उद्धव आणि राज ठाकरे यांच्या एकत्र येण्याबद्दल आदित्य ठाकरे यांनी वक्तव्य केलं आहे. ते म्हणाले, दोन्ही भाऊ अनेक वर्षांपासून चर्चा करत आहेत आणि आंदोलनांमधून ते एकत्र दिसत आहेत. पुढील निर्णय ते मुंबई आणि महाराष्ट्राच्या हितासाठीच घेतील, तर देशपातळीवर आम्ही (UBT SHIVSENA) इंडिया आघाडीत आहेत.

मुंबई शहर व उपनगरात आकाश सामान्यत: ढगाळ राहील. तसेच, ढगांच्या गडगडाटासह हलका ते मध्यम पाऊस कोसळण्याची शक्यता आहे. भरती - दुपारी १२:१४ वाजता - ४.३६ मीटर. ओहोटी - सायंकाळी ६:१९ वाजता - १.५४ मीटर. भरती - रात्री ००:१३ वाजता (उद्या, १० ऑगस्ट २०२५) - ३.९३ मीटर. ओहोटी - पहाटे ६:०१ वाजता (उद्या, १० ऑगस्ट २०२५) - ०.५३ मीटर.

बीड जिल्ह्यात मारहाणीच्या घटना थांबायचे नाव घेत नाहीत मारहाण करतानाचा व्हिडिओ मोबाईल मध्ये शूट करणे आणि तो सोशल माध्यमांवर व्हायरल करून परिसरामध्ये दहशत पसरवणे हा नवा फंडा बीडमध्ये पाहायला मिळत आहे बीडच्या परळीतील नाथरा फाटा येथे एका दारुड्याकडून भगव्या वेशात असणाऱ्या साधु वरती प्राण घातक हल्ला केला आहे मारहाण करणाऱ्या व्यक्तीचे नाव दीपक पंडित असे असून जायकवाडी कॅम्प गाडी पिंपळगाव येथील तो रहिवासी आहे मात्र अद्याप पर्यंत पोलिसांनी या हल्लेखोरावर्ती कार्यवाही केली नाही हल्लेखोरा वरती तात्काळ गुन्हा दाखल करून कार्यवाही करण्यात यावी अशी मागणी नागरिकांतून होत आहे.

इतके दिवस शरद पवार का बोलले नाहीत? राहुल गांधींसोबतच्या भेटीचा हा परिणाम दिसतोय. निवडणूक आयोगाने बोलवल्यास कुणीही समोर जात नाही, असे देवेंद्र फडणवीस म्हणाले.

- सोलापूर जिल्ह्यातील कामगारांसाठी महाराष्ट्र शुगर क्रिकेट लीगचे आयोजन करण्यात आलेय

- सोलापूर जिल्ह्यातील सर्व कारखान्याच्या टीम्स बनवून हे सामने भरविण्यात आलेत

- रोजच्या ताणतणावाच्या जीवनात कामगारांना तणावमुक्त होण्यासाठी याचे आयोजन करण्यात आलेय

- त्याचबरोबर कारखान्यातील एमडी आणि कामगार दोघेही खांद्याला खांदा लावून खेळल्याने समानतेची भावना देखील यातून जोपसण्यास मदत होणार आहे

- या क्रिकेट लीगच्या आयोजनानंतर आम्हाला राज्यभरातील साखर कारखान्यांनी राज्यस्तरीय सामने घेण्याची मागणी केलीय

- त्यामुळे आगामी काळात महाराष्ट्र शुगर क्रिकेट लीगचे स्वरूप राज्यव्यापी असणार आहे.

मंत्री गिरीश महाजन यांचा पुतण्या आहे, तूला पोलीस दलात नोकरी लावून देतो, असे आमिष दाखवून एका १९ वर्षांच्या मुलीची फसवणूक केल्याचा प्रकार समोर आला आहे. आरोपीने १९ वर्षीय मुलीला नोकरीचे आमिष दाखवत साडेचार लाख रूपये लुबाडले

पुणे-मुंबई एक्सप्रेस वे वर शनिवारीसकाळच्या सुमारास वाहतूक कोंडी निर्माण झाल्याचे समोर आले. यामुळे एक्सप्रेस वे वर वाहनाच्या दोन किलोमीटर पर्यंत वाहनांच्या रांगा लागल्या होत्या. वाहतूक्कोडी झाल्याने प्रवाशांना मनस्ताप सहन करावा लागला. मुंबईकडून पुण्याकडे जाणारी वाहतुक संथ गतीने सुरु होती. तर पुण्याकडून मुंबईकडे जाणारे वाहनची वाहतुक पूर्णपणे थांबून होती. शिवाय, खंडळा टनेल जवळ वाहनाची मोठी वाहतूक कोंडी होती राक्षबंधन आणि सलग सुट्यामुळे वाहनांची संख्या वाढल्याने वाहतूक कोंडी निर्माण झाल्याचे बोलले जात आहे.

