क्युरियस आयज सिनेमा प्रस्तुत ‘मन्नू क्या करेगा?’ या आगामी चित्रपटाचं तिसरं गाणं ‘तेरी यादें’ नुकतंच प्रेक्षकांसमोर आलं असून, त्याला सकारात्मक प्रतिसाद मिळतोय. हमनवा आणि सैया या गाण्यांनंतर आलेल्या या नव्या ट्रॅकनं संगीतप्रेमींची उत्सुकता अधिक वाढवली आहे. ‘तेरी यादें’ हे हृदयस्पर्शी रोमँटिक गाणं आहे.

मॉरीशसच्या रम्य निसर्गरम्य ठिकाणी चित्रित करण्यात आलेल्या या गीतात नवे कलाकार व्योम आणि साची बिंद्रा यांची केमिस्ट्री प्रेक्षकांना भावते. राघव चैतन्य यांच्या सुरेल आवाजात आणि निर्माता शरद मेहरा यांच्या कवितासदृश बोलांमुळे हे गाणं जुन्या रोमान्सची आठवण करून देतं, तसेच आधुनिक भावनांचंही प्रतिबिंब दाखवतं.

या गाण्याला निशिकांत रामटेके यांनी संगीत दिलं आहे. चित्रपटात व्योम आणि साची बिंद्रासोबतच विनय पाठक, कुमार मिश्रा आणि चारू शंकर यांसारखे अनुभवी कलाकारही झळकणार आहेत. ‘मन्नू क्या करेगा?’ हा चित्रपट जीवनातील नातेसंबंध, भावनिक प्रवास आणि स्वतःला शोधण्याच्या प्रक्रियेवर भाष्य करणारा ठरण्याची अपेक्षा आहे. हा चित्रपट १२ सप्टेंबर रोजी देशभरातील चित्रपटगृहांमध्ये प्रदर्शित होणार आहे.