Coconut ladoo recipe गोड पदार्थ

रक्षाबंधनाला प्रत्येक घरात काही ना काही गोड पदार्थ हे बनवले जातात या रक्षाबंनाला घरच्या घरी अगदी सोप्या पद्धतीत आणि झटपट बनवा खोबऱ्याचे लाडू.

Coconut ladoo recipe साहित्य:

किसलेलं खोबरं (ओलं किंवा सुकं): २ कप, दूध: १/२ कप, साखर: १ कप, वेलची पूड: १ चमचा, तूप: २ चमचे, काजू किंवा बदाम: आवश्यकतेनुसार (सजावटीसाठी)

Coconut ladoo recipe कृती

हे लाडू बनवायला अगदी सोपे आहेत आणि कमी वेळेत तयार होतात. लाडू बनवण्याची कृती/ योग्य पद्धत जाणून घ्या.

Coconut ladoo recipe तूप आणि खोबर

एका जाड बुडाच्या कढईत तूप गरम करून घ्या. त्यानंतर गरम तुपात किसलेलं खोबरं घालून मंद आचेवर साधारण ५-७ मिनिटे हलकं सोनेरी होईपर्यंत भाजून घ्या. खोबरं करपणार नाही याची काळजी घ्या.

Coconut ladoo recipe साखर

भाजलेल्या खोबऱ्यामध्ये दूध घालून व्यवस्थित मिसळून घ्या. आता त्यात साखर घालून मिश्रण पूर्णपणे एकजीव होईपर्यंत ढवळत रहा.

Coconut ladoo recipe मिश्रण

मिश्रण सतत ढवळत रहा, जेणेकरून साखर पूर्णपणे विरघळेल आणि मिश्रण घट्ट होईल.

Coconut ladoo recipe वेलची पूड

मिश्रण घट्ट झाल्यावर त्यात वेलची पूड घालून मिक्स करा. त्यानंतर मिश्रण लाडू वळण्याच्या स्थितीमध्ये आल्यावर गॅस बंद करा.

Coconut ladoo recipe लाडू वळा

लाडूचे मिश्रण एका ताटात काढून थोडं थंड होऊ द्या. मिश्रण पूर्णपणे थंड होऊ देऊ नका. मिश्रण कोमट असताना, हाताला थोडं तूप लावून त्याचे छोटे-छोटे लाडू वळा. त्यानंतर प्रत्येक लाडूवर काजू किंवा बदामाचा तुकडा लावून सजवा.

Coconut ladoo recipe हवाबंद डबा

अशा प्रकारे, तुमचे स्वादिष्ट खोबऱ्याचे लाडू तयार आहेत! हे लाडू तुम्ही हवाबंद डब्यात साठवून ठेवू शकता.

Rakshabandhan Importanat things Rakhi Aarti Thali : औक्षण करताना ताटात विशेष महत्वाच्या या वस्तू जरुर ठेवा येथे क्लिक करा