Operation Sindoor Live Updates: अरविंद केजरीवाल यांनी ऑपरेशन सिंदूरचे केले कौतूक
"भारतीय सैन्य आणि आमच्या शूर सैनिकांचा अभिमान आहे": अरविंद केजरीवाल यांनी ऑपरेशन सिंदूरचे कौतुक केले.
Operation Sindoor Live Updates: एअर स्ट्राईक नंतर भारतीय लष्कराकडून पाकिस्तानच्या अनेक चौक्या उद्ध्वस्तऑपरेशन सिंदूरसह, भारतीय सैन्याने सीमेवरही नवा डाव खेळला आहे. ऑपरेशन सिंदूर सुरु असतानाच पाकिस्तानी सैन्याने १३ व्या दिवशीही सीमेवर गोळीबार केला. पण भारताने प्रत्युत्तर म्हणून पाकिस्तानच्या अनेक चौक्या उद्ध्वस्त केल्या आहेत.
Operation Sindoor Live Updates: नागपूरमध्ये लोकांनी ऑपरेशन सिंदूरबद्दल जवानांचे केले कौतूकपाकिस्तान आणि पीओकेमधील नऊ दहशतवादी ठिकाणांवर भारतीय सशस्त्र दलांनी केलेल्या हवाई हल्ल्यांनंतर नागपूरमधील लोकांनी भारतीय सैन्याचे कौतुक केले.
Operation Sindoor Live Updates: अमृतसरमधील श्री गुरु राम दास जी आंतरराष्ट्रीय विमानतळ पुढील सूचना मिळेपर्यंत बंदएडीसीपी-२, आयपीएस, सिरीवेनेला यांनी सांगितले की, "आम्हाला माहिती मिळाली की सर्व उड्डाणे रद्द करावी लागतील आणि विमानतळ बंद करावा लागेल. पुढील आदेश येईपर्यंत...संपूर्ण विमानतळ बंद करण्यात आले आहे.
Operation Sindoor Live Updates: संरक्षण मंत्री राजनाथ सिंह यांनी लष्कर, हवाई दल आणि नौदल प्रमुखांशी संवाद साधलाऑपरेशन सिंदूरनंतर संरक्षण मंत्री राजनाथ सिंह यांनी लष्कर, हवाई दल आणि नौदल प्रमुखांशी संवाद साधला असून सद्यस्थितीची माहिती घेतली आहे.
Operation Sindoor Live Updates: भारताच्या हल्ल्यानंतर पाकिस्तानच्या पंतप्रधानांनी बोलावली राष्ट्रीय सुरक्षा समितीची बैठकभारताच्या हल्ल्यानंतर पाकिस्तानच्या पंतप्रधानांनी आज सकाळी १० वाजता राष्ट्रीय सुरक्षा समितीची बैठक बोलावल्याची माहिती मिळत आहे.
India Operation Sindoor : श्रीनगर विमानतळ नागरिकांसाठी बंदश्रीनगर विमानतळ संचालकांनी माहिती दिली आहे, की आज विमानतळ बंद करण्यात आले आहे. त्याच वेळी, श्रीनगर विमानतळावरून कोणतेही नागरी विमान उड्डाण करणार नाही.
Operation Sindoor Latest Updates: दहशतवादी मौलाना मसूद अजहरचा मदरसा उद्ध्वस्तभारताने जम्मू-कश्मीरमधील पहलगाम येथे झालेल्या दहशतवादी हल्ल्याचा बदला घेत मंगळवारी रात्री दीडच्या सुमारास ‘ऑपरेशन सिंदूर’ अंतर्गत पाकिस्तान आणि पाकव्याप्त काश्मीरमधील 9 दहशतवादी तळांवर क्षेपणास्त्रांनी हल्ला केला. बहावलपूर, कोटली आणि मुजफ्फराबाद येथे भारतीय लष्कराने हल्ले केले. यामध्ये सर्वात मोठा हल्ला बहावलपूर येथे करण्यात आला. या हल्ल्यात दहशतवादी मौलाना मसूद अजहरचा मदरसा पूर्णपणे उद्ध्वस्त झाला आहे.
Lahore Airport : पाकिस्तानच्या लाहोर विमानतळावर आपत्कालीन परिस्थिती जाहीर; हल्ल्यानंतर अनेक विमान उड्डाणे रद्दपाकिस्तानच्या लाहोर विमानतळावर आपत्कालीन परिस्थिती जाहीर करण्यात आली आहे. स्थानिक मीडिया रिपोर्ट्सनुसार, सुरक्षा व्यवस्था अधिक कडक करण्यात आली आहे. हल्ल्यानंतर अनेक विमान उड्डाणे रद्द करण्यात आली असून काही विमानांचे मार्ग बदलण्यात आले आहेत.
Operation Sindoor Live Updates: एअर इंडियाने आज दुपारी १२ वाजेपर्यंत ही उड्डाणे केली रद्दभारतीय लष्कराने पाकिस्तानमधील दहशतवादी तळांवर हवाई हल्ला केला आहे. या ऑपरेशनला ऑपरेशन सिंदूर असे नाव देण्यात आले आहे. पाकिस्तानमधील दहशतवादी तळांवर क्षेपणास्त्र हल्ले झाले आहेत. दरम्यान, एअर इंडियाने ७ मे रोजी दुपारी १२ वाजेपर्यंत अनेक शहरांमधील उड्डाणे रद्द केली आहेत. एअर इंडियाने जम्मू, श्रीनगर, लेह, जोधपूर, अमृतसर, भुज, जामनगर, चंदीगड आणि राजकोट येथील उड्डाणे रद्द केली आहेत.
