मुंबई : एरोस्पेस आणि संरक्षण क्षेत्रातील सरकारी कंपनी असलेल्या हिंदुस्तान एरोनॉटिक्स लिमिटेड (HAL) च्या संचालक मंडळाने २०२४-२५ या आर्थिक वर्षासाठी प्रति शेअर १५ रुपये अंतिम लाभांश देण्याची शिफारस केली आहे. यासाठीची रेकॉर्ड तारीख २१ ऑगस्ट २०२५ ठेवण्यात आली आहे. या लाभांशावर भागधारकांची मान्यता अद्याप घेतलेली नाही. कंपनीच्या वार्षिक सर्वसाधारण सभेत मंजुरी घेतली जाईल. मंजुरीनंतर अंतिम लाभांश भागधारकांना ३० दिवसांच्या आत दिला जाईल.



सरकारला मिळणार ७१८ कोटी

मार्च २०२५ अखेरपर्यंत नवरत्न कंपनी Hindustan Aeronautics मध्ये सरकारचा ७१.६४ टक्के हिस्सा होता. या अंतिम लाभांशाद्वारे सरकारला एकूण ७१८.६ कोटी रुपये लाभांश मिळतील. यापूर्वी, एचएएलने २०२५ आर्थिक वर्षासाठी २५ रुपये अंतरिम लाभांश दिला होता. तर २०२४ आर्थिक वर्षासाठी कंपनीने २२ रुपये अंतरिम लाभांश आणि १३ रुपये अंतिम लाभांश दिला होता.

५ वर्षात १२०० टक्के परतावा

बीएसईवर २७ जून रोजी Hindustan Aeronautics चा शेअर्स १.६८ टक्क्यांच्या वाढीसह ४८९६.६० रुपयांवर बंद झाला. कंपनीचे मार्केट कॅप ३.२७ लाख कोटी रुपये आहे. हा शेअर्स ३ महिन्यांत १७ टक्के आणि ६ महिन्यांत १५ टक्के वाढला आहे. या शेअरमध्ये २ वर्षात १६७ टक्के, ३ वर्षात ४४१ टक्के आणि ५ वर्षात जवळपास १२०० टक्के वाढ झाली आहे. शेअर्सचा ५२ आठवड्यांचा उच्चांक ५,६७५ रुपये आहे, जो ९ जुलै २०२४ रोजी तयार झाला होता. तर ३ मार्च २०२५ रोजी ३,०४५.९५ रुपये हा ५२ आठवड्यांचा नीचांक दिसून आला.



ब्रोकरेजकडून लक्ष्य

मे महिन्यात मोतीलाल ओसवाल यांनी प्रति शेअर ५६५० रुपयांचा लक्ष्य भाव आणि शेअर्ससाठी खरेदी रेटिंग दिले होते. इनक्रेड इक्विटीजने 'अ‍ॅड' रेटिंगसह एचएएलच्या शेअर्सवर ६,३२५ रुपयांचे लक्ष्य दिले आहे. जेफरीजने खरेदी रेटिंगसह ६,४७५ रुपयांचे आणि जेपी मॉर्गनने ओव्हरवेट रेटिंगसह ६,१०५ रुपयांचे लक्ष्य दिले आहे. आयसीआयसीआय सिक्युरिटीजने खरेदी कॉलसह ६१०० रुपयांचे तर मॉर्गन स्टॅनलीने ५,०९२ रुपयांची लक्ष्य किंमत दिली आहे.

निव्वळ नफा

जानेवारी-मार्च २०२५ या तिमाहीत एचएएलचा निव्वळ नफा ३,९५८ कोटी रुपये होता. हा आकडा गेल्या वर्षीच्या नफ्यापेक्षा ७.८% कमी आहे. कंपनीचा महसूल ७.२% कमी होऊन १३,७०० कोटी रुपये झाला. EBITDA ५,२९२ कोटी रुपये तर EBITDA मार्जिन ३८.६% होता.