हेदवतडमधील सभेत खोतकीबाबत केलेल्या विधानावरून उद्धव गटाचे नेते भास्कर जाधव आणि ब्राह्मण समाज यांच्यात नवा संघर्ष.

स्वतःच्या राजकीय स्वार्थासाठी गुहागर तालुक्यातील ऐक्याला बाधा आणत असल्याचा ब्राह्मण समाजाचा भास्कर जाधव यांच्यावर आरोप....

राजकीय प्रवासात ब्राह्मण समाजातील अनेक उंबरठे आणि ओट्या झिजवल्याची भास्कर जाधव यांना पत्राद्वारे करून दिली आठवण.

बांधकाम मंत्री शिवेंद्रराजे भोसले यांनी मुंबई गोवा महामार्गाची पाहणी केली.

तरी लांजा तालुक्यातील वेरळ घाटातील एक वळण सध्या धोकादायक बनलंय.

अवजड वाहनांना इथून टर्न मारताना सध्या तारेवरची कसरतच करावी लागलेत.

तर या वळणावर असलेले खड्डे प्रवाशांची आणखी डोकेदुखी वाढतव आहेत.

बांधकाम मंत्री यांनी या वळणा संदर्भात तोडगा काढण्याची मागणी होतेय.

अंबरनाथमधील नवीन न्यायालयाचं उदघाट्न उपमुख्यमंत्री एकनाथ शिंदेंच्या आज होत असून. ते घटनास्थळी दाखल झाले आहेत.

अंबरनाथ न्यायालय सुरू झाल्यानंतर उल्हासनगर किंवा कल्याणला न जाता आता अंबरनाथमध्येच न्यायनिवाडा होणार असून नागरिकांचा वेळ आणि पैसा वाचणार आहे.

हा कार्यक्रम यशस्वीरित्या पार पाडण्यासाठी जिल्हा न्यायालय ठाणे, जिल्हा न्यायालय कल्याण आणि उल्हासनगर तालुका वकील संघटना करत होत्या

प्रवास तिकिटात 50 टक्के सूट असल्याने महिलांची एसटी बसने जाण्यासाठी पसंती...

सकाळपासून अमरावती मध्यवर्ती बस स्थानकात महिलांची मोठी गर्दी..

रक्षाबंधनच्या निमित्ताने गावी जाण्यासाठी गर्दी...

नागपूर आतील अत्यंत महत्त्वाच्या राम झुला उड्डाणपुलावर दोन स्पेअर मधील अंतर वाढल्यामुळे चिंता वाढली आहे...

* रामजीला उड्डाणपूल पश्चिम नागपूर आणि पूर्व नागपूर तसेच रेल्वे स्टेशन आणि सीए रोडला जोडणारा महत्त्वाचा उड्डाण पूल आहे..

* मात्र जेव्हा रेल्वे स्टेशन वरून सीए रोडच्या दिशेने उड्डाणपूल खाली उतरतो तिथे पोद्दारेश्वर राम मंदिराच्या समोर दोन स्पेअर मधील अंतर ८० मिलिमीटर पर्यंत वाढला आहे..

* साधारणपणे दोन स्पेअर मधील अंतर 25 मिलिमीटर ते 40 मिलिमीटर असायला हवं..

* मात्र या उड्डाणपुलावरील दोन स्पेअर मधील हा अंतर का वाढला आहे याचा शोध आता एमएसआरडीसीला घ्यावा लागणार आहे.

* दरम्यान अंतर वाढलेल्या दोन्ही स्पेअर वरून जेव्हा जड वाहतूक म्हणजेच ट्रक किंवा बस जातात तेव्हा त्या ठिकाणी जोरदार कंपन होत असल्याचेही जाणवत आहे...

