चालवतात आणि पेट्रोलवर ४०० रुपये खर्च करतात. अमित आपले उत्पन्न जाहीर करत नाही पण ते म्हणतात की महागड्या गाड्या चालवणे हा त्याचा छंद आहे. हा छंद पूर्ण करण्यासाठी त्यांनी बँकेतील नोकरीही सोडली आणि वडिलांच्या दुधाच्या व्यवसायात सामील झाले. महागड्या गाड्यांवरून दुधाचे वितरणदुग्धव्यवसायी अमितने अलिकडेच ऑडी ए३ कॅब्रिओलेट खरेदी केली आहे. पूर्वी ते ८ लाख रुपयांच्या हार्ले डेव्हिडसन बाईकवरून दूध पुरवत होते. अमित म्हणतात की, उष्णता वाढल्याने मोटरसायकलवरून दूध वाहतूक करणे कठीण होते, म्हणून मी ही गाडी खरेदी केली. बँकेची नोकरी सोडून उद्योगाकडे लक्षत्यांनी बी.कॉम पर्यंत शिक्षण घेतले आणि ७ वर्षे एचडीएफसी बँकेत व्यवस्थापक म्हणून काम केले. कोरोना काळात त्यांनी नोकरी सोडली आणि भावाला दूध पुरवठ्यात मदत करू लागले. कुटुंबाच्या व्यवसायाचा भाग बनून अमित आनंदी आहेत आणि ते पुढे म्हणतात की, "मला हे काम करायला आवडू लागले. २०२१ मध्ये मी नोकरी सोडली आणि माझ्या भावासोबत पूर्णपणे दुधाचा व्यवसाय हाती घेतला. आता ते एकटेच १२० लिटर दूध पुरवतात. त्याच्या गोशाळेत ३२ गायी आणि ६ म्हशी आहेत." दुधाच्या व्यवसायाचा विस्तार संपूर्ण भडाना कुटुंब दुधाच्या व्यवसायाचा विस्तार करत आहे. अमितचे वडील सैन्यातून निवृत्त झाले आहेत आणि ते गावात शेती पाहतात. त्याची आई विज्ञावती गृहिणी आहे. त्यांना दोन भाऊ देखील आहेत.अमित यांना दोन मुली असून वडिलांनी आपल्या मुलाच्या छंदाबद्दल सांगितले. म्हणाले, अमित यांना लहानपणापासूनच कार आणि बाईकची आवड आहे. त्यांनी ही गाडी त्यांच्या कमाईतून खरेदी केली. ते खूप मेहनती असून त्यांचे छंदही पूर्ण करतात. दुधाचा व्यवसाय हा केवळ अमित यांचा उदरनिर्वाहाचा मार्ग नाही तर त्यांचा छंद देखील आहे.