महायुती सरकारमधी मंत्री प्रताप सरनाईक यांच्या विरोधात महाराष्ट्र नवनिर्माण सेनेची बॅनरबाजी केली आहे. मुंबईची मातृभाषा हिंदी झाल्याचे वक्तव्य प्रताप सरनाईक यांनी केलं होतं. त्यानंतर एका कवितेच्या माध्यमातून प्रताप सरनाईक यांच्यावर मनसे कडून टीका करण्यात आली आहे .

''मराठी भाषिकांच्या मतावर निवडून येणारा तू तर दुतोंडी साप, मराठी भाषेचा अपमान करतोय कुठे फेडशील हे पाप.'' अशा अशा याचे बॅनर लावत मनसेकडून मंत्री प्रताप सरनाईक यांच्यावर सडकून टीका करण्यात आली आहे.

विकासाच्या नावाखाली भ्रष्टाचार करून जर तुमचे खिसे भरायचे असतील आणि सामन्यांना वेठीस धरायचं असेल तर.... याद राखा! मुंबईकर प्रत्येक गोष्टीचा हिशेब घेतल्याशिवाय राहणार नाहीत. असं म्हणत ठाकरे गटाने इशारा दिला आहे.

राज्यात भ्रष्टाचाराचे मोठे रॅकेट कार्यरत असून तब्बल १ लाख कोटी रुपयांच्या भ्रष्टाचाराचा संशय आहे. राज्यात देवेंद्र फडणवीस व एकनाथ शिंदे यांनी भ्रष्टाचाराचा कॉरिडॉर तयार केला असून एमएमआरडीए, म्हाडा, सिडको, एसआरए यांचे एक सर्कल आहे. यासाठी लाडके अधिकारी नियुक्त केले जातात आणि यातून लाडका ठेकेदार योजना राबविली जाते, तसेच या सर्व मोठ्या प्रकल्पांची न्यायालयीन चौकशी झालीच पाहिजे. असं काँग्रेस प्रदेशाध्यक्ष हर्षवर्धन सपकाळ म्हणाले आहेत.