Operation Sindoor : एअर स्ट्राईकमध्ये पाकिस्तानील बहावलपूरमध्ये ३० जणांचा मृत्यूभारताने पाकिस्तान आणि पाकव्याप्त काश्मीरमध्ये हवाई हल्ले केले आहेत. एकाच वेळी ९ ठिकाणी हल्ला करण्यात आला आहे. दरम्यान, या एअर स्ट्राईकमध्ये पाकिस्तानील बहावलपूरमध्ये ३० जणांचा मृत्यू झाल्याची माहिती समोर येते आहे. पाकिस्तानमधील बहावलपूरमधील रुग्णालयांमध्ये प्रचंड गोंधळ उडाला आहे. पाकिस्तानच्या पंजाब प्रांतातील बहावलपूरमध्ये इंटरनेट बंद होण्याची शक्यता आहे.
PM Modi Monitoring Operation Sindoor Through The Night : पंतप्रधान नरेंद्र मोदी रात्रभर 'ऑपरेशन सिंदूर'वर सतत होते लक्ष ठेवूनपंतप्रधान नरेंद्र मोदी रात्रभर ऑपरेशन सिंदूरवर सतत लक्ष ठेवून आहेत. सर्व नऊ लक्ष्यांवर करण्यात आलेला हल्ला यशस्वी झाला आहे. जम्मू-काश्मीरमधील पहलगाम येथे झालेल्या दहशतवादी हल्ल्याचा भारतीय लष्कराने बदला घेतला आहे. भारतीय लष्कराने पाकिस्तानमधील ९ दहशतवादी तळांवर हल्ला केला.
भारतराष्ट्रीय सुरक्षा सल्लागार अजित डोवाल यांनी अमेरिकेच्या NSA आणि परराष्ट्र मंत्री मार्को रुबिओ यांच्याशी संवाद साधला, भारताच्या मोठ्या कारवाईबद्दल माहिती दिली. भारताच्या प्रत्युत्तरात्मक कारवाईनंतर, राष्ट्रीय सुरक्षा सल्लागार (NSA) अजित डोवाल यांनी अमेरिकेचे NSA आणि परराष्ट्र मंत्री मार्को रुबिओ यांच्याशी संवाद साधला आणि भारताने घेतलेल्या मोठ्या पावलांबाबत त्यांना सविस्तर माहिती दिली. या चर्चेमध्ये भारताकडून अलीकडेच करण्यात आलेल्या निर्णायक कारवाईची माहिती देण्यात आली असून, भारताच्या सुरक्षेशी संबंधित घडामोडींबाबत अमेरिका सरकारला विश्वासात घेतलं गेलं आहे. डोवाल यांनी भारताने दहशतवादाविरोधात घेतलेल्या भूमिकेवर आणि "ऑपरेशन सिंदूर" सारख्या निर्णायक मोहिमांबाबत अमेरिकेला स्पष्टपणे माहिती दिली. ही चर्चा भारत-अमेरिका संबंध दृढ करण्याच्या दृष्टीने महत्त्वाची मानली जात असून, दोन्ही देश दहशतवादविरोधी लढ्याबाबत सहकार्य वाढवण्यास तयार आहेत.
पाकिस्तान आणि पाकिस्तान-व्याप्त काश्मीरमधील दहशतवादी तळांवर केलेल्या हवाई कारवाईनंतर अमेरिकेचे अध्यक्ष डोनाल्ड ट्रम्प यांनी तीव्र प्रतिक्रिया व्यक्त केली आहे. ट्रम्प यांनी ही संपूर्ण परिस्थिती "शर्मनाक" असल्याचं सांगत दोन्ही देशांनी संयम बाळगावा व लवकरात लवकर हे थांबावं, अशी आशा व्यक्त केली.
Operation Sindoor : जम्मू-काश्मीरमधील पहलगाम येथे झालेल्या दहशतवादी हल्ल्याच्या प्रत्युत्तरात भारतीय सैन्याने मंगळवारी उशिरा रात्री पाकिस्तानमधील ९ दहशतवादी ठिकाणांवर एअर स्ट्राईक केलीये. या एअर स्ट्राईकनंतर संरक्षण मंत्रालयाकडून (Ministry of Defence) जारी केलेल्या प्रेस नोटमध्ये सांगण्यात आलंय, की ‘ऑपरेशन सिंदूर’चे उद्दिष्ट केवळ दहशतवादी ठिकाणांना लक्ष्य करणे होते. भारताने हा हल्ला शेजारील देशासोबत वाद घालण्यासाठी केलेला नाहीये, असं स्पष्ट करण्यात आलंय.
भारताने दहशतवादाविरोधातील आपल्या संघर्षाला निर्णायक वळण देत ‘ऑपरेशन सिंदूर’ अंतर्गत मोठी कारवाई केली आहे. या विशेष मोहिमेंतर्गत भारतीय वायुदलाने पाकिस्तान आणि पाकिस्तान व्याप्त काश्मीर (PoK) येथील ९ दहशतवादी तळांवर अचूक एअर स्ट्राईक केली. ही कारवाई मध्यरात्रीनंतर सुमारे १.३० वाजता पार पडल्याची माहिती सूत्रांनी दिली आहे. मिळालेल्या प्राथमिक माहितीनुसार, वायुदलाने बहावलपूर, कोटली आणि मुजफ्फराबाद या भागांतील दहशतवादी तळांना लक्ष्य करत अत्यंत नियोजनबद्ध आणि अचूक हल्ला केला. या कारवाईसाठी आधीपासूनच बारकाईने योजना आखण्यात आली होती. हे सर्व हल्ले अत्यंत सावधगिरीने आणि धोरणात्मक पद्धतीने करण्यात आले.
