Coal India Q4 Results : सार्वजनिक क्षेत्रातील महारत्न कंपनी कोल इंडियाने आर्थिक वर्ष २०२५ च्या चौथ्या तिमाहीत नफ्यात १२ टक्के वाढ तर महसूलात घट नोंदवली आहे. परंतू ऑपरेटिंग नफ्याच्या बाबतीत चांगली कामगिरी केली आहे. कंपनीने शेअर बाजाराला दिलेल्या माहितीत म्हटले की महसुलात चार टक्क्यांनी घट झाली आहे. तसेच, ऑपरेटिंग नफ्यात चार टक्क्यांनी वाढ झाली आहे. यासोबतच कोल इंडियाने आपल्या गुंतवणूकदारांना ५१.५% अंतिम लाभांश देखील जाहीर केला आहे. कंपनीकडून प्रति शेअर ५.१५ रुपये लाभांश जाहीरकोल इंडियाच्या नियामक फाइलिंगनुसार कंपनीच्या संचालक मंडळाने त्यांच्या गुंतवणूकदारांना १० रुपये दर्शनी मूल्य असलेल्या शेअर्सवर ५.१५ रुपये प्रति शेअर अंतिम लाभांश देण्याची शिफारस केली आहे. याशिवाय, कंपनीने या वर्षासाठी प्रति शेअर २१.३५ रुपये अंतरिम लाभांश आधीच दिला आहे. म्हणजेच कंपनीने या आर्थिक वर्षात प्रति शेअर एकूण २६.५० रुपये लाभांश जाहीर केला आहे. ३१ मार्च २०२५ रोजी संपलेल्या चौथ्या तिमाहीत कोल इंडियाचा निव्वळ नफा वार्षिक आधारावर ८,५७२.१४ कोटी रुपयांवरून ९,६०४.०२ कोटी रुपयांवर पोहोचला. महसुलात घट, ऑपरेटिंग नफ्यात वाढमार्च तिमाहीत कोल इंडियाचा महसूल ३८,२१३.४८ कोटी रुपयांवरून ३७,८२४.५४ कोटी रुपयांवर घसरला. वार्षिक आधारावर ऑपरेटिंग नफा ११,३८७.५९ कोटी रुपयांवरून ११,७९०.१५ कोटी रुपयांवर पोहोचला. वार्षिक आधारावर मार्जिन २९.२ टक्क्यांवरून ३१.२ टक्क्यांपर्यंत वाढले आहे. या तिमाहीत कोल इंडियाचा एकूण खर्च वार्षिक आधारावर ०.३७ टक्क्यांनी वाढला. ते २८,९५०.४१ कोटी रुपयांवरून २९०५७.३० कोटी रुपयांपर्यंत वाढले आहे. कंपनीच्या शेअरमध्ये एका वर्षात १५.७५% घसरणबुधवारी व्यापार सत्रादरम्यान, कोल इंडियाचा शेअर १.४४ टक्के आणि ५.४५ अंकांनी वाढून ३८३.८० रुपयांवर बंद झाला. एनएसई वर तो १.५७ टक्क्यांनी किंवा ५.९५ अंकांनी वाढून ३८४.२० रुपयांवर बंद झाला. कंपनीचा ५२ आठवड्यांचा उच्चांक ५४३.५५ रुपये आणि ५२ आठवड्यांचा नीचांक ३४९.२५ रुपये आहे. या वर्षी, महारत्न सार्वजनिक क्षेत्रातील कंपनीचे शेअर्स ०.५७% ने घसरले आहेत. सहा महिन्यांत ११.७५% आणि गेल्या एका वर्षात १५.७५% ची घट झाली आहे.