याशिवाय त्याने पहिल्या सामन्यात पराभूत झाले असले तरी भारतीय संघ जिद्दी असल्याचेही मान्य करताना त्यांचे नेहमीच मोठे आव्हान असल्याचे मान्यही केले. स्टोक्स म्हणाला, 'चांगला संघ आहे. ते नेहमीच कडवी झुंज देतात. चांगले पुनरागमन करू शकतात, जिद्दी संघ आहे.'

'हे अगदीच स्पष्ट आहे की आंतरराष्ट्रीय क्रिकेट खेळताना खेळाडूंवर नेहमीच दबाव असतो, पण भारतासाठी खेळताना, विशेषत: क्रिकेटमध्ये खेळताना इतर देशांपेक्षा जरा जास्त दबाव असतो. भारत हा स्वाभिमानी संघ आहे. मागच्या आठवड्यातील पहिल्या कसोटीत जे झालं, ते पाहून गृहित धरून चालणे योग्य नाही. त्यामुळे यावेळी पुन्हा ०-० अशी सुरुवात करू. आम्ही पुन्हा चांगली कामगिरी करून संघाला आणखी आघाडीवर नेण्याचा प्रयत्न करू, अशी आशा आहे.'

रिषभ पंतने पहिल्या कसोटीत इंग्लंडच्या गोलंदाजांना चांगलंच सतवलं होतं. त्याने दोन्ही डावात शतके केली होती. तो दोन्ही कसोटी डावात शतके करणारा जगातील दुसराच यष्टीरक्षक फलंदाज आहे. त्याच्या खेळाचे स्टोक्सनेही कौतुक केले.

स्टोक्स म्हणाला, 'जरी रिषभ पंत प्रतिस्पर्धी खेळाडू असला, तरी त्याला खेळताना पाहायला आवडते. तो क्रिकेटच्या सर्व प्रकारात ज्याप्रकारे खेळतो, ते पाहायला आवडते. त्याच्यावर अनेकदा टीकाही होते, पण त्याच्यासारखी प्रतिभा असलेले खेळाडूंना जेव्हा तुम्ही स्वातंत्र्य देता, तेव्हा काय होते, हे सर्वांनीच गेल्या आठवड्यात (पहिल्या सामन्यात) पाहिले.'

स्टोक्स पुढे म्हणाला, 'पहिल्या सामन्यात दोन्ही डावात शतके करण्याचे श्रेय त्याचेच आहे. आम्हाला हे माहित आहे की तो ज्यापद्धतीने खेळतो, त्यामुळे आम्हाला संधी मिळणारच आहे. पण हे असं काहीसं आहे की एखाद्या दिवशी चित्र वेगळे दिसूही शकते. मात्र तो अतिशय धोकादायक खेळाडू आहे. तो भारतीय संघासाठी किती महत्त्वाचा आहे, हे आम्हाला माहित आहे. पण मला त्याला खेळताना पाहणे आवडते.'

भारत आणि इंग्लंड संघात होत असलेला दुसरा कसोटी सामना भारतीय प्रमाणवेळेनुसार दुपारी ३.३० वाजता बुधवारी सुरू होईल.