पाकिस्तानी क्रिकेट संघ सध्या चांगलाच चर्चेत आहे. त्यांचा युवा फलंदाज हैदर अली सध्या मोठ्या अडचणीत सापडला आहे. वयाच्या 24 व्या वर्षी हा खेळाडू बलात्काराच्या प्रकरणात अडकला असून, त्याला मँचेस्टरमध्ये अटक करण्यात आली आहे. त्याच्यावर पाकिस्तानात परतण्यास बंदी घालण्यात आली आहे. हैदर अली अडचणीत आल्यानंतर सोशल मीडियावर हार्दिक पंड्याचा एक व्हिडीओ व्हायरल होत आहे. हा व्हिडीओ पाहून भारतीय चाहत्यांनी त्याला ‘थँक यू’ म्हटले आहे. जाणून घ्या नेमकं प्रकरण काय आहे?.

पाकिस्तानचा युवा फलंदाज हैदर अली बलात्काराच्या प्रकरणात अडकला आहे. मँचेस्टरमध्ये एका ब्रिटिश मुलीवर बलात्कार केल्याचा त्याच्यावर आरोप आहे. या खेळाडूच्या वादग्रस्त प्रकरणानंतर सोशल मीडियावर एक व्हिडीओ व्हायरल होत आहे. या व्हिडीओमध्ये हार्दिक पांड्या दिसत आहे. या व्हिडीओत हार्दिक पांड्या या पाकिस्तानी खेळाडूला चिडवताना दिसत आहे. एवढेच नाही, तर हैदर अली बलात्काराच्या प्रकरणात अडकल्यावर चाहते हार्दिक पांड्याचा हा व्हिडीओ शेअर करून त्याला ‘थँक यू’ म्हणत आहेत.

वाचा: धक्कादायक! पाकिस्तानी क्रिकेटरवर इंग्लंडमध्ये बलात्काराचा आरोप, जाणून घ्या कोण आहे तो?

Pakistani 🇵🇰 cricketer Haider Ali arrested in the UK on charges of sexual molestation and suspended by PCB

Thank you pandya for owning Himpic.twitter.com/w7EIjAtU42

— Nenu (@Nenu_yedavani)

हार्दिक पांड्या-हैदर अली यांच्यातील टक्कर

हा व्हिडीओ हार्दिक पांड्या आणि हैदर अली यांच्यातील सामन्याचा आहे. 2022 च्या टी-20 विश्वचषकात हे दोघे आमनेसामने आले होते. या सामन्यात हार्दिक पंड्याने हैदर अलीची विकेट घेतली होती. हैदर अलीने हार्दिक पंड्याच्या चेंडूवर लांबलचक षटकार मारण्याचा प्रयत्न केला, पण चेंडू नीट बॅटवर आला नाही आणि परिणामी सूर्यकुमार यादवने सीमारेषेवर सोपा झेल पकडला. हा तोच सामना आहे, ज्यामध्ये विराट कोहलीने तुफानी फलंदाजी करून भारताला पाकिस्तानविरुद्ध विजय मिळवून दिला होता. भारताने शेवटच्या चेंडूवर 4 गडी राखून सामना जिंकला होता. विराटने या सामन्यात 53 चेंडूंमध्ये नाबाद 82 धावा केल्या होत्या.

हैदर अलीच्या करिअरवर संकट

हैदर अलीचे करिअर आता धोक्यात आले आहे. जर मँचेस्टरमध्ये तो बलात्काराच्या प्रकरणात दोषी आढळला, तर त्याला जन्मठेपेची शिक्षा होऊ शकते. प्रकरण संपेपर्यंत तो ब्रिटन सोडूही शकत नाही. हैदर अलीने पाकिस्तानसाठी 2 एकदिवसीय सामन्यांमध्ये 42 धावा केल्या आहेत, तर 35 टी-20 आंतरराष्ट्रीय सामन्यांमध्ये त्याने 505 धावा केल्या आहेत. आता वयाच्या अवघ्या 24 व्या वर्षी तो बलात्काराच्या प्रकरणात अडकला आहे आणि असे दिसते की, त्याची पाकिस्तानी संघात परतण्याची शक्यता आता कठीण आहे.