शहरात १०० टक्के पाणी मीटर बसवा

शहरातील २ लाख ६३ नळ जोडणीपैकी अवघे १ लाख ८५ हजार मीटर बसवण्यात आले

अजून ७७ हजार बाकी आहेत एका महिन्यात कस उद्दिष्ट पूर्ण होणार याची चर्चा

दिवसाला २ हजार मीटर बसवणे अपेक्षित असताना अवघी ३०० मीटर बसवले जातात

रक्षाबंधन आणि नारळी पौर्णिमे निमित्ताने श्री विठ्ठल रूक्मिणी मातेस पारंपारिक अलंकार परिधान करण्यात आले आहेत. त्यामध्ये श्री विठ्ठलास सोने मुकुट, नाम निळाचा, कौस्तुभ मणी, मोठ्या दंडपेट्या जोड, हि-याचा कंगन जोड, मोत्याची कंठी, मोत्याचा तुरा, लहान व मोठा शिरपेच, मत्स्य जोड, मोठी बोरमाळ, लक्ष्मीहार, तोडे जोड, मोहनमाळ, तुळशीची माळ तसेच श्री रूक्मिणी मातेस सोने मुकुट, वाक्या जोड, तानवड जोड, चिंचपेटी तांबडी, जवमणी पदक, जवेच्या माळा, लक्ष्मीहार, मोहरांची माळ, पुतळ्यांची माळ, हायकोल, सरी, कंबरपट्टा इत्यादी अलंकार परिधान करण्यात आले.

जम्मू काश्मीरच्या कुलगाममध्ये गेल्या ९ दिवसांपासून दहशतवाद्यांसोबत चकमक सुरू आहे. शुक्रवारी रात्रभर चकमक सुरू असून या गोळीबारात भारतीय लष्कराचे दोन जवान शहीद झाले आहेत. तर दोघे जखमी झालेत. एका दहशतवाद्याचा खात्मा करण्यात सुरक्षा दलाला यश आलं.

महापालिकेने शहरातील २० ठिकाणी कबुतरांना सार्वजनिक खाद्य टाकण्यास बंदी केली आहे. उल्लंघन करणाऱ्यांना ५०० रुपयाचा दंड केला जातो. मात्र पुण्यातील शाश्वत फाउंडेशनने या बंदीला विरोध करणारी याचिका दाखल केली आहे. २०२३ मध्ये पालिकेने हा निर्णय घेतला होता. मात्र कबुतरांचा हक्क हिरावून घेतला जातोय म्हणत फाउंडेशनने उच्च न्यायालयात याचिका केली दाखल.

कोल्हापूर : जिल्ह्यात विविध राजकीय पक्ष, संघटनांकडून विविध मागण्यांकरिता आंदोलने केली जात आहेत. राजकीय पक्षांकडून रॅली, सभेचे आयोजन करण्यात येत आहे. तसेच जिल्ह्यात यात्रा, सण, उत्सव मोठ्या प्रमाणात साजरे होणार आहेत. यामुळे जिल्ह्यात कायदा व सुव्यवस्था अबाधित राखण्यासाठी महाराष्ट्र पोलिस अधिनियम १९५१ चे कलम ३७ (१) (अ) ते (फ) आणि कलम ३७ (३) अन्वये अपर जिल्हादंडाधिकारी संजय तेली यांनी जिल्ह्यात सोमवारी (ता. ११) सकाळी सहा वाजल्यापासून २४ ऑगस्ट रोजी रात्री बारा वाजेपर्यंत बंदी आदेश लागू केला आहे.

सीतामढी (बिहार) : बिहारमधील मसुदा मतदारयाद्यांच्या पडताळणीवरून राजकारण शिगेला पोचले असतानाच केंद्रीय गृहमंत्री अमित शहा यांनी याच मुद्यावरून कडाडून टीका केली आहे. घुसखोरांना मतदानाचा अधिकार नसल्याचे त्यांनी म्हटले आहे.

