आज ७ सप्टेंबरला रात्री आकाशात एक खगोलीय चमत्कार पाहायला मिळणार आहे. वर्षातील दुसरे चंद्रग्रहण, ज्याला ‘ब्लड मून’ म्हणूनही ओळखले जाते भारतासह जगभरातील अनेक देशांमध्ये दिसणार आहे. ही खगोलीय घटना तुम्ही घरी बसून तुमच्या मोबाईल फोनवरही अनुभवू शकता. चंद्राचा लाल रंग आणि त्याची रहस्यमयी छटा तुम्हाला थक्क करेल

कधी आणि कसे पाहाल चंद्रग्रहण?
हे चंद्रग्रहण रात्री ९:५७ वाजता सुरू होईल आणि रात्री ११ वाजता चंद्र पूर्णपणे पृथ्वीच्या सावलीत झाकला जाईल. हा नजारा सुमारे ८२ मिनिटे दिसेल. पहाटे १:२७ वाजता ग्रहण संपेल. भारताबरोबरच ऑस्ट्रेलिया, युरोप, हिंद महासागर आणि अंटार्क्टिकामध्येही हा सोहळा पाहता येईल. उघड्या डोळ्यांनी ग्रहण पाहणे डोळ्यांना हानिकारक ठरू शकते. त्यामुळे नासाच्या अधिकृत वेबसाइटवर (https://science.nasa.gov/eclipses/) किंवा ‘Time and Date’ युट्यूब चॅनेलवर थेट प्रक्षेपणाचा आनंद घ्या.

‘ब्लड मून’ म्हणजे काय?
जेव्हा पृथ्वी, सूर्य आणि चंद्र एका रेषेत येतात, तेव्हा पृथ्वीची सावली चंद्रावर पडते आणि चंद्र लाल रंगाचा दिसतो. यालाच ‘ब्लड मून’ म्हणतात. सूर्याच्या किरणांमधील लाल रंगच चंद्रावर पडतो ज्यामुळे हा अनोखा रंग दिसतो.

पुढचे चंद्रग्रहण कधी?
नासाच्या माहितीनुसार पुढील चंद्रग्रहण ३ मार्च २०२६ रोजी होईल. हेही पूर्ण चंद्रग्रहण असेल आणि पूर्व आशिया, अमेरिका, ऑस्ट्रेलियासह अनेक ठिकाणी दिसेल.