Banking and Financial Services Sector: 2030 पर्यंत बँकिंग आणि फायनान्शियल सर्व्हिसेस सेक्टरमध्ये मोठ्या प्रमाणावर भरती होणार आहे. या सेक्टरमध्ये चालू आर्थिक वर्षात 8.7% वाढ झाली असून, 2030 पर्यंत ही वाढ 10% पर्यंत पोहोचेल, असा अंदाज आहे. या वाढीमुळे सुमारे 2.5 लाख कायमस्वरूपी नोकऱ्या निर्माण होतील. यामागे टियर-2 आणि टियर-3 शहरांमधील वाढती मागणी हे कारण आहे.

एडेको इंडियाच्या जाहीर झालेल्या अहवालानुसार, 2025 च्या पहिल्या सहामाहीत हायरिंगमध्ये गेल्या वर्षीच्या तुलनेत 27% वाढ झाली आहे. ही वाढ विशेषतः फ्रंटलाईन, डिजिटल आणि कम्प्लायन्स नोकऱ्यांमध्ये दिसून आली आहे. कंपनीचे डायरेक्टर कार्तिकेयन केसवन यांनी सांगितले की, ईएसजी स्ट्रॅटेजी, एआयएफ/पीएमएस कम्प्लायन्स आणि डिजिटल वेल्थ रोल्समध्ये मिड-सीनियर लेव्हल हायरिंगमध्ये 30% वाढ झाली आहे.

बँकिंगसेक्टरमध्ये तंत्रज्ञान व कम्प्लायन्सवर आधारित हायरिंगमध्ये 9.75% वाढ झाली आहे. पब्लिक आणि प्रायव्हेट बँका, कोअर बँकिंगचे आधुनिकीकरण, क्लाऊड-बेस्ड सिस्टिम्स, चॅटबॉट्स आणि डिजिटल अॅप्ससाठी टॅलेंटेड डिजिटल टीम्स तयार करत आहेत. तसेच एमएसएमई आणि ग्रामीण भागात कर्जाच्या वाढत्या मागणीमुळे लोन अंडररायटिंग, कलेक्शन आणि रेग्युलेटरी कम्प्लायन्स रोल्समध्ये 7-8.25% हायरिंग ग्रोथ झाली आहे.

फायनान्शियल सर्व्हिसेस व इंश्युरन्स सेक्टरमध्येदेखील भरती वाढत आहे. म्युच्युअल फंड्स व ब्रोकरेज कंपन्या आपले अॅडव्हायझरी नेटवर्क वाढवत आहेत. फिनटेक कंपन्या पर्सनल फायनान्ससाठी टेक्नॉलॉजी व प्रोडक्ट टीम्स वाढवत आहेत. यामुळे कम्प्लायन्स आणि फ्रॉड डिटेक्शन रोल्सची मागणी वाढली आहे.

इंश्युरन्स क्षेत्रात डिजिटल अंडररायटर्स, एआय-बेस्ड क्लेम स्पेशॅलिस्ट्स, फ्रॉड डिटेक्शन अॅनालिस्ट्स आणि डिजिटल अॅसेसर्स अशा रोल्समध्ये 6-9% वाढ झाली आहे. आयआरडीएआयच्या पॉलिसीजमुळे आणि टेक्नॉलॉजीला चालना मिळाल्याने या क्षेत्रात दरवर्षी 5-7% हायरिंग ग्रोथ होत आहे.

Q1. 2030 पर्यंत किती नोकऱ्या निर्माण होणार आहेत?
- अंदाजे 2.5 लाख कायमस्वरूपी नोकऱ्या.

Q2. कोणत्या क्षेत्रांमध्ये जास्त भरती होईल?
- डिजिटल बँकिंग, कम्प्लायन्स, लोन अंडररायटिंग, इंश्युरन्स व फ्रॉड डिटेक्शन रोल्समध्ये.

Q3. कोणत्या शहरांमध्ये सर्वाधिक मागणी आहे?
- टियर-2 आणि टियर-3 शहरांमध्ये.

Q4. दरवर्षी हायरिंग ग्रोथ किती आहे?
- साधारण 5% ते 10% पर्यंत.