पावसाळ्याचे महिने भारतात एक वेगळेच सौंदर्य घेऊन येतात. पावसाळ्याच्या दिवसात, मुसळधार पावसात हातात चहाचा कप आणि सोबत गरमागरम भजी खाण्याचा काही वेगळाच आनंद असतो. या हंगामात सुट्टीत कुठेतरी भटकायला जाण्याची एक वेगळीच क्रेझ पर्यटकांमध्ये आपल्याला पाहायला मिळते. अशा परिस्थितीत, जर तुम्हीही पावसाळ्यात कुठेतरी प्रवास करण्याचा विचार करत असाल, तर पावसाळ्यात तुम्ही नेमक्या कोणत्या ठिकाणांना भेट देऊ शकता ते आजच्या या लेखाद्वारे जाणून घेऊयात. मुसळधार पावसात तुम्ही येथे आनंददायी वेळ घालवू शकाल. भारतातील सर्वोत्तम पावसाळी पर्यटन स्थळे कोणती आहेत ते पाहूयात.
पावसाळ्यात लोणावळ्याचे सौंदर्य पाहण्यासारखे असते. येथे पावसाळी आकाशाखाली उभे राहण्याचा पूर्णपणे अनोखा अनुभव तुम्हाला घेता येतो. येथे तुम्ही तुमची सुट्टी रोमँटिक पद्धतीने घालवू शकता. तुम्ही येथे टायगर्स पॉइंटला जाऊ शकता जिथे तुम्हाला संपूर्ण शहराचे अद्भुत दृश्य दिसेल.
पावसाळ्यात राजस्थानमधील या हिल स्टेशनला भेट देण्याचा एक आनंद काही निराळाच आहे. येथील हवामान आल्हाददायक असते आणि पर्यटकांचा सारा थकवा याठिकाणी निघून जातो. येथे दिलवाडा मंदिर आणि नक्की नावाच्या तलावाची सैर करता येते. त्याचबरोबर, येथील विशाल आणि आरामदायी घरे, नैसर्गिक सौंदर्य, जंगले, धबधबे, तलाव आणि विविध प्रकारची फुले यामुळे तुमचे मन प्रफुल्लित होते.
पावसाळ्यात दार्जिलिंग हे एक चांगले पर्यटन स्थळ आहे. पावसाळ्यात दार्जिलिंगचे हवामान आल्हाददायक असते. येथे सूर्योदयापासून सूर्यास्तापर्यंत तुम्हाला इतके छान निसर्ग सौंदर्य दिसते की दिवस संपला तरीही हे सौंदर्य पाहून तुम्ही मात्र अजिबात थकत नाही. दार्जिलिंगला जाण्यासाठी वाहतुकीची वेगवेगळी साधने उपलब्ध आहेत. चहाच्या बागांनी भरलेले हे ठिकाण चहा प्रेमींसाठी अगदी स्वर्गच आहे.
दक्षिण भारतात असलेल्या कूर्गला भारताचे स्कॉटलंड असेही म्हणतात. येथील सुंदर पर्वत आणि नैसर्गिक सौंदर्यावरून नजर हटवणे कठीण आहे. पावसाळ्यात लोक विशेषतः दूरवरून कुर्गला भेट देण्यासाठी येतात. जर तुम्ही गर्दीची शहरे सोडून कूर्गला गेलात तर येथल्या मोकळ्या हवेत श्वास घेणेदेखील अगदी स्वप्नवत वाटते.
मुन्नारला मान्सून गेटवेसाठी नियोजित केले जाऊ शकते. भारतातील मान्सूनच्या ठिकाणी मुन्नार नेहमीच अव्वल स्थानावर आहे. येथील दऱ्या, चहाचे मळे, वेगवेगळे प्राणी आणि शांत वातावरण पर्यटकांना खूप आवडते. अशा परिस्थितीत, तुम्ही पावसाळ्यात सुट्टी घेऊन मुन्नारला भेट देण्याचा प्लॅन देखील करू शकता.
हेही वाचा : World Bicycle Day 2025 : सायकल चालवण्याचे आहेत अनेक फायदे
संपादित – तनवी गुडे