कुरुंदवाड : खिद्रापूर (ता. शिरोळ) च्या उपसरपंच पूजा शिवगोंडा पाटील विश्वासात घेऊन काम करीत नाहीत, असा ठपका ठेवत ग्रामपंचायतीमधील सात सदस्यांनी त्यांच्यावर अविश्वास ठराव दाखल केला आहे. या ठरावावर निर्णय घेण्यासाठी तहसीलदार अनिलकुमार हेळकर यांनी १२ ऑगस्ट रोजी ग्रामपंचायत कार्यालयात विशेष सभेची अधिसूचना काढली आहे. मुंबई ग्रामपंचायत अधिनियमानुसार नियोजित विशेष सभेत चर्चा होऊन गुप्त मतदानाच्या माध्यमातून उपसरपंचपदाच्या भवितव्याचा निकाल लागणार आहे. तहसीलदारांनी या संदर्भातील अधिकृत अधिसूचना जारी केली असून, सर्व सदस्यांना उपस्थित राहण्याचे आदेश दिले आहेत.

बेळगाव : यल्लमा (रेणुका) सौंदत्ती डोंगर परिसरात शुक्रवारी (ता. ८) दुपारी अचानक मुसळधार पावसाचा जोरदार मारा झाला. अवघ्या काही मिनिटांत डोंगरावरून प्रचंड प्रमाणात पाण्याचे लोंढे खाली वाहू लागले. या अचानक आलेल्या पाण्याच्या प्रवाहामुळे रस्त्यांवर पाणी साचले असून, काही ठिकाणी लहान नाल्यांना पूर आला.

कोल्हापूर : मुंबई उच्च न्यायालयाच्या कोल्हापूर सर्किट बेंचसाठी पुणे, अहिल्यानगर, चंद्रपूर येथील तीन न्यायाधीशांची विशेष म्हणून नियुक्ती झाली आहे. त्याशिवाय मुंबई आणि छत्रपती संभाजीनगर येथील १४ विधी अधिकाऱ्यांची नियुक्ती करण्यात आली आहे. त्याचे आदेशही जारी झाले आहेत.

पुणे : ड्रग्ज पार्टीत पोलिसांनी पकडलेले खडसेंचे जावई प्रांजल खेवलकरचा पाय आणखी खोलात जाण्याची शक्यता आहे. खेवलकरच्या मोबाईलमध्ये ज्या व्हिडिओ क्लीप सापडल्यात, त्या पैकी 4 तरुणींनी पोलिसांनी शोधून काढल्याची माहिती आहे. या तरुणींनी तक्रार केल्यास खेवलकरविरोधात महिला अत्याचाराचे गुन्हे दाखल होण्याची शक्यता आहे.

जयसिंगपूर : महादेवी हत्तीणीच्या घरवापसीसाठी शासन, नांदणी मठ आणि वनताराची संयुक्त पुनर्विचार याचिका सोमवारी (ता. ११) सर्वोच्च न्यायालयात दाखल केली जाणार आहे. शासन, वनतारा आणि मठ यांच्यात एकमत झाले असले, तरी सर्वोच्च न्यायालयातील सुनावणी आणि निकालाकडे ‘महादेवी प्रेमीं’चे लक्ष लागून राहिले आहे.

Latest Marathi Live Updates 9 August 2025 : बहीण-भावाच्या नात्याचा अनोखा उत्सव 'रक्षाबंधन' आज सर्वत्र साजरा केला जात आहे. लोकसभेतील विरोधी पक्षनेते राहुल गांधी यांनी केलेल्या मतचोरीच्या आरोपावरून राजधानी दिल्लीतील राजकीय वातावरण चांगलेच तापले आहे. राहुल यांनी निवडणूक आयोगावर थेट आरोप केले असल्याने शुक्रवारी आयोगानेही राहुल यांना ‘दावा खरा असेल तर सहीसह प्रतिज्ञापत्र सादर करा’ असे आव्हान दिले. भाजपने राहुल यांच्यावर टीका केलीये. तसेच महादेवी हत्तीणीच्या घरवापसीसाठी शासन, नांदणी मठ आणि वनताराची संयुक्त पुनर्विचार याचिका सोमवारी (ता. ११) सर्वोच्च न्यायालयात दाखल केली जाणार आहे. जम्मू आणि काश्मीरमधील सर्वांत दीर्घकालीन दहशतवादविरोधी कारवाई कुलगाम जिल्ह्यात शुक्रवारी, आठव्या दिवशीही सुरू होती. यासह देश आणि राज्यातील महत्त्वाच्या घडामोडी तसेच वाहतूक कोंडी, राजकीय घडामोडी, क्रीडा, मनोरंजन, मान्सून या सर्व घडामोडींचे अपडेट जाणून घ्या एका क्लिकवर..