what Amit Shah said about Pahalgam terror attack : पहलगामध्ये हल्ला करणारे दहशतवादी पाकिस्तानमधून आले होते, याचा पुरावा काय? असा प्रश्न सोमवारी काँग्रेसचे ज्येष्ठ नेते तथा माजी केंद्रीय गृहमंत्री पी. चिदंबरम यांनी उपस्थित केला होता. त्यांच्या या विधानानंतर राजकीय वर्तुळात विविध चर्चांना उधाण आलं आहे. भाजपासह अनेकांनी त्यांच्या विधानावरून काँग्रेसवर टीका केली आहे. महत्त्वाचे म्हणजे आता केंद्रीय गृहमंत्री अमित शहा यांनीही चिदंबरम यांना प्रत्युत्तर दिलं आहे.

लोकसभेत सुरु असलेल्या ऑपरेशन सिंदूरवरील चर्चेदरम्यान अमित शहा यांनी पहलगाम हल्ला आणि ऑपरेशन सिंदूरबाबत सविस्तर माहिती दिली. अमित शहा म्हणाले, काल माजी गृहमंत्री पी चिदंबरम यांनी पहलगामधील दहशतवादी पाकिस्तानमधून आले याचा पुरावा मागितला होता. अशा पुरावा मागणं दुर्दैवी आहे. सोमवारी ऑपरेशन महादेव दरम्यान पलगामध्ये हल्ला करणाऱ्यांना दहशतवाद्यांचा खात्मा करण्यात आला आहे. त्यांची ओळखही पटवण्यात आली आहे.

पुढे बोलताना अमित शहा म्हणाले, पहलगामध्ये हल्ला करणारे दहशतवादी पाकिस्तानमधून आल्याचे पुरावे सरकारकडे आहे. तीन पैकी दोघांचे पाकिस्तानातील मतदार ओखळपत्र सरकारकडे आहे. तसेच त्यांनी वापरलेली बंदुके आणि त्यांच्याकडे आढळेली च़ॉकलेटसुद्धा पाकिस्तानातील आहे. यावरून हे स्पष्ट होतं, की हे अतिरेकी पाकिस्तानातून आले.